Laugaskokk blogg

Plastkarlinn (konan)

2010-11-13T14:32:00.003Z

Þegar fréttist af mikilli þátttöku Íslendinga í Járnkarli á Florida í nóvember á næsta ári, fylltist Göngudeildin af eldmóð og skipulagði fyrstu þríþrautakeppni Göngudeildar, Plastkarlinn. Ástæðan fyrir nafninu var að það þótti nógu langt frá Járnkarlinum til þess að ekki væri ruglast á keppnum. Til þess að vanda til keppninnar voru skoðaðar bloggsíður þríþrautakappa til að læra sem mest um hvernig ætti að bera sig að við keppni sem þessa.

Ákveðið var að láta slag standa og keppnin haldin í dag. Um var að ræða lokað boðsmót og þess gætt að keppendur væru ekki fleiri en verðlaunasætin, þ.e. þrír. Keppnisgreinar voru þrjár, 2.5 km skíðaganga á Crosstrainer, 20 km á hjóli og loks 5 km hlaup á bretti. Þeim keppendum sem boðið var í þetta fyrsta mót voru Bjargey, Eggert og Kolla. Ástæðan fyrir því að þessir meðlimir Göngudeildar urðu fyrir valinu er að hinir eru erlendis, ýmist á ráðstefnum eða í leit að innri frið (í Nepal). Síðan hitt að Chicago hlaupararnir hafa ekki látið sjá sig eftir annálinn á Haustfagnaðinum þótt þeir hafi verið boðnir hjartanlega velkomnir í Göngudeildina.

Þótt keppendur væru mældir í þremur tækjum, þá voru líka tekin tvö tæki til viðbótar, ef ske kynni að það þyrfti að fá keppnina viðurkennda sem fimmtaþraut. Viðbótar tækin voru sófinn, sem er notaður í byrjun til að ná upp keppnisskapinu, og vatnshaninn, sem er notaður til að brynna keppendum eftir hjólakeppnina. Var ekki vanþörf á að bæta þessum tækjum við en hins vegar var greinilegt í fyrstu keppnisgreininni að þetta keppnisform reyndi misjafnlega á keppendur. Eggert náði ekki að stilla tækið rétt og Bjargey, sem reyndar er sú eina af keppendum sem hefur reynslu af viðurkenndri keppni í þríþraut, var ekki að ná réttum rytma í hreyfingum til þess að ná sem mestu út úr tækinu. Það var því fyrrverandi fimleikakonan, Kolla, sem geislaði af keppnisgleði þannig að crosstrainerinn varð að sméri í höndunum á henni svo að hún sigraði mjög sannfærandi þessa fyrstu grein. Næst var komið að hjólinu. Keppendur voru að ná tökum á keppnisforminu og æddu af stað. Þarna kom berlega í ljós hvað reynslan skiptir miklu máli því Bjargey byggði á fyrri þátttöku sinni og tók þessa grein í nefið. Eggert reyndi allt hvað hann gat og var meira að segja með hörku tónlist í eyrunum til að skammta taktinn en það kom ekki að neinum notum gagnvart reynsluboltanum Bjargey. Sólin sem skein á Kollu í fyrstu greininni var hnigin til viðar og því dimmt yfir okkar manneskju þar sem hún rak lestina í hjólagreinni. Þegar komið var að síðustu greininni gat staðan varla verið jafnari. Kolla og Bjargey höfðu unnið sitthvora greinina, en Eggert með naumt tímaforskot í heildina. Það var því ljóst að barist yrði til síðasta manns (konu) í hlaupinu. Rétt eftir að brettin höfðu verið ræst, sannaðist berlega döpur frammistaða á hlaupaæfingum undanfarinna vikna. Þekkt morgunógleði Bjargeyjar gerði vart við sig, fimleikameiðsli Kollu tóku sig upp og gigtarsjúklingurinn Eggert þjáðist að auki af svokölluðu Kolbrúnarheilkenni í vinstri mjöðm og gat sig varla hreyft. Það voru því örmagna keppendur sem skriðu yfir marklínuna og var rétt sjónarmunur á milli þeirra.

Eftir keppnina var keppendum gert að hittast á teygjudýnunni. Þá kom í ljós að þeir voru vel lesnir í fræðunum því kærunum rigndi yfir. Eggert var kærður fyrir að þiggja aðstoð/hvatningu í hjólakeppninni frá þremur tilgreinum aðilum, þ.e. Billy Idol, Foo Fighters og Rammstein, Bjargey var kærð fyrir óíþróttamannslega framkomu og loks kærði Kolla skráninguna á lokatímanum sínum í hlaupinu. Þess vegna eru eftirfarandi úrslit birt með fyrirvara. Eins var ákveðið, af tillitsemi við keppendur, að birta ekki heildartímann, heldur aðeins tímamun á milli keppenda.

Óstaðfest úrslit eru því að Eggert var í fyrsta sæti, Bjargey í öðru sæti 1 mínútu og 2 sekúndum á eftir og þá Kolla í þriðja sætinu, 3 mín og 7 sekúndum á eftir fyrsta manni.

Þrátt fyrir að það hafi gengið á ýmsu, þá voru keppendur engu að síður sammála um að keppnin hefði verið frábær tilbreyting frá því að æða út í kuldann um morguninn.

Stefnumót við Þorvald

2010-07-20T18:53:00.011Z

Ég hef vitað af Þorvaldi í mörg ár og oft hefur mér dottið í hug að reyna að kynnast honum nánar. Af því varð þó ekki fyrr en í ár. Ég gaf út stórar yfirlýsingar á Facebook og sagði hverjum sem heyra vildi að ég ætlaði norður 3. júlí að hitta Þorvald... Þegar ég fór að afla mér nánari upplýsinga fóru nú reyndar að renna á mig nokkrar grímur en ekki var um annað að ræða en að standa við stóru orðin.

Hlaupið er frá Fornhaga í Hörgárdal niður á Árskógsströnd um 25 km leið í gegnum Þorvaldsdal. Hlaupið er um móa og mýrar og götur eru í mesta lagi þröngar og krókóttar kindagötur þar til komið er á jeppaslóða síðustu 7-8 km. Votviðri undanfarinna daga gerði það líka að verkum að göturnar og moldarbakkar lækja voru sleipir og hált var í blautu grasi og mýrarnar blautar og þungar. Hlaupið hefst að auki á drjúgri hækkun en leiðin fer hæst í um 500 metra ca 7 km frá rásmarkinu.

Ég var mætt tímanlega út á Árskógsströnd að sækja númerið mitt. Fleiri Laugaskokkarar voru mættir í Árskógsskóla, Sigrún Erlends, Agga, Ásta og Stefán Viðar með Spóa áttu eftir að standa sig dæmalaust vel þennan dag (sjá úrslit).

Hópurinn var fluttur með 2 bílum að rásmarkinu við Fornhaga í Hörgárdal og þangað voru fleiri hlauparar mættir. Þar var t.d. Pétur Frantz með gallvaska félaga úr Hveragerði.

Starri hlaupstjóri fór yfir helstu öryggisatriði áður en hlaupið var ræst. Mikilvægt var t.d. að álpast ekki inn í Afglapadal í upphafi hlaups og rétt að passa sig á því að hafa ána á vinstri hönd og halda sig vel til hægri á vatnaskilum til að fá ána aftur á vinstri hönd þegar halla færi undan fæti niður á Árskógsströnd. Við Hrafnagilsá myndu hlauparar eiga kost á bílfari yfir ána en bílstjórinn væri fullkomlega frjáls að því að hafa sína hentisemi við ferjunina og allar hans ákvarðanir og gerðir ókæranlegar!

Þegar hlaupið var ræst þustu þátttakendur af stað en ekki höfðu mörg skref verið tekin þegar brekkan fór að taka í. Ekki var um annað að ræða en ganga og reyna að gera það eins rösklega og kostur var. Að fyrstu drykkjarstöð og rúmlega það náði ég að verða samferða 2 konum sem tilheyrðu Pétri F að því að ég best veit en flestir voru hlaupararnir horfnir í buskann. Þó drægi úr mesta brattanum var langt frá því að leiðin gæti talist greið, engu er logið í nafngiftinni “óbyggðahlaup” og smám saman dró sundur með mér og konum Péturs. Þær voru þó lengst af í sjónmáli.

Á vatnaskilum fór ég frammúr öðrum hlaupara, sem hefði óneitanlega talist meira afrek ef hann hefði ekki snúið sig illa og verið að jafna sig eftir það til að geta hökt af stað aftur. Önnur drykkjarstöð var staðsett neðan við mikið framhlaup sem orðið hafði úr fjallinu og þaðan lá leiðin niður að ánni. Á þessari drykkjarstöð hitti ég Jakobínu frænku mína sem lá þarna í leti og hafði lagt af stað með göngufólkinu. Eftir stutt spjall við frænku og starfsfólkið á drykkjarstöðinni sá ég halta manninn nálgast í fjarska og ákvað að drífa mig til að reyna þó að halda forskoti á slasaðan keppinaut minn. Landið varð aðeins greiðfærara á köflum en þreytan var líka farin að segja til sín.

Næsti áfangi á leiðinni var vatn mikið sem Sveinn á Kálfsskinni mun hafa búið til í dalnum á sínum tíma í óþökk sveitunga sinna til að hita vatnið á Þorvaldsá svo lax gengi betur í ána en bændur sáu eftir góðum reiðgötum sem gott var að skeiða um dalbotninn. Um þetta má lesa í endurminningum Sveins, Vasast í öllu sem komu út árið 2007. Aftur glæddist von í brjóstinu þegar ég sá að ég dró heldur á rauðklædda veru framundan og það sló ekkert á gleðina að þegar ég fór frammúr henni reyndist þetta vera eldri kona, búin til göngu... annar roskinn göngumaður var skilinn eftir í rykinu örstuttu síðar.

Nú var ég komin á jeppaslóðann langþráða og sóttist ferðin aðeins betur. Framundan þekkti ég einn af þátttakendum sem lagt höfðu af stað á sama tíma og ég og var hvorki fjörgamall né sjáanlega laskaður. Það hlýtur að teljast gild framúrför!! Töluverðar áhyggjur hafði ég samt af bílstjóranum óútreiknanlega því ég nálgaðist ána en hafði ekki náð svo verulegu forskoti á keppinautinn að bílstjóranum gæti vel dottið í hug að hinkra og ferja okkur yfir í sömu ferðinni. Sú sálarangist reyndist fullkomlega ástæðulaus. Bílstjórinn var indælispiltur sem bauð mér orkudrykk og ferjaði mig umsvifalaust yfir ána. Varla var ég komin aftur á skrið þegar ég hitti fyrir ljósmyndara sem smellti í gríð og erg, ekki um annað að gera en reyna að rétta úr sér og kreista fram kraft í hreyfingarnar og skella upp einhverju sem vonandi líktist brosi meira en sársaukagrettu. Vegarslóðin vatt sig um melhóla og ég viðurkenni fúslega að allt sem var uppímóti gekk ég en reyndi að lulla áfram á hlaupum þess á milli. Ég var þarna reyndar hætt að hafa áhyggjur af að ná ekki í mark áður en tímatöku yrði hætt en orkan beindist öll að þvi að koma öðrum fæti fram fyrir hinn. Bláklæddur maður virtist í “seilingarfjarlægð” en heldur gekk mér hægt að draga á hann, kannski vegna þess að á síðustu drykkjarstöð hélt ég að sjálfsögðu uppteknum hætti og stoppaði og spjallaði við starfsmanninn sem fullvissaði mig um að úr því ég væri komin þetta langt myndi ég hafa þetta af. Vissulega var ég þarna farin að sjá vel til byggða og átta mig á því hvar markið langþráða hlaut að fyrirfinnast. Þangað komst ég á 3:30 og þáði verðlaunapening úr hendi Ingu konunnar hans Valda frænda míns og samlokur, banana, súkkulaði og ávaxtasafa til hressingar!

Þrem vikum síðar get ég sagt að mér fannst hlaupið skemmtilegt og umhverfið fallegt en óneitanlega flokkast þetta hlaup með því erfiðara sem ég hef tekið mér fyrir hendur (fætur). Undirbúningurinn fyrir hlaupið hefði sennilega mátt vera betri og hugsanlega hef ég lært þá lexíu að láta ekki undan leti og hlaupaleiða vikum og mánuðum saman síðla vetrar. Það er ekki gott veganexti fyrir metnaðarfulla dagskrá sumarsins!

Allt um Þorvaldsdalsskokk.

Hrafnhildur

Sumarhlaup FH og Atlantsolíu, Skemmtilegt 5km. hlaup í Hafnarfirði

2010-06-09T11:30:00.002Z

Í þetta hlaup mættu bæði afreksfólk og almenningur vel.
Laugaskokkarar, voru þarna, bæði á keppnisbuxunum, til að héra sitt fólk, og líka til að taka: ” koma ´sér í form æfingu”. Mér sýnist við hafa verið 6 sem hlupum.
Kolla var mætt með fylgdarlið á svæðið að hvetja sitt fólk og stóð sig vel í því, hún æsti unga stúlku í að vera á undan mér sem stúlkan gerði með leik.
Hlaupalöggan stóð við brautina eftir nokkkur hundruð metra og skipaði vinum sínum til og frá, reyndi þannig að stjórna umferðinni. Í bakaleiðinni var löggan mætt annarstaðar og sagði manni að taka betur á sem maður náttúrulega gerði “ löghlýðinn að sjálfsögðu”.
Fjölmenni var og brautin mjó en fljótt teygðist ormurinn þannig að fólk var ekki að hlaupa ofaní hvort öðru- maður gat allvega tekið framúr án þess að troðast ;)
Aðstæður voru glimrandi, pínu gola, mest á móti fyrri helminginn. Sem betur fer var öskuþokan, sem var daginn eftir, ekki mætt á staðinn en þá hefði sennilega þurft að aflýsa hlaupinu. Laugaskokkarar, allavaega þeir sem ég þekki, náðu markmiðum sínum. Héranum tókst að pína sinn mann á tilskyldum tíma. Og einhverjir bættu sig. Ég náði að hlaupa þessa 5 km. á 5mínútna tempói, mín bara í framför enda ágæt spyrna frá botninum. ;) Það er gaman að snúa svona við þótt það hægi pínu á, því þá sést hverjir eru fyrstir og á undan manni og líka hverjir eru á eftir. Það besta við 5km hlaup að það eru bara 5 kílómetrar ;)
Við vorum 6 sem munstruðum okkur við Laugaskokk og sýnsist mér allir geta verið ánægði smeð sig. Eiginkona hans og tengdafólk var á staðnum og náði maður alveg að sækja stuðning þar.
Björn Margeirsson tengdasonur Laugaskokks vann hlaupið með glæsibrag á tímanum 16:05. Eiginkona hans og tengdafólk var á staðnum og náði maður alveg að sækja stuðning þar. Okkar kona Helen Ólafsdóttir var önnur kvenna á flottum tíma: 18:50. Þórir Magnússon var líka á fínum tíma !8:48. Einar hljóp með syni sínum, alltaf gaman þegar tekst að smita afkvæmin af hlaupabakteríunni og Viktor Einarsson hinn nýi laugaskokkari hljóp þarna sitt fyrsta 5km. keppnishlaup, á fínum tíma. Hann fékk að auki 20 manna skúkkulaðitertu í útdráttarverðlaun. Jóna Dóra var þarna líka og hljóp á flottum tíma, perslónulega best held ég.
Þetta var mjög skemmtilegt og hressandi hlaup. Brautin var niður við sjó meðfram Strandgötunni og var því flöt. Mótshaldarar, Ritarinn o.fl. , segja þetta vera bætingabraut framtíðarinnar, einnig hefur heyrst að þetta verði líka vetrarhlaups-sería ekki ósvipað og Powerade, nema 5km og sennilega færri hlaup.
Fjöldi útdráttarverðlauna var í boði. Laugaskokkarar fóru heim með súkkulaðitertur (gjafabréf), drykki og plastsundlaugar o.fl. Ég mæli hiklaust með þessu hlaupi Hafnfirðinga. Það var vel að öllu staðið hjá þeim.
Á leiðinni heim keyrðum við framhjá þremur Gröfu og Kranaköllum þar af einn Laugaskokkara hlaupandi heim eftiri keppnina. Þetta kallar maður að nota almenningshlaup sér til stuðnings í æfingaprógrammi.

Laugaskokkarar á Mývatni

2010-06-09T11:27:00.002Z

Í Minningunni er Mývatnsmaraþon: Pétur Franzson stormandi með fulla rútu af Námsflokkum á Mývatn, hann keyrir sjálfur og er búinn að redda góðri gistingu fyrir alla (nema kannski sjálfan sig), svo trommuðu allir sem gátu haldiði á vetlingi norður. Ef ekki hefði verið fyrir P.F. þá værum við ekki á Mývatni núna . Við Laugaskokkarar sem vorum á Mývatni þ. 29.mai sl. vorum öll sammála um það.
Við Ívar keyrðum norður á fimmtudgskvöld (ætluðum ekki að missa af neinu), gistum í Vatnsdal (Við Ólafslund þar sem hnífurinn er geymdur). Endalaust pælt í hvernig veðrið yrði og aðstæður til hlaups. Það að fara norður í maí er náttúrulega áhættuatriði. En það leit vel út með hlaupaveður.
Á föstudaginn rákum við inn nefið hjá Pétri Ísleifs, (Einum af okkar noðlensku Laugaskokkurum) sem nú býr á Laugum, fengum góðgerðir og héldum svo áfram.
Um kvöldið lentum við svo á Mývatni ásamt Gunna, Mundu (sem var alveg í gírnum fyrir maraþon daginn eftir) og Loppu. Berglind og Ævar ásamt Hilmi og Frakki voru mætt um morguninn hress og kát að vanda. Þarna voru líka nýr Laugaskokkari Stanislav Bukovski sem ætlaði að hlaupa sitt fyrsta maraþon, ásamt konu sinni og tveimur litlum guttum sem skottuðust um allt og höfðu mjög gaman að eltalst við Loppu og Frakk.

Oft hafa fleiri verið í Mývatnsmaraþoni 12 manns hlaupu af stað og startið lét lítið yfir sér. Við Gunni og Loppa keyrðum á eftir maraþonhlaupurum. Þetta leit mjög vel út. Ívar langfyrstur, við sögðum honum að missa ekki löggubílinn – hvernig missir maður löggubílinn? Jú maður missir einhvern fram úr sér og þar með fer löggubíllinn með honum. Næst Ívari kom Munda þessi uppstilling hélt þangað til ég þurfti að yfirgefa klappliðið og planta mér á startlínuna í 10km. Síðar frétti ég að 2 karlar hefðu troðiið séfr á milli þeirra vinanna. Munda var því 4. í mark í heildina, hún hljóp í markið á tímanum 3.42. 8 mínútna bæting! Þá kom sér vel að vera með pallföt ;)

Í startinu í 10km. sagði ég Berglindi að hún yrði að vera fyrst (engin pressa) og hún sagðist hafa hugsað þessi orð oft á leiðinni, gott að geta verið einhverjum hvatning. 10 km. brautin er erfið fyrst jafnslétt svo svaka brekka (brekkan þar sem maður byrjaði í hálfu á gömlu brautinni.), svo hæðótt upp og niður, svo brekka, svo brekka og svo brekka dauðans upp að jarðböðunum og þá er sagan öll. Það var gott veður og golan meira í bakið.

Laugaskokkarar unnu og unnu á Mývatni. Maraþonpallinn prýddu 1. sæti: Ívar (3.09) og Munda (3.42), þau fengu risa bikara og Blómvendi . Á 10km pallinum voru í 1.sæti hjónakornin Ævar (41) og Berglind (47) þau fengu bikar og blómvendi, nóg af blómum á því heimili. Í hálfmaraþoni vann Stefán Viðar (1.17) og Helga (1.41) var 3 konan, þau voru bæði að bæta sig. Sveitakeppnina í maraþoni vann sveit Laugaskokks , Munda, Ívar og Stanislav. En Stanislav hljóp í markið með strákana sína tvo sem komu á móti honu á tímanum 3.59 og var mjög sáttur.
Persónulega man ég varla eftir að hafa hlaupið svona hægt 10 km. þannig að maður getur kannski farið að skrá PV í hlaupadagbókina ;(

Ýmsir vinir Laugaskokks voru á staðnum, þar voru áberandi Árbæingar sem settu skemmtilegan svip á maraþonið með sínum appelsínugula lit. Þeir fengu á sig uppnefnið ruslakallarnir og náttúrulega borið upp á okkur að við hefðum komið því á sem er náttúrulega bara lygi.

Við Munda og Hilmir leystum svo út vinning síðan í fyrra og fórum í útsýnisflug með Mýflugi. Ekkert smá flott. Sumir voru að drepast úr hræðslu en það var bót í máli að flugmaðurinn þótti mjög töff ;)
Gott fjölskyldu og vina kvöld var framundan með smá eourvision og kosningavöku í Æsufellinu. Kosningavökuna horfði ég reyndar ein á gapandi af undrun meðan hinir fögnuðu ennþá hlaupasigrunum.

Laugaskokkarar á Úlfljótsvatni

2010-06-08T19:33:00.002Z

Laugaskokkarar fjölmenntu sem fyrr í Úlfljótsvatnshlaupið sl. laugardag og áttu góðan hlaupadag. Enda allt sem mælir með hlaupinu, sem staðið er að af miklum myndarskap að hætti Péturs Frantzsonar. Hlaupaleiðin er bæði fjölbreytt og skemmtileg, um vegi, stíga, slóða, móa, mýrar og skurði sem á vegi manna verða við Úlfljótsvatn og í nágrannasveitum.

Tuttugu Laugaskokkarar skelltu sér austur, fimmtán þeirra til að hlaupa og fimm til að starfa við hlaupið. Um 80 manns gerðu sig tilbúna fyrir startið og fljótlega varð ljóst af búnaði þeirra að vænst var molluhlaups. Enda sól og blíða á Úlfljótsvatni og stuttbuxurnar og stuttermabolirnir allsráðandi. Auk Laugaskokkara mátti sjá þarna stóran hóp Hamarsskokkara frá Hveragerði, en síðan dreifðust þátttakendur á hina ýmsu hlaupahópa.

Hlauparar voru ræstir af stað kl. 11 og lá leiðin frá bústöðunum og niður að Úlfljótsvatni og síðan veginn meðfram skátamiðstöðinni og í átt að Þingvöllum. Fljótlega teygðist á hópnum, enda menn í hlaupinu með mismunandi markmið, ýmist að taka vel á því eða að taka langt og rólegt laugardagshlaup í góðu veðri og góðum félagsskap, en tíðindamaður Laugaskokks var einmitt á þeim buxunum.

Því var það að Helen, Baldur, Sigmar og Steinar hurfu fljótlega í rykmekki en fyrstu kílómetrana fyldust IP-liðar, HL-liðar og MV-liðar að. En það er erfitt að kenna gömlum hundi að sitja og eftir ca. 4 km. hlaup kom styggð að IP-liðum og þeir gáfu í og sáust ekki meira á því ferðalagi. Bætti ekki heldur úr skák að MV-liðar voru ekki þeir þolinmóðu og skilningsríku hlustendur sem IP-liðar höfðu e.t.v. vænst og .því fór sem fór. Samhlaup HL-liða og MV-liða gekk hins vegar það vel lengst af að rætt var um það í fullri alvöru að hefja sameiningarviðræður hópanna. Þannig fylgdust hóparnir að yfir móana, niður meðfram læknum og yfir báða fjandans skurðina sem þarna eru ennþá og engum dettur í hug að brúa.

Eins og menn þekkja þá líður tíminn hratt á hlaupum og eftir gott útsýnishlaup um sveitina komu menn sólbrenndir og sveittir furðu fljótt aftur inn í Úlfljótsskála. Sumir þó fljótar en aðrir eins og gengur og þeim eru hér færðar hamingjuóskir fyrir góðan árangur. Þeim voru líka færðar verðlaunaplöntur sem þeir þágu úr höndum mótshaldara, auk hefðbundinna vinninga fyrir góðan árangur sem voru ekki af verri endanum.

Af góðum árangri Laugaskokkara ber hæst að Helen var fyrsta kona í mark Af karlpeningi Laugaskokks sást fyrst til þeirra Sigmars, Baldurs og Steinars í markinu og IP-liðar komu svo í humáttina á eftir þeim. Munda kom fyrst í mark frá sameinuðu liði MV- og HL-liða, greinilega í fantaformi eftir Mývatnsmaraþon. Laugaskokkarar komu sterkir til leiks í eldri flokkunum og þannig voru þeir Gunni Geirss. og Baldur Jónsson í 1. og 3. sæti í sínum aldursflokki.

Laugaskokkarar voru líka margir að vinna við hlaupið eins og áður sagði. Kristján sá um að menn færu ekki villur vegar í sveitinni og var jafnframt ljósmyndari hlaupsins ásamt Sumarliða. Elín, Ingólfur og Kristín mönnuðu drykkjarstöðvar ásamt fleirum og verður þeim seint fullþakkað enda hlýtt í veðri og sólríkt og mikið vökvamagn sem þar þurfti að endurnýja.

Súpan hjá Lísu sveik ekki frekar en fyrri daginn, og svolgruðu menn hana í sig eftir hlaupið, og skoluðu svo brauðinu niður með Gatorade, besta máltíðin sem flestir höfðu aflað sér þann daginn. Pétri og Lísu eru færðar bestu þakkir fyrir skemmtilegan dag í sveitinni.

Myndir frá hlaupinu: http://blafell.123.is/album/default.aspx?aid=181122

Laugaskokkarar í Vormaraþoni - fréttaskýring

2010-04-25T15:35:00.000Z

Þá er blessuðu vormaraþoninu lokið þetta árið. Eins og venjulega létu Laugaskokkarar sig ekki vanta og hlupu tveir heilt maraþon og á þriðja tuginn hálft. Þrátt fyrir að ekki væri beinlínis stafalogn þegar hlaupið var haldið var árangur okkar fólks góður og ljóst að Laugaskokk hefur aldrei verið öflugara. Bæði hefur Laugaskokkurum fjölgað mikið undanfarið misseri og eins er okkar fólk í mikilli framför. Ný nöfn eru farin að troða sér í fremstu röð og gömlu brýnin standa fyrir sínu.

Mætt var úr öllum krókum og kimum Laugaskokks. IP-liðar voru fyrirferðarmiklir sem og Munduvinafélagið, HL-liðar mættu að sjálfsögðu, Glennurnar létu sig ekki vanta né Göngudeildin, auk auðvitað fjölmargra óbreyttra Bogguliða sem létu slag standa í austanrokinu.

Gömlu brýnin stóðu sig vel, Ingólfur skilaði sér þeirra fyrstur og var áttundi maður til að ljúka hlaupinu, sem er vel að verki staðið. Ívar stóð sig vel í skriðstillishlutverkinu og dró sitt lið í mark langt innan við 1:30 sem að hafði verið stefnt. Ævar augljóslega líka í fantaformi og ljóst að annir og annað tilstand í tengslum við giftingar hafa ekki sett neitt strik í reikninginn þar.

Að engum ólöstuðum má segja að IP liðar séu þeir sem komu, sáu og sigruðu í þessu hlaupi af Laugaskokkara hálfu. Eftir að hafa þanið brettin í Laugum svikalaust megnið af vetrinum, svo að mörgum þótti nóg um, var komið að því að sýna afraksturinn. Lögreglustjórinn fór þar fyrir sínu liði og skilaði því öllu á tilsettum tíma, Einar, Baldur, Ævar og Ívar allir ískrandi sprækir. Einar sannaði það þarna að viðurkenningin sem hann fékk á árshátíðinni, Framfarir ársins, var engin tilviljun. Í humáttina á eftir IP-liðum kom síðan Sigurjón Mýrdal á rétt rúmum 1:30 og er hann hér með hvattur til að mæta á brettin strax í næstu viku og taka þetta svo næst með þeim félögum.

HL-liðar stefndu á að skila sér undir 1:40 og gekk sumum það og öðrum ekki. Var fljótlega hafin leit að afsökun fyrir þá sem ekki náðu markinu og var sæst á að nota austanrokið, sem fékk 3 atkvæði meðan gömul ökklameiðsli fengu aðeins eitt atkvæði. Nokkrir HL-liða voru þó fjarverandi í hlaupinu, einn þeirra með læknisvottorð frá miðjum janúar, annar með læknisvottorð frá 23. apríl og einn var að jafna sig eftir góðan sprett í Víðavangshlaupi ÍR á sumardaginn fyrsta. Til að fylla í skörðin var kallaður til málaliði úr þingeyskum hlaupahópum sem stóð sig bærilega að venju. Ókrýndur konungur HL-liða í þessu hlaupi var Guðmundur, sem vantaði 10 sekúndur upp á að ná sínu besta hálfmaraþoni og næsta víst (a la Bjarni Fel) að það takmark fellur á árinu. Agga fór freklega fram úr nokkrum HL-liðum á leiðinni og náði góðum tíma, ljóst er að hún verður til alls líkleg í sumar. Fleiri glennur sáust hlaupandi á stígunum, Ásta áföst við hund en ekki númer og Sigrún sem var skriðstillir fyrir einn föngulegasta hópinn á stígunum þennan daginn.Berglind blandaði sér líka sem fyrr í hóp HL-liða, en Munduvinafélagið gerir þó tilkall til hennar, a.m.k. á æfingum.

Og er þá komið að þætti Munduvinafélagsins, en starfsemi þess hefur eflst og dafnað undanfarna mánuði og stíft verið æft. En eins og IP-liðar geta Munduvinir staðfest að æfingarnar skila sér á endanum. Munda leiddi að sjálfsögðu flokkinn inn á 1:45 og rétt á hæla hennar kom sigurvegarinn úr þessum hópi, Svava með personal best, á rétt rúmum1:45 líka og að bæta sig um 7 mínútur í hálfu að sögn staðkunnugra. Einhverjir Munduvinir voru fjarverandi eins og gengur, m.a. önnum kafnir við að manna drykkjarstöðvarnar. Vel að verki staðið þarna hjá stelpunum.

Kolla og Stefanía voru fulltrúar Göngudeildarinnar í hálfu, en að sjálfsögðu fór Eggert með þeim af stað og gætti þess að allt væri í lagi og liðið andlega rétt stemmt áður en hann sleppti hendinni af þeim.

Síðast en ekki síst ber að geta keppenda Laugaskokks í heilu maraþoni, en demógrafískt má flokka þann hóp í hvíta lútherska karlmenn yfir fimmtugu. Þeir Gottskálk og Ingólfur gerðu það sem gera þurfti og hlupu leiðina tvisvar, sem er auðvitað fantavel gert á þessum árstíma og við þessar aðstæður. Laugaskokkarar eru hvattir til að skála fyrir þeim við fyrsta hentugleika.

Þegar á allt er litið er ljóst að Laugaskokkarar koma vel undan vetri og að streðið hjá Boggu hefur ekki verið til einskis. Og jafnljóst er að það eiga mörg personal best eftir að falla nú í sumar hjá okkar fólki. Til hamingju öll sömul með góðan árangur.

Þungun í Göngudeild

2010-04-02T12:22:00.000Z

Það er hægt að skilgreina þungun með ýmsum hætti. Göngudeildin hefur yfirleitt litið á þetta sem ástand, sem skapast þegar matar er neytt í óhófi og endar auðvitað með þyngdaraukningu eða “þungun”. Göngudeildin er mjög upptekinn af því að hugsa um líkamsþyngd og er skemmst að minnast “Biggest Looser” keppninnar í fyrra sem var gerð góð skil á þessu bloggi. Þegar átti að endurtaka leikinn á þessu ári var ákveðið að hafa keppnina í kyrrþey sem gerði það að verkum að hún leystist upp og varð að engu, sem sannar að það þarf opinbera auðmýkingu til að ná árangri í léttun !!!

Þess vegna eru Göngudeildarmeðlimir “þyngri” þessa dagana en þetta viðhorf ásamt öðru líkamsástandi sem sett er í samhengi við þungun getur auðvitað verið misskilið eins og þegar Göngudeildarmeðlimir forðast að ræða þyngdaraukningu sína í kílóum heldur tala um mánuði í meðgöngu. Það er endalaust hægt að misskilja þessa myndlíkingu, sem Göngudeildin notar mikið. Þetta byrjaði síðasta sumar þegar sakleysisleg færsla í Hlaupadagbókina þar sem vitnað var til þekktrar morgunógleði Bjargeyjar varð tilefni upphrópana hjá þeim sem ekki þekktu málið. Eitthvað þótti Laugaskokkurum samt ósennilegt að Bjargey stundaði enn mannfjölgun en vildu þó ekki hafa af henni ánægjuna og spurðu í laumi hvort þetta gæti staðist. Þessi misskilningur var leiðréttur snarlega en með hausti kom í ljós að þungun, í hefðbundun skilningi, var ekki ómöguleg hjá Göngudeildarmeðlimum.

Það var sumsé Hildur sem sagði sig frá hlaupaæfingum frá hausti vegna þungunar og hefur auðvitað verið sárt saknað þótt sambandinu hafi verið haldið á fésbókinni. Eins og Laugaskokkarar, og reyndar fleiri, vita, þá er hefðbundin þungun í kringum 9 mánuði en þyngdaraukning getur staðið mun lengur. Þess vegna varð Eggert órólegur þegar hann lagðist í svínaflensu í október og byrjaði þyngjast í takt við Hildi, og gat að auki ekki stundað æfingar af ýmsum orsökum. Ástæðan fyrir óróleikanum er sú að þegar kom að þyngdaraukningunni þá hefur Eggert haft vinninginn yfir Hildi allan tímann. Er svo komið að núna sex vikum áður en áætlað er að Hildur verði léttari þá er staðan miðað við síðasta sumar sú að Eggert hefur þyngst um 15 kg. en Hildur 14 kg. !!!

Nú er það spurningin. Hvort þeirra verður fyrr til að verða léttari ???

Árshátíðin nálgast - tilnefningar óskast í þessum flokkum

2010-03-17T20:42:00.002Z

Á árshátíðinni 27. mars verða viðurkenningar veittar nokkrum Laugaskokkurum sem að mati hlaupafélaganna hafa sýnt gott fordæmi í hlaupastússinu á liðnu ári.

Við óskum eftir því að félagar í Laugaskokki tilnefni aðila sem fái viðurkenningar í eftirfarandi flokkum:
1. Nýliði ársins, konur
2. Nýliði ársins, karlar
3. Framfarir ársins, konur
4. Framfarir ársins, karlar
5. Laugaskokkari ársins, konur
6. Laugaskokkari ársins, karlar

Við val á nýliða ársins er horft til ýmissa þátta, s.s. ástundunar, árangurs, áhuga og ýmislegs fleira. Nýliði ársins gæti því allt eins verið sá sem mætti best eins og sá sem náði bestum árangri.Við val á Laugaskokkara ársins er líka horft til margra þátta, árangur hefur auðvitað sitt að segja en einnig áhugi, ástundun, dugnaður við að miðla fróðleik til félaganna o.s.frv.

Vinsamlegast sendið inn tilnefningar í einum, fleiri eða öllum framangreindra flokka á netfangið laugaskokk@laugaskokk.is í síðasta lagi fimmtudaginn 25. mars nk.

Eins verða í boði á árshátíðinni ýmsar uppákomur og m.a. má vænta æsispennandi spurningakeppni milli karla og kvennaliða Laugaskokks þar sem þekking þátttakenda á hlaupaheiminum verður reynd til hins ítrasta. Missið ekki af því.

Nefndin.

Hamingjuóskir.

2010-02-27T15:57:00.000Z

Fyrir hönd stjórnar Laugaskokks færi ég þeim Berglindi og Ævari okkar innilegustu kveðjur og hamingjuóskir á brúðkaupsdaginn. Eftir því var tekið í morgun að annríki dagsins kom ekki í veg fyrir morgunmætingu hjá þeim í Laugar og geri aðrir betur.

Seinni hálfleikur Hálfleiðara

2010-02-14T15:45:00.001Z

Déskoti eru Laugaskokkarar orðnir margir varð einhverjum að orði. Fjölmenni var saman komið í teríunni í Laugum að morgni laugardags og beið þess að leiðarstjóri gerði upp hug sinn. Loks gall úrskurðinn við; Fossvogurinn og lengja vestur eftir. Leiðarstjóri að þessu sinni Ívar sjálfur Adolfsson, nýkominn heim brúnn og sællegur úr kuldanum í Florida. Hátt á fimmta tug hlaupara skeiðaði frá Laugum, flestir haldnir einbeittum hlaupavilja þrátt fyrir rigninguna, sem þó var sem betur fer lóðrétt að þessu sinni. Ljóst varð fljótlega af umræðum manna að þeir ætluðu mislangt og hratt yfir, einhverjir ætluðu að beygja við Öskjuhlíð, en flestir ætluðu vestur úr. Ýmist að Eiðisgranda en þó heyrðist á þeim allra hörðustu að þeir hygðust fara út að golfvelli og meðfram sjónum til baka í Laugar, 25 km. leið. Enda Laugaskokkurum einboðið á laugardögum að fara 20 km. hið minnsta ellegar að komast í kladda formanns.

Þegar út á maraþonleið Félags maraþonhlaupara var komið rifjaðist það upp fyrir Hálfleiðurum þegar þeir hlupu hálfa leiðina í október sem leið. Síðan þá hefur margt á daga HL-liða drifið og þeir farið út og suður og einn norður. Flestir HL-liða hafa hlaupið sem almennir Laugaskokkarar á tímabilinu, en þeir urðu einnig IP-liðum góður liðsauki, sem og LH-liðum, auk þess sem einn þeirra telst nú orðinn Sjúkra-liði. Loks er bjartasta von okkar til langs tíma orðinn mála-liði í einum fremsta hlaupahópi Þingeyjarsýslna og er hópnum hér með óskað til hamingju með öflugan liðsauka. Eins dauði er annars brauð í þeim efnum sem öðrum.

Hálfleiðarar hafa flestir orðið heldur værukærari yfir svartasta skammdegið og leyft sjálfum sér að njóta vafans ef minnsti vafi hefur komið upp um að hlaupafært sé, ýmist sökum hálku, myrkurs, almennra leiðinda eða einhvers þaðan af verra. Af þeim sökum sitja bæði jólasteikin og konfektið enn sem fastast á Hálfleiðurum og líta ekki út fyrir að ætla að gefa sig á næstunni. Þetta gæti orðið langt stríð þar sem báðir aðilar hafa komið sér þægilega fyrir í skotgröfum að baki víglínunnar og bíða þar sallarólegir.

En eins og allir alvöru herforingjar vita er bara ein leið út úr slíkri stöðu. Leiftursókn. Þess vegna var það fastmælum bundið í laugardagshlaupinu að safna saman þeim HL-liðum sem rólfærir væru með það að leiðarljósi að skottast þetta hinn helming leiðarinnar í apríl þegar hið margrómaða vorhlaup Félags maraþonhlaupara fer fram.

Að sjálfsögðu verður sem fyrr notast við prógramm frá Sumarliða, sem hentar jafnt fyrir vana HL-liða sem ný-liða. Prógrammið verður sem fyrr miðað við að leiðin sé hlaupin á tímanum 1:35 til 1:45. Ný-liðar geta tilkynnt þátttöku í leiftursókninni með því að nota kommentin hér fyrir neðan og eins má ræða við þá Hálfleiðara holdi klædda á einhverri æfingunni. Eins og Sumarliða er siður gerir prógrammið góða ráð fyrir 6 æfingum í viku, alltaf frí á sunnudögum. Hefðbundið er þó að Hálfleiðarar skrópi á annaðhvort þriðjudags- eða föstudagsæfingum og æfi því 5 sinnum í viku.

Og nú er bara að sjá hvernig seinni hálfleikurinn gengur. Og hverjir bætast í hópinn. Og hvort málaliðinn kemur suður til að veita okkur andlegan stuðning á leiðinni góðu í apríl.

Samskokk

2010-02-06T16:30:00.002Z

Fyrsta æfing Samskokks frá Laugum.
Ótrúlegur fjöldi mættur. Árbæingar, Bíddu aðeins, Fjölnismenn, Garðbæingar, ÍRingar, Landspítalahlauparar, Valsmenn, Healthy drunkers o.m.fl.
Menn reyndu að telja mannskapinn, ólyginn sagði að það væru allvega 200 manns mættir. Þetta var mjög gaman, allir sem mæta í svona eru náttúrulega bara kátir. Farinn var Kársneshringur sem taldi rúmlega 19km. Ég náði að hitta á hlaupum bæði gamla kunningja og líka hlaupara sem ég hef aldrei talað við áður. Hljóp með myndavél og vonast til að koma einhverjum myndum inn á heimasíðu Laugaskokks fljótlega.

Árshátíð/Vorgleði Laugaskokks

2010-02-01T21:16:00.002Z

Árshátíð Laugaskokks verður haldinn 27 mars 2010
Skemmtinefndin sem skipuð er Mundu, Helgu, Júlla og Kára er á fullu við að undirbúa skemmtilega árshátíð sem skyldumæting er á. Búið er að pannta sal og allt stefnir í skemmtilega árshátíð eða vorgleði. Nú er bara að finna til dansskóna og leggja hlaupaskónum eitt kvöld. Nánari upplýsingar koma síðar.

Clearwatermarathon

2010-01-23T22:07:00.002Z

Jóhanna, Hafdís, Elín, Stebbi, Summi, Ívar og Siggi H, Hlupu Clearwater hálfmaraþon í frábæru veðri í dag (upptalið í öfugri röð miðað við lokatíma;)
Þetta var mjög gaman. Brautin var skemmtileg en ekki auðveld. 2 Gríðarlegar brýr farnar fram og til baka. Við Elín, Hafdís og Stebbi hlupum saman fyrstu mílurnar.
Aðstæður vour góðar, hlýtt og gola. Brautin var á þannig, fram og til baka á köflum, að við sáum strákana (Ívar og Summa) tvisvar. Og Sigga H: einu sinnii, Þá var hann annar. Hópurinn náði að halda merkjum Íslands á lofti, Inga María var með Íslaenska fánan á hliðarlínunni og fjögur af okkur fóru á pall: Elín, Summi, Siggi og Ívar fengu öll verðlaun. Tímarnir voru: Siggi 1.20 Endaði í 5 sæti í heildina og fyrsta sætir í master-flokki, Ívar 1.26:35, Summi-1.26:35, Stebbi_má ekki setja tíman hanns enda kemur það engum við og hann er ekki einu sinni í laugaskokki. Elín: 1.48, Hafdís: 1:52 og Jóhanna: 1:54 Enn einu frábæru hlaupi lokið.Bara gaman.

Óðurinn til (hlaupa)gleðinnar

2010-01-17T15:51:00.000Z

Það eru ekki alltaf jólin í hlaupunum eins og Göngudeildin hefur fengið að kynnast þessi jól. Þrátt fyrir metnaðarfulla markmiðssetningu með SUB50 prógrammi sem átti að sýna í Gamlárshlaupinu, þá var líkamlegt og andlegt atgervi Göngudeildarliða afar brothætt, eins og sést á öllum þeim heilkennum sem hafa hrjáð hópinn. Birtingarmyndin varð sú að það var aðeins Aðalsteinn sem tók þátt í Gamlárshlaupinu og tíminn var auðvitað SUB eitthvað, en það var ekki 50 :-). Aðrir voru ýmist meiddir, veikir eða jafnvel ekki í bænum.

Það var því ekki að undra þótt það byrjaði að krauma undir niðri hjá Göngudeildarliðum og hefur þetta brotist út með ýmsum hætti, aðallega í meiðslum og veikindum en sérkennilegast var þó gelgjukast Hrafnhildar sem tjáði félögum sínum einn daginn að hún væri haldin „hlaupamótþróa“ og neitaði að mæta á æfingu!!! Þetta bráði reyndar af henni daginn eftir en var engu að síður tekið alvarlega.

Á síðustu laugardagsæfingu var ljóst að ekki var hægt að una við svo búið heldur málið krufið og komist að eftirfarandi niðurstöðu: Þar sem hlaupagleðin var horfin, líkt og sólin í svartasta skammdeginu var bara eitt til ráða. Að víkja öllum áformum til hliðar og einbeita sér að því að finna hlaupagleðina á ný. Þetta verður gert með því að henda öllum prógrömmum, skráningum og viðmiðunum. Æfingadögum er fækkað í þrjá á viku og áhersla lögð á að hitta Laugaskokkara á æfingum og fylgja þeim eftir eins og hægt er. Þetta gefur meðlimum tækifæri til að sinna öðrum málum eins og sund og gönguferðum. Síðast en ekki síst að leggja öll tempó til hliðar nema gamla Göngudeildar joggið, sem þýðir að hraðast verður farið á sex mínútum hver kílómeter. Það verður því gaman á æfingum.

Göngudeildarliðar eru ákveðnir í að sækja hlaupagleðina á ný og hlakka til að mæta á æfingar á næstunni og hitta hressa Laugaskokkara.

Laugaskokkarar í jólaskapi.

2009-12-26T18:15:00.000Z

Það var fjölmennur hópur Laugaskokkara sem safnaðist saman í kaffiteríunni á laugardagsmorgni, öðrum í jólum. Hópurinn virtist betur vakandi en oft áður á laugardögum og má eflaust þakka það þeirri nýbteytni að hefja hlaup kl.10.30. Svalt var í veðri og Laugaskokkarar því vel dúðaðir. Var því erfitt að sjá hvort kíló eða tvö hefðu bæst á vambir vorar yfir hátíðina, en í því var svo sem ekkert annað að gera en vona það besta en vera viðbúinn því versta. Auk hefðbundinna Laugaskokkara mættu dreifbýlismenn á svæðið og var þjóðgarðsvörðunum úr Ásbyrgi vel fagnað, en því miður bólaði ekki á fleiri sveitamönnum, s.s. þjóðgarðsvörðunum við Úlfljótsvatn.

Rennt var af stað frá Laugum skömmu eftir hálfellefu og greindust hafrarnir fljótlega frá sauðunum. A-hópurinn, sem m.a. innihélt Ívar okkar Adolfsson, Halldór, Sumarliða og Sigga Hansen, hélt sína leið, en B-F hópar og G-deildin héldu á brattann upp á Suðurlandsbraut. Kom fljótlega í ljós hvað dró hópinn upp brekkurnar því ekki var linnt látum fyrr en komið var langleiðina efst á Rauðarárholt, en þar biðu okkar konfektmolar í boði Jóhönnu og sá stórlega á innihaldi kassans eftir að Laugaskokkarar höfðu gert honum skil. Í leiðinni var sótt drykkjarbelti með skrautlegum drykkjum í hinum ýmsu litum, sérlega jólaleg samsetning þar hjá Jóhönnu var eiginlega samdóma álit meðhlaupara.

Konfektið virkaði eins og svæsnasta gelið hjá Daníel Smára og þusti hópurinn við svo búið niður á Laugaveg og afgreiddi hann til enda, svo Bankastræti, Austurstræti, Austurvöll og áður en konfekthamurinn rann af mönnum vorum við komin út á Suðurgötu með stefnu á Skerjafjörð. Á þessum kafla fór að draga eilítið í sundur með hópunum, ljóst var að Kári, Júlli, Ævar, Birgir, Ólöf og Stefán þjóðgarðsvörður ætluðu að mynda kjarnann í B-hópnum þennan daginn. Helga þjóðgarðsvörður, Pétur Ísleifss., Berglind, Elín, Munda, Jóhanna, Helga, Svava og fleiri gerðu sig síðan líkleg til að mynda óárennilegan C-hóp sem vont yrði að mæta á hlaupastígunum. Við hin reyndum svo að gera upp við okkur hvar í flokki við vildum hlaupa.

Jólabækurnar voru að sjálfsögðu krufnar á hlaupum, þessi er “must”, vertu ekkert að rífa plastið utan af þessari o.s.frv. Ágætt að fá að vita þetta svona strax, þarf þá ekki að leggja á sig nokkurra kvölda lestur fyrir eitthvert miðlungs ritverk eða þaðan af lakara. Rétt þegar búið var að afgreiða Arnald hljóp Guðmundur Kristinsson í flasið á okkur og var hann strax innlimaður í hópinn og taldist vera B-hópsmaður það sem eftir lifði hlaups.

Ekki var einhugur um það hversu langt menn vildu hlaupa. Minnugir þess að nú væru jólin ákváðu nokkrir hlauparar að heiðra félaga vorn Frantzson og hlaupa 17 kílómetra honum til heiðurs og þótti það hin ágætasta áætlun. Ekki síst fyrir það að hinn valkosturinn var að taka ríflega 22 km. hring með því að lengja hlaupið um bæjarfélag þeirra Gunnara tveggja, í Krossinum og Klæðningu.

En allir komu þeir aftur og enginn þeirra dó, sagði í kvæði einu, og er ekki ofsögum sagt að þetta átti við um Laugaskokkara þegar þeir týndust inn í Laugar um hádegisbil. Þar mættu okkur sjónvarpsmyndavélar og varð þá einhverjum hlauparanum að orði að þetta væri nú alveg óþarfi. Það var kannski pínulítið kalt en það lá alltaf ljóst fyrir að við kæmumst þetta og kæmum aftur í hús, það þurfti ekki að kalla út heila fréttavakt til að básúna það. Enda var það víst ekki raunin, þegar betur var að gáð. Fréttin var víst um það að hið svokallaða IP-heilkenni hefur grasserað svo í grasrótinni undanfarnar vikur að salurinn í Laugum troðfylltist. Hvert hlaupabretti var keyrt áfram af IP-wannabes, sem og hjól, stigvélar og hvað eina sem hægt var festa hendur eða fætur í í Laugum. Við fáum bara okkar kortérs frægð einhvern tíma seinna.

Segir nú ekki meir af afrekum Laugaskokkara þennan daginn. Ljóst er þó af atgangi dagsins að þeir verða óárennilegir í sprettunum á mánudag og til alls líklegir í Gamlárshlaupinu.

Gleðileg (Göngudeildar) Jól

2009-12-23T09:59:00.002Z

Göngudeildin óskar öllum Laugaskokkurum og fjölskyldum þeirra Gleðilegra Jóla og farsældar á nýju ári.

Við þökkum kærlega fyrir skemmtilegar samverustundir á hlaupum hvort heldur sem er hérlendis eða erlendis.

Hlökkum til að hitta ykkur á nýju ári og takast á við nýjar og spennandi áskoranir.

Bestu jólakveðjur,

Göngudeildin

2009-12-20T12:13:00.002Z

Kakóhlaup frá Árbæjarhlaup. Fórum Elliðavatnshringinn. Mjög vel mætt og góð stemming. Svolítið kalt en fundum ekki svo fyrir því fyrr en í lokinn. Þetta var mikið félagshlaup. Stíf prógröm lögð til hliðar og mörg spjöll tekin á leiðinni (nema Hrafnhildur hljóp eins og hún ætti lífið að leysa, svaka vaxandi, hékk í tveimur herramönnum og endaði æfinguna undir 5 mín tempói lofar góðu fyrir gamlárs- best að vara sig).
Hittum Árbæjarskokkra, mínus Fjólu vinkonu, Það var líka jólakakó hjá þeim í sal laugarinnar. Hressir eins og hlauparar og Árbæingar eru almennt.
Kakóið hjá Davíð og Ólöfu var ekki kakó heldur ekta súkkulaði. Troðið hús og troðið í sig og allt mjög vel heppnað. (Sérstaklega gaman hjá okkkur Kollu ;). Mikið er nú hvílandi og hressandi um leið að bulla og hlæja með félögunum.
Davíð og Ólöf takk kærlega fyrir gestrisnina einu sinni enn.

Jólahálftíminn og afmælisboð.

2009-12-15T08:44:00.002Z

Jólahálftíminn. Haldið var upp á “10 ára afmæli hálftimans” í morgunn. Þáttökumet var slegið og mættir yfir 20 manns. Veðrið lék við liðið, svalt og kyrrt.
Mættir voru ýmsir gamlir hálftímamenn sem hafa ekki sést samanlagt í áraraðir, göngudeildin mætti vel, ýmsir áhangendur hálftímans og aðdáendur, ásamt þeim sem undanfarið hafa haldið merkjum Hálftímans á lofti og stóðu svona líka vel að því að auglýsa jólatímann í ár. Árangurinn varð líka eftir því. Flestir hlupu hálftímann á 33 mínútum. Einhver skot voru á leiðinni um hvort þetta væri ekki félagshlaup- ætti bara að rjúka áfram. En þá sem ekki langaði ekki í rjúkið fóru Bibbuna - en hvar vara Bibba? Summi mætti með myndavél og tók fullt af myndum.
Pétur F. einn af forsprökkunum – kom sérstaklega. Hann tilkynnti að þetta væri ekki 10 ára afmæli heldur eitthvað miklu meira ;)
Potturinn: Líflegar umræður að vanda. Eina afsökunin sem var tekin smá til greina er ef þú ert með brjóstmylking, hinir eru bara aumingjar. Kiddi: sást ekki en heyrðist að hann væri búinn að skipta um pott. Menn voru sammála um að Stebbi ætti metið (24 eitthvað held ég) hann hafði hitað upp og svo spítt framúr hinum á leiðinni en hafði ekki sést leggja af stað – sennilega hefur hann nú gert það.;) Hann átti víst líka hugmyndina um nafnið.
Jólaafmælisborðið var hlaðið kræsingum – Lögg + Sirrýarsmáköku + allskonar góðgæti – ég minnst nú ekki á blúndurnar+rjómann frá Júlla- maður hreinlega féll í trans.
Samband náðist við upphafsmann hálftímanns, Magga Sig. sem sagði að hálftíminn væri 13 eða 14 ára svo við getum kannski haldið upp á 15 ára afmæli næst. Margar sögur, metingur, pólitík þunga- og léttavigtir og margt fleira væri hægt að rifja upp, geri það á næsta ári þegar við höldum uppá 15 ára afmælið.

Mikið er nú alltaf gott að mæta í hálftímann. Ég skil bara ekkert í því af hverju maður gerir það ekki miklu oftar.

Takk eina ferðina enn fyrir mig . 177 pistill.

2009-12-12T16:54:00.003Z

Að mæta á hlaupaæfingu hjá hlaupahópnum sínum eftir mánaða pásu er næstum eins ánægjulegt og að koma heim eftir langt frí (afsakið væmnina en svona verður maður eftir 10 ár í hlaupahópi). Rúmlega 20 manns voru mættir og Snati.
Byrjunaræsingurinn var óvenju lítill í hópnum þannig að við hlupum mörg saman lengur en oft áður.
Við nokkrar skvísur ásamt heiðursmönnunum Baldri og Ingólfi Sv. héldum hópinn nær alla leið. Í Kópavoginn hlupu fram úr okkur: Ívar, Halldór, Ingólfur Örn og Ævar ásamt Ólöfu sem kallar greinilega ekki allt ömmu sína, framúr. Ég var orðin svolítið orkulaus á síðustu km. En ekki klikkaði félagslega netið og við brúna yfir Kringlumýrarbrautina beið hópurinn og bauð orkuleysingjanum upp á að velja milli súkkulaði og ávaxtagels. Hvort það var gelið, hugulsemin eða Bibbuhittingurinn rétt áður sem virkaði þá leið mér miklu betur það sem eftir var af æfingunni. Takk eina ferðina enn fyrir mig.
Í upphafi var æfingin lögð upp sem 19.km á 6mín. pace. Elín ætlaði rólega og ég þéttingshratt sem smellpassaði í sömu æfinguna. Elín stóð við sitt og gott betur því hún druslaði mér áfram í letiköstunum. Þetta endaði í 6.09 pace. Þessir 09 eru skrifaðir á pissustopp, nokkur götuljós og Bibbu ;).

Sub 50 hvað !!!

2009-11-27T11:05:00.003Z

Það er greinilega gúrkutíð á Laugaskokksblogginu og Göngudeildin hefur lengi ætlað sér að bæta úr því og gera upp Franfurt ferðina frábæru. Það verður samt áfram bið á því uppgjöri eins og á stofnefnahag íslensku bankanna en stendur auðvitað til bóta. Eins og Laugaskokkurum er í fersku minni, þá stóð kvenpeningur deildarinnar sig frábærlega þar sem Hrafnhildur, Kolla og Stefanía fóru sitt fyrsta maraþon og Krissa setti héraðsmet í bætingu í sínu öðru maraþoni. Ekki var karlpeningurinn jafn brattur því Aðalsteinn og Eggert voru báðir haltir, ýmist á hjarta eða ökkla, og hlupu því ekki neitt. Bjargey hefur hins vegar haldið sig til hlés í haust að mestu enda sest á skólabekk og Gunnhildur sinnt öðru.

Það var því ekki laust við að ákveðið upplausnarástand skapaðist eftir svona afrek, en meðlimir eru samkvæmir sjálfum sér og vita að ekkert sameinar eins og sameiginleg markmið og áætlun. Spurningin var einungis hvað væri næst á dagskrá? Það var ekki stemming fyrir löngu hlaupi svo að sú hugmynd var rædd í alvöru að hlaupa styttra og hraðar. Einnig að setja sér takmark sem virtist óyfirstíganlegt líkt og þegar þær stöllur ákváðu að hlaupa heilt maraþon. Niðurstaðan varð sú að æfa sig í að hlaupa 10 km undir 50 mínútum í Gamlárshlaupinu eða Sub 50 eins og það heitir á hlaupamáli. Eins og alltaf þegar kemur að prógrömmum, var leitað til Sumarliða sem brást vel við að vanda og lét deildinni í té hernaðaráætlun til að ná markmiðum sínum. Hann setti samt fyrirvara við að ná þessu markmiði fyrir næstu áramót og sagði prógrammið vera meira svona Sub 56 :-)

Það eru núna liðnar tvær fyrstu vikurnar í þessu plani og ekki laust við að ýmislegt hafi gengið á. Það eru tvö heilkenni sem hafa verið að hrjá hópinn. Fyrst og fremst er það Jóhönnu heilkennið (The Johanna Syndrome) en það lýsir sér í sleni og viljaleysi til hlaupa og virðist leggjast þyngst á þá sem mest hafa æft og hlaupið síðustu mánuði. Hitt er Kobrúnarmjöðmin (The Kolla Hip Syndrome) sem lýsir sér í ótrúlegum stirðleika og kvalaköstum þegar framkvæmdar eru snöggar hreyfingar eins og að líta til hliðar eða taka skref áfram. Meðlimir láta þetta samt ekki á sig fá og fylgja æfingaáætluninni af mikilli grimmd enda mikið í húfi að halda hlaupaáhuganum lifandi yfir kaldasta og dimmasta hluta ársins.

Þrátt fyrir þetta plan fylgir Göngudeildin hópnum á mánu-, miðviku- og laugardögum en hleypur bara ekki eins hratt og hinir því hraðanum er öllum eytt á sprettæfingum þriðju- og fimmtudagsins. Laugaskokkarar eru beðnir að sýna þessu skilning þar sem þeir þeysa framúr og skilja okkur eftir í rykmekkinum.

Haustfagnaður Laugaskokks

2009-11-05T20:15:00.002Z

Nú er komið að árlegum haustfagnaði Laugaskokks, takið tímann frá.

Auglýsing

Styrktaræfingar

2009-11-01T21:26:00.002Z

Komið þið sæl

Tók saman nokkrar styrktaræfingar og setti í tvö sett sem hægt er að taka uppá palli eftir útihlaupin og eitt sett sem tekið er í tækjasalnum. Ég vona að þetta verði ykkur hvatning til þess taka styrktaræfingar reglulega því þær eru mikilvægur þáttur í þjálfun okkur bæði til þess að bæta okkur sem hlaupara og fyrirbyggja meiðsli. Einnig vil ég benda á ef þið hafið lítin tíma eftir hlaupin er mjög sniðugt að fara 2-3 hringi í hraðbrautinni og taka þá 12 endurtekningar í einu. En hvenær er best að taka þessar æfingar? Fitness nr 1 og 2 má taka eftir lengri/sprett æfingar samhliða teygjunum, það er alltaf hægt að búa til tíma fyrir styrktaræfingarnar, (við spjöllum bara minna í staðin). Æfingar í tækjasal er fínt að taka eftir rólegri æfingar eða bara mæta í salinn taka stutta upphitun og skella sér í tækin. Ef það eru einhverjar æfingar sem þið skiljið ekki verið óhrædd við að spyrja mig. Einnig get ég farið yfir æfingarnar með ykkur t.d. á fimmtudögum eftir kl. 18:00. Gangi ykkur vel.

Styrktaræfingar Laugaskokks

Fitness nr 1

Armbeygjur 20x

Bakæfing 20x

3 gerðir kviðæfingar, fram og skávöðvar 20x

Hnébeygja 20x

Framstig 20x

Ökklahopp á öðrum fæti og jafnfætis 30x

Fitness nr 2

Armbeygjur

Bakæfingar á hnjám

Kviðæfingar

Kviðkreppur (öfugar kviðæfingar)

Dauðaganga, framstig á svölum (ca 30-40 endurtekningar í hverri ferð)

Ballerína

Fitness nr 3 æfingar í tækjum

Tæki	Æfing	Vöðvahópur	Sett	Endurtekningar	Þyngd	Dagsetning

56	Fótbeygja	Læri aftan	2.- 3	12
57	Fótrétta	Framan læri	2.-3	12
38	Kviðæfingar í vél	Kviður	2.-3	12
19	Upphífingar	Tvíhöfði	2.-3	12
22	Bakréttur	Bak	2.-3	12
20	Niðurtog	Bak og tvíhöfði	2.-3	12
13	Bolvinda	Kviður/skávöðvar	2.-3	12
12	Brjóstpressa	Brjóst og þríhöfði	2.-3	12
50	Trissa	Innanvert og utanvert læri	2.-3	12

Hálfa leiðin hlaupin

2009-10-24T18:28:00.000Z

Þá eru Hálfleiðarar búnir að ljúka októberverkefni sínu, en því lauk við Rafstöðina í dag í blíðskaparveðri. Hópinn skipuðu Laugaskokkarar sem nenntu ekki að hlaupa heilt maraþon nú í haust en ákváðu í staðinn að reyna að komast aðeins hraðar í hálfu maraþoni en þeir eru vanir.

Átta Laugaskokkarar skipuðu æfingahópinn lengst af en 25% afföll urðu af hópnum, sem skrifast á hinn alræmda meiðslalista, en á honum voru Pétur Ísleifs og Halla. Því voru það sex Hálfleiðarar sem renndu sér í Fossvoginn í morgun, þ.e. Einar, Friðrik, Guðmundur, Pétur Sig, Davíð og Þorvaldur, auk fleiri Laugaskokkara og annara þátttakenda.

Flestir Hálfleiðara voru að bæta sig, náðu ýmist besta árangri ársins eða personal best svo að meðlimir hópsins voru kampakátir í leikslok. Sá óljósi grunur sem lengi hefur nagað huga einhverra okkar um að það kunni að vera samhengi milli ástundunar og árangurs hefur nú fengið byr undir báða vængi. Og þó að við getum þakkað sjálfum okkar ástundunina bera þó fleiri ábyrgð á þessu verkefni og hefst nú sú upptalning, sem verður í Óskarsverðlaunastílnum:

Við þökkum að sjálfsögðu hinum mikla prógrammsmið, Sumarliða Óskarssyni, en ljóst er orðið að þetta prógramm getur fengið ólíklegustu menn til að hlaupa hraðar. Auk þess að bera ábyrgð á prógramminu fylgdist Sumarliði með æfingum og ástundun hópsins úr fjarlægð á sinn föðurlega hátt og tryggði að menn héldu sig við efnið. Hafa Hálfleiðarar ákveðið að skála a.m.k. einu sinni fyrir Sumarliða í kvöld, auk þess sem við að sjálfsögðu óskum honum og öðrum Laugaskokkurum góðs gengis í Frankfurtarmaraþoni á morgun.

Við þökkum jafnframt frábærum skriðstilli hópsins, Ingólfi Arnarssyni, sem stjórnaði hraða og keppnisstrategíu Hálfleiðara eins vel og á verður kosið. Enda var leitað lengi að rétta manninum í verkið og hann sóttur alla leið til Hafnarfjarðar. Það var okkur mikið gleðiefni, en reyndar líka nýnæmi, að geta hlaupið við hlið Ingólfs í keppnishlaupi. Við munum því að sjálfsögðu jafnframt skála fyrir Ingólfi í kvöld.

Þá er ónefndur Ívar sjálfur Adolfsson, sem hvatti hópinn til dáða á sinn einstaka hátt. Ekki endilega að hann hafi látið hlý orð falla til hópsins, en hvatningarorð voru það engu að síður eins og honum einum er lagið. Oft er talað um gulrótina og prikið, og við þekkjum það að Ívar er minna gefinn fyrir gulrótina. En skítt með það ef það virkar, og því verður líka skálað fyrir Ívari í kvöld, helzt í góðu koníaki.

Við þökkum Pétri Ísleifs og Höllu fyrir góðan félagsskap á æfingatímabilinu og vonumst til að vera þeirra á meiðslalistanum verði skammvinn.

Að ógleymdi henni Boggu okkar, hvar værum við nú stödd án hennar? Hús verður ekki byggt á sandi, segir í fornri bók. Því að til að Sumarliðaprógramm á 2. level sé mögulegt, og menn jafnvel að teygja sig einstaka sinn á 3. level, þarf grunnurinn auðvitað að vera í lagi og Bogga hefur tryggt að svo sé.

Eðli málsins samkvæmt taka Hálfleiðarar sér hlé á næstunni og verða aftur óbreyttir Laugaskokkarar. Þó er aldrei að vita nema Hálfleiðarar eða afsprengi þeirra vakni af dvala einhvern tíma síðar, enda koma alltaf ný tilefni fram á sjónarsviðið. Rætt hefur verið um að leggja fleiri hlaup að velli, hér á landi sem erlendis. Þannig hefur Newcastle Half Marathon verið nefnt til sögunnar, en það ku vera bæði fjölmennt og sögufrægt. Tíminn einn leiðir í ljós hvað verður úr en hugurinn stefnir hærra, það er gefið.

En sem sagt, Hálfleiðarar halda sig til hlés í bili, yfir og út.

Reebok hlaupaskór á góðum prís

2009-10-23T21:47:00.003Z

Kiddi (Kristinn) í Reebok er með hlaupaskó á góðu verði.
Reebok er staðsett í Drangahrauni 4 í Hafnarfirði.
Það er best að hringja fyrirfram, en síminn hans er 898 4321.

Hálfleiðarar hálf þreyttir

2009-10-18T11:46:00.002Z

Nú sér fyrir endann á 6 vikna brambolti Hálfleiðara, en því lýkur næsta laugardag með því að Fossvogurinn verður hlaupinn fram og til baka með viðhöfn. Hópurinn hefur æft af mikilli samviskusemi undanfarnar vikur samkvæmt forskrift Mílanóskólans og hefur skólastjóri hans haft veg og vanda af æfingaáætluninni auk þess sem hann hefur litið með okkur þessar fáu vikur til að kanna hvort ekki væri verið að fylgja áætluninni af kostgæfni.

Það kom Hálfleiðurum mjög á óvart hversu mikil efnahagsleg áhrif æfingaáætlunin hafði, en sú hefur orðið raunin. Þannig hefur því verið skotið að okkur að rekstrarafkoma Lauga hafi versnað verulega á tímabilinu, sem einkum ætti sér skýringar í óeðlilega miklum kostnaðarhækkunum. Þannig hefði þurft að þvo töluvert fleiri handklæði en venjulega, óeðlilega mikil sápa hefði verið notuð í stöðinni og þar fram eftir götum. Hálfleiðarar játa hér með að þetta er að hluta til þeim að kenna, enda hafa þeir margir hverjir mætt í stöðina jafnoft og Ívar og Dóri, þ.e. allt að 6 sinnum í viku. Að hluta viljum við hins vegar kenna Frankfurtarförum um þetta, sem okkur sýnist að hafi líka verið iðnir við að mæta í Laugar í tíma og ótíma, þó að þeir hafi reynt að minnka skaðann með því að halda æfingar fjarri stöðinni, s.s. á Klambratúni.

En eins dauði er annars brauð, þannig er það alltaf. Meðan eigendur World Class horfðu hnípnir í gaupnir sér tók við mikill búhnykkur í stétt sjúkraþjálfara. Það er nefnilega þannig að fæstir Hálfleiðarar höfðu heyrt, hvað þá tekið sér í munn, orðið álagsmeiðsli á áralöngum hlaupaferli sínum. Einhverjir þeirra höfðu kannski orðið varir við þetta hugtak í amerískum hlaupablöðum en ekki látið það sig neinu varða. Því kom það eins og þruma úr heiðskíru lofti þegar álagsmeiðsli tóku að stinga sér niður meðal Hálfleiðara þegar leið á prógrammið. Þannig er t.a.m. allsendis óvíst hvort þeir ná að tefla fram helstu vonarstörnu sinni í hlaupinu góða, þó auðvitað voni þeir hið besta. Aðrir munu vonandi mæta á staðinn galvaskir, með bros á vör og bólgueyðandi innvortis.

Þeir Hálfleiðarar sem ekki hafa komist á sjúkradeildina eru orðnir hálf þreyttir, enda töluverð fótavinna sem þeir hafa þurft að legja af mörkum undanfarnar vikur. Vel hefur samt tekist til með að beina skiljanlegri bræði þeirra frá Sumarliða og er nú um það almenn sátt meðal Hálfleiðara að ekki beri að skjóta sendiboðann í þessu tilviki.

Jafnframt hefur hugur Hálfleiðara beinst að útrás og hafa þeir kunnáttusömustu þeirra náð að googla heimsfræg hálfmaraþon í Bretaveldi, sem augu hópsins hafa að sjálfsögðu beinst að. Vinna við útrásina er, enn sem komið er, á algjöru byrjunarstigi, en þó er búið að festa tvo mikilvæga þætti. Í fyrsta lagi: Útrásarnafn Hálfleiðara er HL-Group. Í öðru lagi: Birmingham Half Marathon, gúglið þið það! Þannig eru Hálfleiðarar í raun löngu búnir að ná hógværum markmiðum sínum hérlendis í huganum og í raun bara formsatriði að mæta í gallanum á laugardag við rafstöðina.

Eða þannig.

Að keppa

2009-10-16T19:09:00.001Z

Til Frankfurt-fara og haustmaraþonfara - Gangi ykkur vel !!!

"Racing teaches us to challenge ourselves. It teaches us to push beyond where we thought we could go. It helps us to find out what we are made of. This is what we do. This is what it's all about." -PattiSue Plumer, U.S. Olympian

Áhugaverðar greinar fyrir sum okkar

2009-10-13T22:06:00.002Z

Sæl Laugaskokkarar

Ég rakst á tvær áhugaverðar greinar fyrir hlaupara:

Þrjár góðar jógastellingar fyrir hlaupara

Góð ráð fyrir fyrsta maraþonhlaupið (fyrir ykkur sem eruð að fara fyrsta maraþonið í Frankfurt)

kveðja
Sibba

Nokkrir Laugaskokkarar í hópeinkaþjálfun hjá Lindu

2009-10-05T19:57:00.003Z

Við vorum þrjár (Helga, Berglind og Sibba) úr Laugaskokki sem ákváðum í lok ágúst sl. að það væri ekki nóg að hlaupa, við þyrftum að bæta við prógrammið og lyfta lóðum líka. Niðurstaðan var að við ákváðum að drífa okkur í hópeinkaþjálfun hjá Lindu einkaþjálfara í World Class. Tíminn sem varð fyrir valinu var kl. 6 að morgni, þrisvar í viku, mánudaga, miðvikudaga og föstudaga. Fyrsta skiptið kom alltof fljótt og það voru vægast sagt tuðandi og blótandi Laugaskokkarar sem rifust við vekjaraklukkuna kl. 5 á mánudagsmorgni. Þrjú úldin andlit mættu í Laugar og hittu Lindu og prógrammið var hafið. Einkaþjálfarinn kominn með þrjá hlaupara í ágætis formi í tækjasalinn og hún keyrði okkur áfram. Þennan fyrsta morgun var einungis lyft á efri búk, kvið og bak, en eitthvað voru æfingarnar lúmskar fyrir neðri partinn því við fengum allar þvílíkar harðsperrur í lær- og rassvöðva, svo mikla að við gátum varla gengið í heila viku á eftir. En strax eftir fyrstu vikuna eða voru það fyrstu tvær vikurnar, þá hættu að koma harðsperrur og það varð auðveldara að vakna. Raunar er sannfæring okkar sú að þetta sé ekki spurning um hversu erfitt sé að vakna, heldur hversu erfitt er að fara nógu snemma að sofa.

Æfingarnar hjá Lindu eru flestar mjög lúmskar, vöðvahóparnir eru teknir markvisst fyrir og meðan maður einbeitir sér að ákveðnum vöðvahópi þá er maður að þjálfa aðra vöðva einnig. Í hverri viku er hverjum vöðvahópi gerð góð skil, virkilega tekið á ákveðnum vöðvum og í leiðinni eru alltaf æfðir fleiri vöðvar, bara með ákveðinni beitingu líkamans, jafnvægi, boltum o.s.frv. Mikil áhersla er á kvið og bakvöðva. Við tökum vel á því en lyftum ekki því allra þyngsta, gerum í staðinn fleiri endurtekningar sem Linda segir að sé nauðsynlegt fyrir hlaupara. Það henti ekki hlaupurum fáar endurtekningar með rosa þyngdir, það vinnur á móti hlaupaþjálfuninni.

Við teljum að svona styrktarprógram eins og Linda er að hjálpa okkur við, styrki okkur í hlaupunum. Sjálf finn ég mikinn mun á mér, þe. minni verki í mjóbaki og mjöðmum sem voru farnir að há mér ansi mikið í hlaupunum. Og það sem mér þykir skrítnast og ég bjóst ekki við, er að ég finn mikinn mun í teygjunum, get beygt mig betur saman og þar af leiðandi teygt miklu betur en áður. Svona prógram virðist því henta vel stirðum hlaupurum.

Félagsskapurinn er að sjálfsögðu frábær og svo hittum við reglulega fleiri árrisula Laugaskokkara, þ.e. Eggert og Þóri, sem eru í karlaátakinu, hrikalega flottir báðir tveir og skemmtilegir, alltaf jafn gaman að hitta þá og spjalla við þá. Það væri gaman að sjá ennþá fleiri Laugaskokkara í salnum á þessum tíma.

Hópeinkaþjálfun hjá Lindu byggist á því að fjórir æfa saman. Það er því laust pláss ef einhver hlaupafélagi okkar vill koma sér af stað í frábæru styrktarprógrammi. Ef þú hefur áhuga, hafðu þá samband við mig (sibba@lhi.is) eða settu athugasemd hér á blogginu.

(Myndin hér að ofan er af Lindu einkaþjálfara að sýna mér hvernig eigi að gera æfinguna).

Kveðja
Sibba

Á slóðum Rocky.,

2009-10-03T16:44:00.000Z

Flestir Laugaskokkarar lenda fyrr eða síðar í því að hlaupa Rocky hringinn á frostköldum laugardagsmorgni og velta því fyrir sér, hlaupandi andstuttir upp Skólavörðustíginn, hvaðan nafnið sé dregið. Þeirri vanþekkingu er hér með skolað út í hafsauga þar sem hulunni verður lyft af leyndardóminum.

Það þykir nefnilega grunsamlega margt líkt með Rocky í æfingaham og Laugaskokkurum sem rúlla upp Bankastrætið og Skólavörðustíginn upp að Leifi heppna. Rocky tók sínar æfingar að vísu í Philadelphiu, í hnausþykkum, gráum bómullarjogginggalla, sem tískulöggur Laugaskokks myndu í snarhasti dæma óíveruhæfan. Æfing Rocky Balboa endaði í upphalla sem svipar til Skólavörðustígsins og þaðan kemur samlíkingin. Þá var þessi heimilisvinur Laugaskokkara reyndar að þeysast upp tröppurnar við Listasafnið í Philadelphiu.

Síðan er það að sjálfsögðu sigurdansinn, þegar tröppurnar hafa verið lagðar að velli, eða Skólavörðustígurinn í tilviki okkar Laugaskokkara. Sigurdansinn hefur kannski ekki enn unnið til sérstakra fegurðarverðlauna en allt annað er með honum. Það hleypur enginn Rocky án þess að taka sigurdansinn við fótstall Leifs Eiríkssonar, með sama hætti og Rocky vinur okkar gerði efst á tröppunum hér um árið og steytti svo hnefann framan í örlögin. Til að létta mönnum róðurinn við æfingar fyrir Rockydansinn er hér ágæt slóð á nokkur sýnishorn frá þeim sem lagt hafa í tröppurnar góðu.

http://www.youtube.com/watch?v=8oZvU6L4Xf0

Rútuhlaup og maraþondraumar

2009-09-22T19:32:00.009Z

Rútuhlaupið í maí síðastliðinn reyndist örlagavaldur í hlaupalífi göngudeildar. Á meðan Hrafnhildur var grunlaus norður í landi að sýsla við sauðfé létu Kolla og Stefanía gamminn geisa á Nesjavallavegi og sigruðu þar áður óþekktar vegalengdir á mettíma. Er skemmst frá því að segja að maraþonórar fóru að búa um sig í hjörtum rútuhlauparanna. Framan af sumri fóru þeir tiltölulega hljótt enda var öll áhersla lögð á fjallgöngur og undirbúning fyrir 24 tinda gönguna helgina 11-12. júlí. Það hindraði þó ekki áróðursmeistarann Stefaníu í að láta eina og eina útspekúleraða athugasemd falla í Esjugöngum og fyrr en varði var göngudeildin óð og uppvæg að hlaupa heilt maraþon. Bjargey sneri reyndar uppá sig og sagði “been there, done that, got the T-shirt” og þóttist ekkert þurfa að sanna í maraþondeildinni frekar en Eggert.

Það voru því hefðbundnir göngudeildarmeðlimir og maraþonjómfrúrnar Aðalsteinn, Hrafnhildur, Kolla og Stefanía sem hófu undirbúning ásamt Krissu sem er reyndar ekki jómfrú í þeim skilningi síðan í Tíbet um árið. Maraþonáróðursmeistarar reyndust nefnilega hafa verið víðar að verki en í Esjuhlíðum, þeir fara víst líka með fórnarlömb sín á kaffihús, snúa þeim þar frá leti og hóglífi og æsa þá til maraþondáða. Það kom reyndar á daginn að Krissa átti harma að hefna síðan á hásléttum Indlands og sættir sig ekki við minna en Íslandsmet í bætingu. Það er ekkert gamanmál að verma neðsta sætið á lista yfir maraþonhlaupara Íslands. Það vita ekki allir hversu erfiðar aðstæður voru í 3.500 metra hæð á indversku hásléttunni, einungis örfá súrefnismólikúl til skiptana og brennandi hiti, allavega þegar líða tók á daginn. Skiptir ekki máli að flestir hafi þá verið löngu komnir í mark að vísu. Nei það vita ekki allir þegar þeir góna á nafnið hennar Krissu neðarlega á maraþonlistanum hvernig þetta var.

Af þessu má ljóst vera að brautina þurfti að velja af kostgæfni þannig að skilyrði væru sem allra best fyrir frumraunina og Íslandsmetið. Gælt var við hlaup í Búdapest og Odense áður en ákveðið var að fylgja fleiri félögum Laugaskokks til Frankfurt undir styrkri stjórn Sævars bónda. Þegar ákvörðunin var tekin og hlaupið valið þurfti bara að finna hæfilega auðvelt prógram. Mílanó-módelið þótti heldur krefjandi af fyrri reynslu og útsendari göngudeildar dæmdi Daníelsdagskrána ívið hraðskreiða fyrir meðlimina eftir að hafa hlaupið fyrstu æfinguna, Vatnsmýrarhlaupið, í blóðspreng í örvæntingarfulltri tilraun til að verða ekki að athlægi í hlaupaheimum. Krissa dró þá úr pússi sínu eins og töframaður Tíbetarprógram frá Elínu Reed sem heillaði göngudeildina upp úr skónum og gulltryggði sér þannig sæti í deildinni. Reiknimeistarinn Stefanía taldi vikurnar af öryggi aftur á bak frá 25. október til að finna upphafspunkt miðað við rauntímann 10. ágúst.

Æfingar hófust og gengu framar vonum þó andlegur og líkamlegur leiðtogi göngudeildar hafi því miður verið fjarri góðu gamni undanfarnar vikur. Eitthvað hefur Aðalsteinn síðan orðið einmana í hinum kvenlega félagsskap því hann skellti sér í septemberbyrjun í sjúkradeildina til Eggerts og tók að sér nauðsynlegt hlutverk bílstjóra og butlers á lengstu æfingum. Fjórir "uppistandandi" maraþonkandídatar göngudeildar halda ennþá góðum dampi í prógramminu og heyrast æ oftar stynja andstuttar á æfingum "Við erum að fara alltof hratt, stelpur. Við eigum bara að vera á 5.40"

Rútuhlaupið örlagaþrungna var endurtekið rútulaust, en með þjónustubíl, um síðustu helgi þegar 16 Laugaskokkarar drifu sig upp áleiðis upp á Nesjavallaleið og sannaðist sem oftar að Laugaskokkskonur eru margar vel giftar. Enginn hörgull var á bílstjórum þó Aðalsteinn og Gunni Mundu hafi sýnt mest úthald í að uppvarta liðið með vatn, kók og nammi. Á meðan meirihluti hópsins hvarf í rykmekki fylgdu Rögnvaldur og Gunnar okkur göngudeildarmaraþonkonum og þótti okkur það ekki verra að fá aftur tvo herra í klíkuna, erum enda farnar að sakna karlanna okkar.

Hálfleiðarar hálfeinmana

2009-09-20T15:00:00.001Z

Það var ekki laust við að Hálfleiðarar væru hálfeinmana þegar þeir mættu galvaskir til laugardagsæfingar. Frankfurtfarar voru flestir komnir langleiðina til Nesjavalla ásamt fríðu föruneyti, rútulausir, New York farar og Ívar höfðu sömuleiðis stefnt til fjalla en þó var það býsna álitlegur hópur sem safnaðist saman við Laugar og beið örlaga sinna í góðviðrinu.

Sumarliði var á svæðinu og var ráðgast við hann um hlaup dagsins. Við þökkuðum honum í hljóði, allir nema Pétur Ísleifss., þegar við heyrðum að áherslan væri ekki á að fara sem lengsta vegalengd heldur að standa sig í hraðanum. Prógrammið góða sagði 18 km. á vaxandi hraða og við svo búið var haldið hina einu sönnu laugardagsríkisleið, vestur í bæ og vonast eftir hinu besta. Fyrstu km. áttu að vera hægir, á ca. 5:50 en fljótlega kom í ljós hve fótfráir Hálfleiðarar eru orðnir og gekk illa að tjónka við þá. Þeir skunduðu brautina eins og óþolinmóðir veðhlaupahestar og var hraðinn fljótlega kominn í 5:20. Varð þá snarlega að skipta um strategíu og stefnt að því að halda þeim hraða hálfa leiðina og gefa svo í seinni hlutann. Sést af því hversu Hálfleiðarar eru sveigjanlegir, auk auðvitað annarra mannkosta.

Við Eiðistorg var ákveðið að halda lengra vestur eftir enda óvenju roklítið á Seltjarnarnesi þennan daginn. Því var hlaupið inn að Lindarbraut, upp heiðina þar og svo til baka Suðurnesið, næsti áfangastaður Nauthóll. Á þessum kafla átti hraðinn að vera um 5:20 og svo átti að gefa í smám saman eftir því sem nálgaðist Laugar. Mun betur tókst að fylgja þessari áætlun en áður og fór hraðinn stigvaxandi og var kominn undir 5:00 við Valsheimilið. Þegar svo meðlimir hópsins voru komnir yfir Hringbrautina var eins og á þá rynni æði og þeir keyrðu niður Snorrabraut eins og þeir mest máttu og var hraðinn á þessum kafla vel yfir því sem stefnt var að, ca. 4:30. Ekki var vikið fyrir neinum, keyrandi, hjólandi eða gangandi, eða numið staðar fyrr en búið var að leggja nokkur hundruð metra að velli líka á göngustígnum við Sæbraut, þar sem heildarkílómetrarnir slógu í 18. Að lokum var skokkað 1,5 km. inn í Laugar og vel heppnaðri laugardagsæfingu þar með lokið.

Fyrstu viku í prógramminu góða er nú lokið og hægt að eyða helginni í að hlakka til mánudagssprettanna, auk þess sem við innum eftir fréttum af þeim Laugaskokkurum sem eyddu laugardeginum í óbyggðum.

Hálfleiðarar á hlaupum.

2009-09-17T22:49:00.001Z

Þá er það ákveðið, hópur Laugaskokkara hefur ákveðið að stefna að því að bæta tímann sinn í hálfu maraþoni í hausthlaupi Félags maraþonhlaupara í lok október. Öllu skyldi tjaldað til svo að árangur yrði í samræmi við björtustu væntingar meðlima. Þá er kallað í fagmenn. Eins og hringt er í Gunna Þórðar ef semja á lag sem komast á á toppinn eða talað við Stefaníu ef skipuleggja á fjallgöngu þá er talað við Sumarliða til að redda prógrammi. Og ekki stóð á því, prógrammið skilaði sér hratt og vel og skyldi afhjúpað á æfingu á miðvikudag.

Í feiminni undrun horfðu menn svo á næstu vikur, svartar á hvítu frá Sumarliða, þar sem það lá á borðum í Laugateríunni. Gömlu karlarnir létu á litlu bera og báru harm sinn í hljóði, en tár sást í einstaka hvarmi. Sex æfingar í viku! Hvað heldur Sumarliði eiginlega að við séum? Einhverjir ofurhlauparar? Hvar er prógrammið þar sem menn hlaupa eins lítið og þeir nenna og ná samt Personal Best? Var verið að svindla á okkur?

Hlaupið var frá Laugum á fyrstu æfingu og skyldi hlaupinn Fossvogshringur. Fyrstu 3 km. áttu að vera á spjallhraða en Hálfleiðarar voru samt óvenju þögulir þann tíma. Nafn hópsins að sjálfsögðu tengt því að meðlimir hans ætla að hlaupa hálfa leið í október þegar hinir fara heilt maraþon. Einhverjir bentu á að þetta væri líka eitthvert rafmagnsfræðilegt hugtak en þar sem enginn meðlima er áhugamaður um rafmagn og eðlisfræði létum við það sem vind um eyrun þjóta. Kári veit kannski eitthvað um þetta ef svo ólíklega vill til að einhver vilji fá á því útskýringu.

Eftir að hlaupnir höfðu verið 3 km. á spjallhraða tók við ógnvættur dagsins, 5 km. á 10 km. pace, sem þýddi að flestir meðlimir þurftu að keyra niður á 4:30 í hraða. Hófst þá hatrömm barátta þar sem vart mátti á milli sjá hvor hafði betur, hinn einbeitti hálfmaraþonhópur eða Fossvogurinn. Sér í lagi þar sem fimmti kílómetrinn endaði við brekkuna við kirkjugarðinn, þar sem bæði ku vera reimt auk þess sem brekkan er sögð brött. Engu að síður stóðu hálfleiðarar sig með prýði og var sæst á stórmeistarajafnteli í þessari viðureign hópsins og brautarinnar. Pétur Ísleifss. tók meira að segja kirkjugarðsbrekkuna með trukki og glotti óhræddur framan í örlögin. Er hann nú um stundir talin bjartasta von hálfleiðara en meðlimir hópsins bíða spenntir eftir kosningu næstu viku og ljóst að margir hafa hug á að ræna Pétur nafnbótinni. Má þar t.a.m. nefna Helen, sem sýndi góð tilþrif á annarri æfingu hópsins, þar sem keyrt var á beispeis (þetta er eitthvað sem Sumarliði getur útskýrt fyrir áhugasömum) upp að Elliðaárstíflu og aftur heim í Laugar.

En hálfnað er verk þá hafið er og flestir okkar manna dauðfegnir að prógrammið skuli vera hálfnað, enda strembnara en þetta þægindahlaup sem við höfum stundað undanfarnar vikur eftir að helstu keppnishlaupum lauk. Sé eitthvað til í þeirri kviksögu að árangur taki mið af æfingum ætti hópurinn ekki að þurfa að örvænta enda mun hann eyða drjúgum hluta frítíma síns á hlaupum næstu vikurnar ef prógrammið góða fær einhverju ráðið. Fyrsta skróp hópsins hefur nú verið þaulhugsað. Föstudagurinn segir Recovery hlaup, við verðum á Kaffibarnum. Og sjáumst svo hress á laugardaginn með prógrammið við hendina.

Karlar í krapinu (þrekinu)

2009-09-13T15:23:00.001Z

Eins og mér finnst gaman að vera í hlaupahóp, þ.e. Laugaskokki, þá er bara eitt sem ég get ekki gert þessa dagana, en það er að hlaupa !!! Alveg frá því að ég asnaðist síðasta vetur að halda að ég gæti haldið í Boggu á sprettæfingu úti í kuldanum, þá hef ég verið að glíma við bólgið hásinaslíður sem minnir á sig öðru hvoru og þegar ég var að ljúka löngu hlaupunum í undirbúningnum fyrir Rvk maraþonið var komið að slíkri áminningu að nýju. Ég hef leitað álits fagmanna og annarra á lausn á þessari raun og öllum ber saman um að ég þurfi að gera þrennt, en það er að styrkja, teygja og kæla.

Ég hef því mætt á æfingar og í stað þess að hlaupa með hópnum hef ég farið á stigvélina, fótapressuna og teygt eins og ég mest má og get. Það er hins vegar þekkt vandamál hjá hlaupurum að þeir gefa alhliða líkamsstyrk ekki nægilegan gaum og þetta er ekki hvað síst ástæðan fyrir endalausum hlaupameiðslum.

Svo ég komi mér að efninu, þá var ég að leita leiða til þess að bæta úr þessu og varð hugsað til þess að Þórir Dan hefur verið í karlaþreki á morgnana og hann hefur látið mjög vel af því. Reyndar hafa öfundarraddir haldið því fram að hann hafi verið duglegastur að byrja en litlum sögum fari af framhaldinu, en ég held að það sé della. Ég innritaði mig því í karlaþrekið með Þóri þetta haustið og þótti sem við værum karlar í krapinu, þótt einhver kynni að segja að við værum frekar á hálum ís. Ég beið spenntur eftir að sjá hvort mér lánaðist að vakna kl. 5:30 til að vera mættur á slaginu sex að morgni því hingað til hef ég haldið að það væru bara þjófar og útigangsfólk á ferli á þessum tíma. Það kom mér því á óvart fyrsta morguninn sem ég mætti að það skyldi vera löng biðröð af fólki á leið í ræktina. Ekki hvað síst að sjá þær stöllur Helgu, Sibbu og Berglindi (þekkt í æsku sem Begga) mættar í einkaþjálfun svona snemma dags. Það eru sem sagt fleiri en ég að gera eitthvað í sínum málum. Ég var nokkuð einamana í fyrsta tímanum þar til Þórir birtist en hann er búinn að vera stoð mín og stytta í þessu ferli. Það kom í ljós að Rósa þjálfari var ekki mætt í fyrsta tímann og þótt ég væri þreyttur á eftir var mér sagt að þetta hefði verið létt. Hafandi mætt í fleiri tíma og þá undir stjórn Rósu var engu logið. Það eru endalausar armbeygjur, uppsetur, dauðagöngur, spinning og ég veit ekki hvað. Það var alveg ótrúlega neyðarlegt eftir þriðja tímann að koma dauðþreyttur í búningsklefann og vera svo kraftlaus eftir armbeygurnar að geta ekki náð íþróttatöskunni ofan af skápnum!!! En þetta lagast með hverjum tíma og þar sem þetta eru bara 8 vikur, fer maður fljótt að sjá fyrir endann á þessu nema ég verði svo húkkt að ég haldi áfram. Það sem er þó mest spennandi er tölfræðin, því Rósa tók niður hinar ýmsu mælingar í fyrsta tímanum s.s. þyngd, fituprósentu, mittismál, tíma á einum km í hlaupum og fjölda af armbeygjum og uppsetum í einni lotu. Vonandi verður einhver framför svo maður þurfi ekki að leita til seglagerðarinnar þegar kemur að fatakaupum :-)

Að koma af fjöllum

2009-09-11T10:20:00.002Z

Þetta er búið að vera viðburðaríkt sumar hjá Göngudeildinni. Líkt og rollur að vori má segja að hún hafi verið meira og minna á fjöllum eða í sveit í sumar. Það hefur heldur ekki spillt fyrir hvað Laugaskokkarar hafa verið duglegir að drífa sig um allar jarðir til að taka þátt í öllum mögulegum og ómögulegum hlaupum. Tjaldborgarstemmingin í Gullsprettinum við Laugarvatn og í Jökulsárhlaupinu var frábær og fleiri að auki. Hápunktur sumarsins var samt 24 tinda gangan hjá Aðalsteini, Kollu, Hrafnhildi og Stefaníu sem gengin var á 28 tímum, auk þess sem Eggert tók hálft, þ.e. 12 tinda. Eftir Jökulsárshlaupið virtist koma los á hópinn og hefur hann hlaupið í ýmsar áttir og er ekki laust við að það eigi við Laugaskokk í heild.

Þegar Hrafnhildur lýsti því yfir að hún myndi missa af smölun þetta árið í Bárðardalnum vegna æfingahlaups mátti með sanni segja að samlíkingin við réttarstemminguna hafi átt vel við hlaupahópinn því það er eins og honum hafi verið smalað að hausti inn í Laugar líkt og í réttina en þetta árið eru dilkarnir sem dregið er í fleiri en venjulega því þótt allir mæti á æfingu á sama tíma, tvístrast hópurinn í hinar ýmsu áttir eins og Frankfurt hóp hjá Daníel Smára, annan slíkan hóp sem æfir eftir námsefni Mílanóskólans og svo þá sem æfa „eins og venjulega“ auk þess sem við erum rík af byrjendum þetta haustið. Má með sanni segja að fjölbreytt úrval hlaupa og áræði skokkara við að sækja þau breyti áferðinni á hlaupahópnum okkar.

Göngudeildin fer ekki varhluta af þessu og og varla að hún standi undir nafni því hún hefur skipt sér í hinar ýmsu áttir eins og hinir. Aðal tíðindin eru þó að Aðalsteinn, Hrafnhildur, Kolla og Stefanía ætla að skella sér til Frankfurt í maraþonið og æfa skv. námsskrá sem er ekki af einfaldari sortinni. Ekki nóg með það heldur hefur þeim bæst góður liðsauki í Krissu. Reyndar varð Aðalsteinn svo spenntur að hann er úr leik í bili vegna hjarsláttaróreglu en hinir halda ótrauðir áfram. Bjargey heldur sínu striki en Eggert sætir sömu örlögum og Þróttur í knattspyrnunni og er fallinn niður um deild, þ.e. í sjúkradeildina eftir að þrálát hásinameiðsli tóku sig upp að nýju. Hann ber harm sinn í hljóði og sækir huggun í karlaþrekið á morgnana með Þóri og vonandi segir hann betur frá því. Það væri gaman ef hin einstöku brotabrot Laugaskokks myndu láta frétta af sér svo Göngudeildin endi ekki á eintali á blogginu okkar.

Koma so !!!

Sveitakeppni í Rvk maraþoni

2009-08-17T22:02:00.002Z

Komið þið sæl

Í sambandi við pastaveisluna þá hefur gengið þokkalega að manna vaktirnar ef einhverjir hafa tök á að koma frekar á fyrri vakt þá væri það ágætt því það eru mun fleiri skráðir á seinni vakt.

Sveitarkeppnin.
Það vantar fullt af nöfnum frá Laugaskokkurum um hvað þeir ætla að hlaupa svo að við getum búið til sveitir. En þau nöfn sem ég hef hér eru:

10 km
Ólöf Lilja Sigurðardóttir 4478
Kristján Sveinsson 4145

21 km
Kristinn Ó Hreiðarsson
Davíð Björnsson
Hrafnihildur T
Stefanía
Kristbjörg
Aðalsteinn
Pétur Ísleifs
Berglind H Guðmundsdóttir
Helen Ólafsdóttir
Guðmundur K
Sandra Ellertsdóttir
Annabella Jósefsdóttir Csillag

42 km
Sigurbjörn
Þórir
Birgir Örn Birgisson

Ég veit að það vantar fullt af fólki á þessa upptalningu. Stefni á að mæta á miðvikudag vopnuð blöðum og pennum til þess að skipa endanlega sveitir.

Ódýr laugardagssteik

2009-08-16T11:09:00.006Z

Hrefnuteik - fyrir 4

1 pakki hrefnusteik, ómarineruð

Olía
Rustica krydd (fæst í Fjarðarkaupum)
Piparmix
Maldon salt

Kjötið er skorið í þunnar sneiðar. Sneiðarnar kryddaðar og velt upp úr olíunni. Síðan látnar standa í 2-3 tíma. Grillað á háum hita í 1 mínútu á hvorri hlið. Svo er gott að strá Maldon salti yfir og láta kjötið standa í 5 mínútur undir álpappír.

Piparsósa

0,5 l matreiðslurjómi
1 stk piparostur
1 teningur kjúklingakraftur
1 msk piparmix

Allt sett í pott, osturinn bræddur. Síðan maizena sósujafnari út í og látið sjóða í 1-2 mínútur.

Gott að bera fram með steiktum kartöflum og salati.

Bonn appetítt

Með kveðju, Gulla

Reykjavíkur maraþon sveitakeppni

2009-08-11T17:09:00.003Z

Komið þið sæl, þá fer að líða að stærsta hlaupaviðburði ársins og sjálfsögðu munu Laugaskokkarar taka þátt í þessari hlaupaveislu og stefnum við eins og venjulega að vera með eins margar sveitir og við getum í öllum vegalengdum eins og venja er. Því ætla ég að biðja ykkur um að kommenta hér að neðan nafnið ykkar og í hvaða vegalengd þið ætlið að hlaupa, gott er að hafa með keppnisnúmerið. Á næstu dögum mun síðan koma listi yfir sveitirnar og hvernig við skráum þær en meira um það síðar.
Er búin að fá meltingu frá mæðgunum Önnubellu og Söndru í 21 km.

Annabella Jósefsdóttir Csillag nr. 1581

Sandra Ellertsdóttir nr. 1582

Jökulsárhlaup II

2009-07-22T21:00:00.001Z

Jæja, þá er alveg að koma að árlegri sumarhátið Laugaskokks í útibúi hlaupahópsins á norðausturlandi. Okkar menn á staðnum hafa lofað að taka vel á móti okkur þrátt fyrir að veðurspáin sé ekkert spes. En fátt er svo með öllu illt að ekki boði nokkuð gott, vegna lélegrar veðurspár er ekki búist við því að margir tjaldferðalangar leggi leið sínar á þessar slóðir um helgina, það eru helst brjálaðir hlauparar og einstaka útlendingur. Semsagt, meira pláss fyrir okkur. Það lítur út fyrir að þetta verði mikil tjaldborg sem þarna á eftir að rísa því samkvæmt athugasemdunum við síðasta bloggi verða þetta 8 tjöld, 16 fellihýsi eða tjaldvagnar og 1 ferðabíll. Þetta verða sennilega á bilinu 40– 50 manns á vegum Laugskokks.
Tekin verða frá tvö hólf á tjaldstæðinu fyrir hlaupara sem taka þátt í hlaupinu en því miður þá er ekki hægt að taka sérstaklega frá svæði fyrir Laugaskokkara innan þeirra. Fyrstir koma, fyrstir fá er reglan en þeir Laugaskokkarar sem koma fyrstir á svæðið ættu bara að dreifa vel úr sér og láta ófriðlega þannig að engir aðrir en Laugaskokks meðlimir vilja tjalda nálægt þeim. Þegar þið komið á tjaldsvæðið láta tjaldverðirnir ykkur vita hvar hólfin fyrir hlauparana eru en okkar menn á staðnum mæltu með því að vera í 1. hólfi til vinstri.
Sumarkveðjur : )

Jökulsárhlaupið

2009-07-13T22:11:00.002Z

Gríðarleg stemming er innan Laugaskokkshópsins að hlaupa í Jökulsárhlaupinu í Ásbyrgi enda getum við ekki látið það framhjá okkur fara að hitta Helgu og Stefán + að hlaupa í fallegu landslagi. Margir ætla að taka fjölskylduna með og tjalda, þar sem við gætum orðið mörg er betra að taka frá tjaldstæði, ef það er möguleiki. Því ætla ég að biðju ykkur um að kommenta hér hvort þið farið og hvort þið verðið á tjaldstæðinu, einnig er fínt að taka fram hvort þið eruð með fellihýsi eða lítið kúlutjald.

Minningarhlaup

2009-06-30T14:58:00.001Z

Komið þið sæl

Það kom beiðni frá ákveðnum hlaupurum í Laugaskokki um að hlaupa minningarhlaup um Michael Jackson á morgun miðvikudag. Ætlunin er að hlaupa Rocky enda á það vel við. Einnig ætla ég að minna ykkur á sumargleði World Class við sundlaugarbakkana, er ekki um að gera og fjölmenna á það?

Bíð spennt að sjá hvort einvherjir kunni Moonwalk taktana
http://www.youtube.com/watch?v=-SlWIaYkFI4

Kveðja
Bogga

P.s það má vera með einn hanska eða grifflur á æfingu á morgun.

Tempóæfing með kvennahlaupsívafi

2009-06-20T17:26:00.003Z

Við Elín ákváðum í gærkvöldi að vera svolítið kvennlegar í dag. Tókum skemmtilega æfingu frá WC í Mosfellsbæ. Hituðum upp upp að Varmá, tókum þar Kvennahlaupið á temói, Elín eiginlega bara á hálftemói ;), skokkuðum svo aftur niður heim að WC. Mjög skemmtilegt, vorum langfyrstar 7km en það tók enginn eftri því nema við tvær ;) Til að bæta úr því náðum við að láta ljósmyndara mynda okkur í bak og fyrir- en klikkuðum eitthvað á viðtalainu. Fengum ókeypis líftryggingu uppá eina miljón frá Sjóva í eitt ár -gloss og allskonar dót með. Ég var búin að senda inn mynd af hlaupahópnum ElínJóhanna í einhvern útvarpsþátt sem ætlaði að draga út dekur fyrir heppinn hóp- skil ekkert í að ekki skuli vera búið að hringja í mig ;(
Við Hittum Öggu og Evu með börn og buru og allir brosandi út að eyrum-örugglega líka litli bumbubúinn.
Fín æfing með 7km tempó inní. Svo skemmtilegt- bara eins og maður væri í tómum leikarasakap- sem þetta náttúrulega er alltsaman.

Endanleg áætlun

2009-06-19T14:59:00.002Z

Jæja

Laugardainn 20. júní þá ætla einhverjir Laugaskokkarar að sameinast í bíla kl. 7:00 við N1 í Ártúnsbrekkunni. Þaðan munum við fara á Skóga og hefja hlaup um 9 leytið og halda uppá Fimmvörðuháls, hlaupa að minnismerkinu og til baka. Eflaust ætla einhverjir að fara alla leið inn í Bása en þeir redda sér sjálfir úr Mörkinni. En allvega hinir sem hlaupa aftur til baka stefna síðan á það að fara í sund á Hvolsvelli þar sem hugsanlegt er að fari fram tímataka í 25m hundasundi.

Meira af Fimmvörðuhálsi

2009-06-15T21:03:00.003Z

Eftir stuttan fund eftir æfingu var staðan tekin. Niðurstaða var sú að við skyldum koma okkur sjálf á Skóga og byrja hlaup kl. 10:00. Því þarf að leggja
af stað úr bænum eigi síðar en kl.7:00. Í dag hefur einn maki boðist til þess keyra frá Skógum inn í Bása og getur því keyrt fólk til baka að sækja bíla. Fólk þarf því að redda sér sjálft heim. Því er um að gera að tala við aðra eða skoða ferðir áætlunarbíla.

Biðjum fólk að skrá sig ef fleiri bætast í hópinn og segja frá því ef þeir hafa einhvern fararkost eða bílstjóra sem gæti hjálpað okkur.

Á fimmtudagskvöld verður tekið stöðutékk en langtíma veðurspá er ekki góð og því er vissara að skoða það betur þegar marktækari spá er komin.

Skilaboð frá Sævari

2009-06-14T21:09:00.001Z

Kæru Laugaskokkarar.

Eins og flestir vita þá ætlum við hjá Ferðaþjónustu bænda - Bændaferðum að bjóða upp á skipulagða maraþonferð til Frankfurt í haust 23-26.október. Frankfurtar maraþonið er eitt elsta borgarmaraþon Þýskalands og fer fram 25. október. Að sögn kunnugra er Frankfurtar maraþonið kjörið hlaup til að ná góðum tíma jafnt fyrir þá sem eru að fara sitt fyrsta maraþon sem og reynda hlaupara.

Allar nánari upplýsingar er að finna á http://www.baendaferdir.is/category.aspx?catID=113

Heyrst hafa kjafasögur um að Mílanóskólinn muni jafnvel bjóða upp á námskeið.

Þeir sem hafa áhuga hafið samband við skrifstofu Ferðaþjónustu bænda eða farið inn á http://www.baendaferdir.is/category.aspx?catID=113

Kær kveðja Sævar

Fimmvörðuháls

2009-06-12T16:57:00.001Z

Jæja þá er komið að því

Hérna koma margar upplýsingar og pælingar lesið því þennan pistil vel og vandlega og kannski oft til þess að botna eitthvað í honum.

Laugardaginn 20. júní ælta Laugaskokkarar að sameinast og fara saman yfir Fimmvörðuháls. Eftir miklar rökræður og vangaveltur hefur verið ákveðið að hlaupið verður Skógar-Básar en vonandi geta allir sæst á þessa niðurstöðu en hópurinn virðist skiptast til helminga um hvora leið hann vill fara (við förum þá bara hina leiðina á næsta ári).
Stefnt yrði því á að fara úr Rvk kl. 7:00 þeas ef fólk verður ekki búið að koma sér austur og lagt að stað eigi síður en kl. 10:00 frá Skógum.
Ef hægt er förum við á einkabílum.

Það sem við þurfum að vita er:
1. Hverjir ætla með?
2. Hversu margir geta farið á bílum austur og hversu margir eiga bíla sem komast alla leið inní Bása?
3. Er einhver sem hefði bílstjóra sem myndi vilja fara á undan (akandi í Bása) og gæti keyrt fólk til baka til þess að ná í bíla á Skógum?
4. EF að fólk vill ekki gista í Básum eftir hlaup er áætlunarbíll sem fer frá Básum kl. 13:30 og sami bíll úr Húsadal kl. 16:00 í Reykjavík.
Sjá http://www.re.is/Thorsmork/BusSchedule/. Ætlar þú að vera áfram í Básum og tjalda? Ef við erum mörg gæti verið betra að taka frá tjaldstæði.
5. Ef þú gistir í Básum hefðir þú laust pláss heim eða áleiðis í Rvk á sun?

Fólk spyr eflaust afhverju við tökum ekki bara rútu málið er að það er erfitt að panta rútu þegar við vitum ekki hversu margir eru að fara og vitum heldur ekki hversu margir myndu koma með henni til baka á lau ef hún myndi bíða eftir okkur.

Þetta eru fyrstu upplýsingarnar sem koma og eflaust vantar margt í þær endilega hafið þá samband. Ég ætla að biðja fólk að svara okkur á BLOGGINU við spurningu 1-5 eða eftir því sem við á. Upplýsingar verða síðan uppfærðar jafnóðum um leið og hlutirnir skýrast og munu fleiri upplýsingar koma á næstu dögum.

Bláalónsþrautin á sunnudaginn

2009-06-10T11:22:00.002Z

Corinna stofnaði okkur Laugaskokkara sem lið í Bláalónsþrautinni sunnudaginn 14. júní.

Um er að ræða að hjóla 60 km. leið frá Hafnarfirði, eftir einhverjum ófærumalarvegi, í Bláa lónið. Þar er tekið á móti okkur með súpu og með því. Svo fara allir í Bláa lónið að sjálfsögðu (er innifalið).

Kostar kr. 2.500 ef skráð er í síðasta lagi 11. júní (annars 3.500 ef skráð er á keppnisdegi). Svo ef er ekki hjólað til baka, þarf að greiða kr. 1.000 í áætlunarrútuna (hjólin fá frítt far í bæinn með sendibíl).

Nánari upplýsingar eru á http://www.hfr.is/ og velja þar Blue Lagoon Challenge.

Verið endilega með, skráið ykkur og munið að setja LAUGASKOKK sem liðið ykkar.

Þeim sem langar en treysta sér ekki að hjóla 60 km. þá er líka hægt að fara 40 km. (sjá meira um það á vefsíðunni).

Sjá kort: http://www.hfr.is/blaa/myndir/kortblaa2007.jpg

Vonumst til að sjá sem flesta
Corinna og Sibba

p.s. minnum líka á Álafosshlaupið á föstudaginn (9 km) og 7 tinda hlaupið á laugardaginn (17 km. eða 37 km). Fyrir þá sem ætla að vera með á sunnudeginum í hjólreiðakeppninni mælum við með að fari 17 kílómetrana og geymi 37 km. þar til síðar. Sjáumst vonandi sem flest og tjáið ykkur endilega hérna inni eða í athugasemdadálkinum á forsíðu.

Hlaupaverkefni Laugaskokks

2009-05-27T15:05:00.002Z

Miðvikudaginn 27. maí verður lagt fyrir verkefni á æfingu, tilgangur með þessu verkefni er eingöngu til gamans og hvatning til þess að spjalla við aðra hlaupara en þá sem við tölum alltaf við á æfingum. Þetta kynnisverkefni/átak mun standa yfir í viku eða til 3. júní og skal skila niðurstöðum hér í kommentum.

Öll verkefnin fala í sér að finna einstakling sem hefur gert mismunandi hluti og var þeim skipt í A, B, C, og D.

Verkefni A

Hefur æft handbolta
Er afi
Einhvern ættaðan frá Vestfjörðum
Einhvern sem hefur gengið Hvannadalshnúk
Er með meirapróf

Verkefni B

Kann pelastikk
Einhvern sem á silfulitaðan bíl
Ræktar kartöflur
Farið í sjósund
Er amma

Verkefni C

Hefur búið í útlöndum
Fór á sveitarböll í denn
Á gæludýr
Spilar á hljóðfæri
Hefur gengið Horstrandir

Verkefni D

Sem prjónar
Björgunarsveitarmann
Notar skó nr 39
Er lofthrædd/ur
Getur farið í handahlaup

Lokaúrslit Sleppt og Haldið 09 - LOKSINS !!!

2009-05-26T14:57:00.004Z

Það verður að viðurkennast að það hefur ekki náðst að rífa upp stemmingu í þessari keppni líkt og í Biggest Looser, og það sem meira er, þá er ljóst að sumir keppendur hafa algjörlega misst sjálfa sig og áhugann sem sést best þegar úrslitin eru skoðuð. Þetta vekur upp spurningar um hvort keppnishald með þessum hætti sé gerlegt. Allavega verður sjálfsagt bið til haustsins áður en lagt verður á megrunarkeppnisbrautina á ný.

Annar vandi keppninnar var fjöldi keppenda, en það er erfitt, sérstaklega þegar komið er fram á sumar, að treysta á það að allir getir vegið sig og mælt á sama tíma, svo ekki sé talað um undir eftirliti haukfránna eftirlitsmanna. Þetta hefur gert að verkum að dregist hefur að tilkynna úrslit eins og best sést á þessu úrslitabloggi í dag, rúmri viku eftir að keppni lauk. Auðvitað mætti skrifa það að einhverju leyti á ritara keppninnar sem hélt í heimahagana til að lembgva, en það athæfi skildi ekki nokkurt borgarbarn og satt best að segja olli það nokkrum áhyggjum þar til það var útskýrt. Málið var auðvitað að varamaðurinn stóð sig ekki heldur, því hann glímdi við svínslega flensu og komst fyrst til almennilegrar meðvitundar í fyrradag.

En nóg af tuði í bili. Það sem skiptir máli er að 14 keppendur lögðu á sig 8 vikna þátttöku í keppni þar sem þrautseigja og skynsemi var aðal málið. Það skripluðu margir á skötunni en eins og alltaf þá komu hinar sönnu hetjur í ljós eftir því sem leið á keppnina. Það virðist hafa verið vænlegast til árangurs að þessu sinni að ætla sér ekki um of heldur treysta á að halda fengnum hlut. Þetta átti sérstaklega við þátttakendur í Biggest Looser, sem þrátt fyrir góðan árangur þar, áttu ekki sjéns í þessari keppni með nokkrum skemmtilegum undantekningum þó.

Baráttan um fyrsta sætið var jöfn og spennandi. Má með nokkrum sanni segja að keppendur hafi hagað sér líkt og við gerum á hlaupaæfingum, þ.e. skipuðu sér í hópa og slitu sig frá öðrum keppendum. Þannig leiddu Stefanía og Inga keppnina og í næsta hóp voru Aðalsteinn, Guðrún og Sibba. Þriðji hópurinn var rest utan Bjargeyjar og Eggerts sem reyndu að vinna keppnina neðanfrá, sem auðvitað er veruleikafirring af verstu sort, enda lýsti Bjargey því yfir í vitna viðurvist í gær að hún væri búin að missa tökin á tilverunni en ætlaði sér að treysta tökin að nýju. Eggert er hins vegar kominn skrefi lengra því hann á bókaða tveggja vikna meðferð á Ásbrú að loknu Mývatnshlaupinu og vonandi að það dugi honum til að verða léttari á sér á hlaupunum í sumar.

Fyrst er það röð keppenda í síðustu vigtuninni sem er:

1 Stefanía 0,22%, 2 Aðalsteinn 0,64%, 3 Pétur 0,72%, 4 Inga María 1,10%, 5 Sibba 1,82%, 6 Kolla 1,82%, 7 Gunnhildur 2,11%, 8 Guðrún 2,24%, 9 Corinna 3,02%, 10 Gunni 3,53%, 11 Hrafnhildur 3,68%, 12 Ingigerður 4,33%, 13 Bjargey 4,92%, 14 Eggert 7,65%

Síðan er það endanleg röð keppenda og lokaúrslit:

1. Stefanía 1,38%, 2. Inga María 2,35%, 3. Aðalsteinn 4,47%, 4. Corinna 5,51%, 5. Guðrún 5,78%, 6. Sibba 6,82%, 7. Gunnhildur 7,07%, 8. Pétur 7,73%, 9. Ingigerður 7,82%, 10. Kolla 8,35%, 11. Hrafnhildur 8,57%, 12. Gunni 8,80%, 13. Bjargey, 13,32%, 14. Eggert 20,92%

Úrslitin eru skýr. Stefanía sigrar enn á ný og náði meira og minna að halda sér í ætlaðri þyngd allan tíman. Inga María bítur í hælana á Stefaníu enda ekki nema 0.9% munur á þeim stöllum sem er að meðaltali 0.21% í hverri vigtun sem er varla til að tala um. Til hamingju Stefanía !!!

Í liðakeppninni voru úrslitin afgerandi því sökkurnar í keppninni voru í Bláa og Svarta liðinu. Þess vegna burstar Rauða liðið, það Bláa í öðru og Svartir síðastir. Til hamingu RAUÐIR !!!

Göngudeildin þakkar keppendum samstarfið og lesendum þolinmæðina. Nú verður keppniskröftunum beint að hlaupabrautinni enda tónninn gefinn síðasta laugardag þegar Kolla, Stefanía og Aðalsteinn fóru 32 km eins og að drekka vatn. Þetta var þrátt fyrir að hafa lengst farið 23 km áður. Hvílíkt kjarnorkufólk enda ekki laust við að farið sé að örla á skiptingu innan Göngudeildar líkt og í réttunum þar sem dregið er í dilka, eftir því hversu langt og hratt er farið.

Njótið sumarsins og verið dugleg að hlaupa !!!

Súpan hennar Lísu

2009-05-12T09:50:00.002Z

Hérna kemur hin margumtalaða uppskrift frá Lísu með súpunni góðu. Um leið vill hún og Pétur þakka öllum fyrir komuna og benda á að það eru alltaf hlaupaæfingar frá Úlfljótsskála á laugardagsmorgnum kl. 10 og eru allir velkomnir.

Úlfljótsskála Tómatsúpa að hætti Lísu!
1 laukur
1 hvítlauksgeiri
1 paprika, rauð
2 msk ólífuolía
1 1/2 tsk kummin
1 dós tómatmauk (purée; 250 ml)
1 súputeningur
700 ml vatn, sjóðandi
1 dós kjúklingabaunir
1 msk rauðvínsedik
2 tsk sykur
pipar, nýmalaður
salt

væn hnefafylli spínat
Leiðbeiningar
Saxið laukinn og hvítlaukinn fremur smátt. Fræhreinsið paprikuna og skerið hana í teninga. Hitið olíuna í þykkbotna potti og látið lauk, hvítlauk og papriku krauma við meðalhita í um 5 mínútur. Hrærið kummininu saman við og síðan tómatmaukinu. Myljið kjúklingateninginn út í vatnið og bætið því í pottinn. Setjið kjúklingabaunirnar út í, ásamt ediki, sykri, pipar og salti. Látið malla í6-8 mínútur. Smakkið og bragðbætið eftir smekk ? þessi súpa á að vera vel pipruð. Bætið að síðustu spínati út í, 1-2 mínútum áður en súpan er borin fram.

Byrjendablús

2009-05-09T23:35:00.001Z

Bakgrunnur þessa pistils er morgunæfing Laugaskokkara sem var frá Turninum í morgun. Þar sem hópurinn lagði af stað þá byrjaði fljótt að teygjast á hinum ýmsu einingum hópsins eftir því sem þrekið sagði til. Bjargey og Eggert urðu strax öftust og varð þeim hugsað til dýralífsþáttanna sem margir hafa séð í sjónvarpinu þar sem hjörðin er á ferð og dýrin sem ekki standa sig dragast afturúr og sjást síðan ekki meir. Varð þeim að orði að þetta væru oftar en ekki örlög byrjenda í skokki. Þegar horft er á hópinn bætast ekki margir við á hverju ári og eðilegt að spurt sé af hverju? Svo hefur það verið gagnrýnt að það sé erfittt að komast inn í skokkhóp eins og okkar því tilfinningin væri sú sama og að ryðjast inn í fjölskylduboð. Þótt þetta geti verið upplifun margra þá þarf að skoða hlutina í samhengi og kannski er lausnin að eiga smá pistil á síðunni okkar um það hvernig er að byrja í skokkhópi eins og Laugaskokk.

Þegar byrjað er í hlaupahóp þarf að athuga að þarna eru hlaupafélagar sem hafa hlaupið saman oft í viku svo árum eða áratugum skiptir. Það þýðir ekki að þeir séu ekki tilbúnir að hlaupa með einhverjum öðrum eða gefa sig á tal við aðra. Þegar lagt er af stað í hlaupin þá er það oftar en ekki hraðinn sem ákvarðar félagana og það er því dagsformið sem segir til um með hverjum er hlaupið. Þess vegna skiptir svo miklu máli að gefa sig á tal við þá sem maður skokkar með. Síðan er auðvitað gott að geta mætt með einhverjum sem hleypur á svipuðum hraða til þess að vera ekki einn, en þá er líka hætta á að viðkomandi haldi sig sér og blandi ekki geði við hópinn. Auðvitað skiptir máli að mæta á sem flestar æfingar því eftir því sem byrjandinn hittir hópinn oftar þá verður maður ekki byrjandi lengi. Það er því ekki nóg að mæta á eina æfingu og ætla að dæma starfið eftir þá heimsókn.

Það er mikilvægt að skilja að félagarnir í Laugaskokki hafa allir byrjað á einhverjum tíma í hópnum óháð hlaupagetu. Það er mesti misskilningur að félagarnir séu allir þrusu hlauparar frá fyrsta degi. Með iðni og ástundun hafa orðið ótrúlegar framfarir og mörg skemmtileg dæmi þar um. Framfarirnar þurfa ekki aðeins að vera í hlaupunum heldur líka í að eignast góða og skemmtilega félaga.

Loks er að nefna hinn sanna byrjendablús þegar mætt er á æfingu og allir hlaupa af stað og byrjandinn verður aftastur, missir af hópnum og týnist eða villist!!! Það þarf samt ekki alltaf byrjanda til eins og sagan um ferðina á „Heimsenda“ sannar en vissulega hefur þetta oftar en ekki hent margan byrjandann og ekki ólíklegt að þetta hafi haft þau áhrif að viðkomandi lætur ekki sjá sig meir. Hérna mætti bæta innviðina hjá hópnum okkar, bæði í því að vera ákveðnari í að greina byrjendur og fylgja eftir að vera í sambandi við þá og síðan að vera með pistla og reynslusögur á vefnum okkar um það hvernig okkur leið að vera byrjendur í Laugaskokki og ekki hvað síst hvernig við leystum úr „Hans og Grétu, líðaninni að vera skilin eftir á æfingu án þess að hafa steina eða brauðmola til að vísa leiðina aftur niður í Laugar :-)

Þriðja vigtun – Sleppt og Haldið 09 – Undanúrslit !!!

2009-05-05T10:43:00.004Z

Fyrir glögga lesendur þá verður að upplýsa að önnur vigtun leystist upp í lagaflækjur í kjölfar þess að Pétur skilaði ekki inn tölu og fékk á sig 999 kg við litla gleði liðsfélaga sinna. Þess vegna voru úrslitin kærð og eftir munnlegan málflutning var það niðurstaða sérstaks kviðdóms að Pétur fékk að skila inn réttri tölu og þar með var Rauða liðið komið aftur á toppinn en sumir ónefndir keppendur sukku til botns í úrslitatöflunni.

Þegar kom að þriðju vigtun sl. laugardag voru flestir keppendur í heimsókn hjá Pétri og Lísu á Úlfljótsvatni og var skokkað þar utan vega að hluta og síðan boðið til glæsilegrar súpuveislu með öllu tilheyrandi og vert að minnast sérstaklega á þann kalda sem kom með gufubaðinu. Höfðu keppendur á orði að sveitaloftið væri einstaklega „létt“ og þess vegna von um góðan árangur. Ekki varð öllum keppendum að ósk sinni og ljóst að ekki einu sinni kraftaverk geta bjargað þeim keppendum sem verma neðri hluta listans. Þarna er því orðin til mikilvæg og greinargóð heimild um hvaða keppendur eru veruleikafirrtir þegar kemur að því að setja sér markmið um líkamsþyngd átta vikur fram í tímann :-)

Annars voru úrslit þriðju og næst síðustu vigtunar eftirfarandi:
1 Stefanía 1,02%, 2 Inga María 1,07%, 3 Aðalsteinn 1,66%, 4-5 Sibba 1,79%, 4-5 Guðrún , 1,79%, 6 Corinna 2,20%, 7 Pétur 2,23%, 8 Kolla 2,30%, 9 Hrafnhildur 2,34%, 10 Ingigerður ,2,45%, 11 Gunnhildur 3,05%, 12 Gunni 3,38%, 13 Bjargey 3,68%, 14 Eggert 7,60%

Eins og áður hefur komið fram þurfa þeir keppendur sem lenda í 8. sæti og neðar að gjalda syndagjald, kr. 500 og er þetta farið að ganga nærri fjárhag sumra keppenda.

Í liðakeppninni eru línur farnar að skýrast óþægilega vel fyrir Rauða liðið sem sigrar þessa lotu með 1,64%. Bláir eru í öðru sæti með 2,66% og Svartir reka lestina með 3,77%. Þegar þessi úrslit voru kunn þá höfðu svertingjarnir að orði að réttast væri að kalla þá „Svörtu sauðina“

Vegna þess hvernig stigagjöf er háttað þá eru efstu keppendur í sérflokki þegar kemur að endasprettinum og orðið verulega spennandi að sjá hvort Stefanía nær að sigra keppninna og þannig ná „alslemm“, svo notuð sé góð íslenska í vigtunarkeppnum vetrarins. Heildarstaðan er þessi:

1 Stefanía 4, 2 Inga María 6, 3 Corinna 10, 4-5 Ingigerður 20, 4-5 Guðrún 20, 6 Aðalsteinn 21, 7 Gunnhildur 24, 8 Hrafnhildur 26, 9 Sibba 27, 10-11 Kolla 28, 10-11 Gunni 28, 12-13 Bjargey 32, 12-13 Pétur 32, 14 Eggert 35. Til hamingju Stefanía !!!

Eins og sést á stigatölu efstu manna þá munar svo litlu að ekki má misstíga sig við að fagna undankeppni Eurovision til þess að vigtun á úrslitadaginn kosti sigur. Það er því engin tilviljun að keppendur í Sleppt og Haldið 09 skuli vera í sömu spennu og Jóhanna Guðrún þessa vikuna um hvort þau komist áfram og sigri í aðalkeppninni. Dramatíkin er í hámarki næstu vikurnar og lesendur hvattir til að sýna keppendum skilning þegar andlegt atgervi þrýtur á lokasprettinum eins og svo oft gerist þegar langt er hlaupið.

2009-05-01T15:54:00.001Z

Laugaskokkarar fjölmenntu í Hérahlaupið. Margir þvílíkt að standa sig, fyrir utan að það er nú bara heilmikið að mæta í roki og hlaupa með þessum villingum sem eru margir á kvínandi siglingu. Hérarnir stóðu sig mismunandi vel. Minn sem átti að vera á 5.00 pace fór alltof hratt í byrjun ca 4.30. getur komið sér illa fyrir þá sem ætla að treysta á þá.
Margir voru að bæta sig og aðrir voru fyrstir, nefni engin nöfn en fyrsti stafurinn er Munda sem vann kvennaflokkinn. Einnig áttum við fólk í 2.3. o.sfrv. Ég hafði göngudeildar-manninn fyrir framan mig allan tíman. –Orðinn svo góður Eggert ;)
Til hamingju allir þetta var reglulega gaman.
Sjáumst sem flest á Úlfljótsvatni í fyrramálið.

Önnur vigtun - Sleppt og Haldið 09

2009-04-19T22:18:00.004Z

Það voru blendnar tilfinningar í brjóstum keppenda í þessari vigtun. Þar sem keppendur eru mjög margir og aðstæður misjafnar þá eru tölurnar að koma á ýmsum dögum og ýmsum stöðum. Það sem hins vegar er eftirtektarverðara er að frammistaða keppenda er afar mismunandi. Þannig virðast sumir keppenda alvega hafa náð að leiða hjá sér freistingar páskavikunnar á meðan það mætti halda að aðrir hefðu setið einir að snæðingi og klárað páskalambið með ull og öllu. Þess vegna ættu glöggir lesendur að hlusta eftir jarmi á næstu æfingu.

Eins og sumir keppenda náðu að borða tvöfalt þá eru tveir sigurvegarar í þessari viku, þ.e. þessir keppendur náðu tilsettri vigt upp á punkt og prik, sem hlýtur að teljast ótrúlegur árangur. Það eru Inga María og Stefanía deila með sér sigrinum. Til lukku með það!! Annars var þetta staðan:

1-2 Inga María 0,00%, 1-2 Stefanía 0,00%. 3 Corinna 0,21%4, Guðrún 0,41%5, Ingigerður 0,64%, 6 Gunni 0,81%, 7 Aðalsteinn 1,02% , 8 Hrafnhildur 1,54%. 9 Gunnhildur 1,60%, 10 Sibba 1,76%, 11 Kolla 3,42%, 12 Bjargey 4,23%, 13 Eggert 4,92%, 14 Pétur 1127,27%

Staða liðakeppninnar er sú að bláir sigra þessa viku með 1,96%. Svartir eru í öðru sæti með 2,39% og rauðir skíttapa eins og við er að búast með 225,70%. Rétt er að taka fram að ítrekað var gengið eftir vigt hjá Pétri án annars árangurs en fagurra, en því miður, innantómra loforða. Því var dómnefndinni ekki annað fært en standa við yfirlýsingar sínar um áætlaða þriggja stafa tölu og setti 999 kg á Pétur þessa vikuna. Þetta verður auðvitað kært og gætu þá einhver sæti færst til.

Ofangreind úrslit gefa tóninn fyrir framhaldið og ljóst að sumir keppenda þurfa verulega að halla sér að salatbarnum ef þeir ætla sér að eygja möguleika á því að vera í hópi efstu manna. Þess vegna verður spennandi að fylgjast með 2. maí þegar þetta fólk sýnir okkur bitin á skjaldarendunum sínum !!!

2009-04-12T15:02:00.002Z

Að horfast í augu við ástand sitt og getu.
Eftir að byrja árið á maraþoni og hlaupa svo í 10k á tíma hraðar en mig hefur dreymt um, var haldið ákveðið áfram með Summa og félögum. Mætti samviskusamlega á æfingar, Nú átti aldeilis að massa þetta. Hörkustemming í liðinu Elín á þvílíku stími og fullt af liði sigldi í kjölfarið mjög ákveðið. Ég reyndi að hanga en komst bara ekkert áfram. Hægðist bara og hægðist .
Þrátt fyrir að margir þættust sjá hvers vegna ég hægðist, ónískir á útskýringar og ráð gekk ekki baun. Sannaðist einu sinni enn að óumbeðnar útskýringar og ráð eru bara alls ekki vel þegin. Þegar loks einn kom með samlíkingu við heimsfæga boltamenn sem hafa haldið út hverja vertíðina á fætur annari, endað með stæl á HM og átt mjög erfitt tímabil bæði andlega og líkamlega eftir það þóknaðist mér loks að þiggja útskýringu.

1. apríl ákvað ég að horfast í augu við staðreyndir eins og þær eru burt séð frá mögulegum útskýringum. Ástandið er þannig að ég treysti mér ekki til að hlaupa 5km. á 25 mínútum. Ekki dugir að mæta á æfingar og fara eftir prógrammi sem maður ræður ekkert við.
Hvað er þá til ráða?
Taka góða hvíld – ah einhvernvegin er ég ekki til í það.
Mæta á Laugaskokksæfingar og gera það sem er í boði hjá hópnum, án sérstakra væntinga, það hefur oft reynst vel.
Ýmislegt fleira er hægt að gera og fyrir valinu varð að taka gamla góða sub prógrammið sem Þórólfur og Eva hafa gert frægt. Það hefur áður hresst uppá. Þar koma margir rólegir og stuttir dagar sem endurnæra. Og ef ég hef hraðamarkmiðið raunhæft þá getur þetta varla klikkað. Enn og aftur er komið að því að horfast í augu við raunverulegt ástand = hraðagetu. Græðgin sagði “auðvitað reynirðu sub 45” Skynsemin sagði þá sprengirðu þig á sprettunum eins og þú ert búin að gera næstum því á hverri einustu æfingu sl. vikur. Villtu það? Ok ok ok. ég fer á sub 50. Sem er rólegasta sub-prógrammið. Og það sem meira er, ég má þakka fyrir ef ég get það.
Stefnan er sett á Sumardaginn fyrsta: 5 km. og þá ætti tíminn að geta verið undir 25mín. ef vel gengur

Það er frábært að sjá hvað er góð stemming í Laugaskokkurum margir að stefna á góðan tíma í hálfu í Margir líka að fara heilt og einhverjir sitt fyrsta. Það er gaman að fylgjast með ykkur.
Allir sem ekki ætla í Vormaraþon FM en nennið að hlaupa á sumardaginn fyrsta endilega verið með. Nú þegar eru hafa 5 manns slegist í hópinn. Svo skemmtilegt.
Í dag, laugardag, gekk mjög vel. Summi kom til hjálpar með hópinn í kjölfarið og mældi fyrir mig einn km. í dalnum. Annabella og Elli tóku með mér síðasta km. og Elín datt inn í niðurskokkið. Manni legst allaf eitthvað til ef maður er í Laugaskokki ;)
Gleðilega páska og passið ykkur á eggjunum. Maður er eins og Úlfurinn með steinana í maganum í marga klukkutíma eftir nokkra mínútna gúff.

Training Program towards a sub 50 minute 10K
Day Session Your Comments Effort
04 60 to 70min easy distance
05 30min easy run
06 start with 3x2k R90-2min 9min 50 (4.55 per k) T 2x2k R90 = 10mín 12 (5.06 per k)
07 Rest
08 longest run - 'time on feet' up to 1Hr 45min Fossvogur á meðalt. 5.41. ekki þreytt ;)

09 easy day of 30min running Hálftíminn rólega drulluþreytt
10 easy day of 30min running Skíði íBláfjöllum í staðinn f. halftime hlaup
11 start with 5x1k R60 - 90 4min 45 to 4min50 L Í dalnum gekk mjög vel ;)
12 easy day of 30min running
14 easy day of 30min running 13. apríl: ? um fara spretti t.d. yassu.
15 Rest
16 5K paced run - aim sub 25min 5k
17 10k easy run
18 easy day of 30min running
19 start with 3 x 5min @ 10k pace with 1min easy F
20 easy day of 30min running
21 easy day of 30min running
22 Rest
23 Race day up to 15K Sumardagurinn fyrsti Hlaupa undir 25.
* easy recovery after race. 20 - 30min
** 2nd easy day after race. 30min
*** final easy run after race. 30min

Fyrsta vigtun - Sleppt og Haldið 09

2009-04-05T15:58:00.002Z

Þá eru það fyrstu úrslit í nýju keppninni hjá Göngudeildinni. Það hefur farið hljótt um keppendur þar sem það var í fyrsta lagi ekki ljóst fyrr en á síðustu metrunum hverjir væru að keppa og miðað við úrslitin þá virðist keppendum heldur ekki ljóst í hverju keppnin felst :-) Þess vegna er rétt að ítreka eftirfarandi fréttaskýringu:

Sleppt og Haldið 09 er keppni í að ná markmiðum sínum í líkamsþyngd. Keppendur velja sér markmið fyrir fjórar vigtanir sem eru á tveggja vikna fresti (ekki er leyfilegt að ætla sér að þyngjast). Frávikið frá settu marki, hvort heldur plús eða mínus, er hlutfallað við líkamsþyngd og þannig verður til stuðull eða einkunn sem notað er til að raða í sæti. Sætin ákvarða hvaða keppendur þurfa að greiða sekt, sem er 500 kr í hvert sinn, og eru það sæti 8-14 sem greiða.

Fyrir utan einstaklingskeppnina er sem fyrr liðakeppni nema að þessu sinni eru þrjú lið sem keppa, Bláir, Rauðir og Svartir. Liðseinkunnin er fundin með því að leggja saman frávik liðsmanna og deila í með fjölda þeirra. Liðið með lægsta meðalfrávik sigrar þá vikuna. Einfalt, ekki satt :-)

Eftir sigurgöngu Biggest Looser keppninnar þá vildu fleiri vera með í þessari keppni, ekki hvað síst þegar kom í ljós að ekki þurfti að léttast sem mest heldur ná að halda fengnum hlut. Þannig er þetta meira keppni í aðhaldi heldur en léttun. Það voru fjórtán keppendur sem skráðu sig til leiks og sem fyrr er kvenfólkið í meirihluta og bættist vel í þann hóp en karlarnir eru þeir sömu, utan þess að þeim barst drjúgur liðsauki í formi Gunna (hennar Mundu) sem er hörku keppnismaður.

Hrafnhildur stóð í ströngu við að safna saman tölum og er niðurstaða þessarar fyrstu vigtunar eftirfarandi:

1. Corinna 0,070%, 2. Stefanía 0,143%, 3. Inga María 0,176%, 4. Gunnhildur 0,315%, 5. Ingigerður 0,393%, 6. Bjargey 0,487%, 7. Eggert 0,750%. 8. Kolla 0,808%, 9. Hrafnhildur 1,013%, 10. Gunni 1,083%, 11. Aðalsteinn 1,145%, 12. Guðrún 1,342%, 13. Sibba 1,449%, 14. Pétur 1,462%

Til hamingju Corinna með sigurinn í þessari fyrstu vigtun !!!

Í liðakeppninni voru Rauðir í fyrsta sæti með .60, Bláir í öðru með .73 en Svartir ráku lestina með 1.00.

Til hamingju *** RAUÐIR ***

Göngudeildin vonar að glöggir lesendur átti sig á reglum og markmiðum keppninnar þannig að það náist að skapa þá spennu og örvæntingu sem er svo nauðsynlegt í keppnum sem þessum!!!

Gangur í Göngudeild

2009-04-05T15:49:00.003Z

Það telst varla til tíðinda að Laugaskokkarar standi sig vel í hlaupum og eru þeir oftar en ekki í verðlaunasæti. Göngudeildinni finnst full ástæða til þess að benda þeim sem hraðar fara á hlaupum að vera duglegri að segja frá þessum sigrum, stórum sem smáum. Það hefur verið Göngudeildinni mikil uppörvun að vita til þess að fólkið sem flýgur á undan henni á æfingum skuli líka fljúga á undan öðrum hraðfara hlaupurum í öðrum skokkhópum. Það er aldeilis árangur !!! Til hamingju Laugaskokkarar !!!

Hins vegar langaði Göngudeildina að fagna sérstaklega verðlaunasætum meðlima sinna en Stefanía varð í þriðja sæti í sínum aldursflokki í uppgjöri Powerade vetrarhlaupanna og Kolla gerði sér lítið fyrir og vann sinn aldursflokk í Kökuhlaupinu um síðustu helgi. Það er ekki laust við biblíulegt réttlæti þegar hinir síðustu komast þannig í raðir þeirra fyrstu :-) Það er afar skemmtileg upplifun og gaman til þess að vita að þrautseigja og ástundun skila árangri.

Auðragagnagleði / staðfesta komu með greiðslu kostnaðar

2009-03-25T17:02:00.004Z

Sæl öll, núna eru 49 manns búnir að skrá sig á gleðina á laugardaginn. Það verður semsé húsfyllir og bullandi stemming.

Við ætlum að biðja ykkur um að staðfesta komu ykkar með því að greiða kostnaðinn, kr. 2.500 pr. mann inn á reikning 515-26-5649 kt. 230165-5649 og senda kvittun í tölvupósti á behh@simnet.is (Baldur).

Greiðslan þarf að hafa borist fyrir kl. 13:00 fimmtudaginn 26. mars, en þá verður maturinn pantaður. Það er því mjög mikilvægt að búið sé að ganga frá greiðslu fyrir þennan tíma.

Maturinn kemur frá NINGS og er samansettur af:
Djúpsteiktar rækjur með súrsætri sósu
Svínakjöt með drekasósu
Steiktar eggjanúðlur með grænmeti og kjúklingi
Snöggsteikt lambakjöt með grænmeti í ostrusósu

Ef einhverjir sem ekki hafa skráð sig en langar að koma, drífið í að senda Kristni póst um að þeir ætli að koma og greiða kostnaðinn inn á reikninginn hans Baldurs.

Kveðja: Sibba, Baldur og Kristinn

p.s. skemmtiatriði óskast ......

Ný keppni hjá Göngudeild - Sleppt og Haldið '09

2009-03-18T22:46:00.003Z

Þrátt fyrir að skammt sé liðið frá lokum Biggest Looser keppninnar þá er Göngudeildin að fara af stað með nýja keppni og nú geta fleiri verið með. Ástæðan fyrir nýju keppninni er ósköp einföld. Þegar keppendur sluppu úr sveltinu varð fjandinn laus og þegar ástandið var orðið þannig að það var búið að kalla út aukavakt hjá Gunnars majonesi og Nóa Síríus til að anna eftirspurn, þá var kominn tími til að hemja átið. Keppendur voru samt sammála um að þeir vildu ekki fara í harða megrunarkeppni aftur heldur finna eitthvað fyrirkomulag þar sem keppendur gætu ýmist verið að tapa fyrirfram ákveðnum kílóum eða halda fengnum hlut. Einnig fannst okkur sem þetta fyrirkomulag gæti freistað fleiri, þannig að við myndum fá fleiri í keppnina og jafnvel náð fleiri liðum en síðast.

Það var erfitt að finna keppnisfyrirkomulag sem er spennandi fyrir alla en grunnurinn er sá að keppendur setja sér markmið og keppnin felst í því að vera sem næst markmiðinu og frávik mæld sem hlutfall af þyngd. Sá keppandi sem er með lægsta frávikshlutfallið sigrar.

Keppnin nær yfir átta vikur, þar sem vigtað er formlega á tveggja vikna fresti. Þannig verða til fjögur úrslit sem gera okkur kleift að raða í sæti og safna sektarfé sem er notað í verðlaun. Sektarreglan er sú að þeir keppendur sem lenda í neðri helmingi úrslitatöflunnar í hverri vigtun þurfa að greiða 500 ISK. Þetta gæti gerst fjórum sinnum meðan á keppninni stendur.

Keppendur þurfa að ákveða hvert er átta vikna markmiðið. Þetta markmið er ýmist að léttast um tiltekinn fjölda kg. eða halda sér í tiltekinni þyngd. Okkur finnst ómóralskt að leyfa að keppendur ætli sér að þyngjast !!!

Þeir Laugaskokkarar sem vilja taka þátt í keppnni þurfa að senda tölvupóst á ritara keppninnar, hennar Hrafnhildar á hrafnhildurt@lv.is, helst um helgina, eða þann 21. mars nk. þar sem þið gefið upp BMI (body mass index) stuðulinn ykkar (notaður til að raða í lið) og síðan vigtarmarkmið fyrir vigtanir sem verða þann. 4. apríl, 18. apríl, 2. maí og síðan verða úrslit þann 16. maí svo keppendur geta sleppt sér daginn eftir á þjóðhátíðardegi Norðmanna !!!

Við höldum að þetta geti verið skemmtilegur leikur til að halda aftur af okkur við eldavélina og ísskápinn. Vonandi vilja sem flestir vera með :-)

Auðragatnagleði Laugaskokkarans

2009-03-16T14:01:00.017Z

28. mars 2009, kl. 20:00 í Gömlu borgum

Sjá auglýsingu á vefslóðinni: http://sibba.is/laugaskokk/28mars2009.pdf

Eftir Flóahlaup, hlaðborð, akstur til höfuðborgarinnar, sturtu með tilheyrandi snyrtingu og almennri yfirhalningu er komið að langþráðri stund í lífi allra Laugaskokkara, þe. Auðragatnagleðinnar, en það þýðir að allir Laugaskokkarar (líka þeir sem ekki komast í Flóahlaupið) hittast og gleðjast yfir að núna eru göturnar orðnar auðar og því von á enn meiri skemmtun í hlaupum næstu mánuða. Við ætlum að hittast kl. 20:00 í Gömlu borgum í Kópavogi (fyrir neðan Kópavogskirkjuna). Sjá nákvæmt kort í auglýsingunni.

Áætlaður kostnaður fyrir húsnæði og mat er kr. 2.500 (verður staðfest eftir að skráningu lýkur). Drykki verða Laugaskokkarar að mæta sjálfir með en áætlað er að vera í Gömlu borgum til ca. miðnættis en þá verður gengið yfir á barinn Catalínu í Hamraborginni en þar er hægt að dansa við lifandi tónlist fram á morgun.

Skráning er til 22. mars hjá Kristni á netfanginu krishrei@simnet.is. Taktu fram fjölda, þe. getur tekið gesti með þér.

Auðnagatnaskipulagsgleðihópur Laugaskokks
Baldur, Kristinn og Sibba

p.s. Skemmtiatriði og hljóðfæraleikarar óskast, einnig einhver til að stýra söng og búa til litla söngbók .... sendið póst á Kristinn eða meldið ykkur hér inn með athugasemdum.

p.s. Þið megið endilega tjá ykkur hér í athugasemdunum um hvernig þetta leggst í ykkur .... koma með ráðleggingar og hugmyndir, þetta nefnilega er okkar kvöld og við ætlum öll að skemmta okkur vel í frábærum félagsskap hvers annars. Ef við leggjumst öll á eitt við undirbúning þá munum við örugglega eignast skemmtilegt minningarbrot til að gleðjast yfir.

Flóahlaupið - 28. mars 2009. Allir Laugaskokkarar að mæta !!!!

2009-03-16T13:54:00.003Z

Flóahlaup, 28. mars 2009

Laugaskokkarar ætla að flykkja liði á Flóahlaup UMF Samhygðar, 28. mars kl. 14 frá Félagslundi, Gaulverjarbæjarhreppi og stefna að besta tímanum sínum til þessa í 10 km. hlaupi.

Nú er um að gera að fara að hópa sig saman í bíla til að komast á staðinn. Skráning fer fram á staðnum og er skráningargjaldið kr. 1.500 með inniföldu flottu hlaðborði þeirra Flóamanna.

Hægt er að skrifa athugasemdir hér inn. Melda sig í hlaupið / auglýsa laus pláss í bílnum / auglýsa eftir sæti í bíl... tilvalið að deila eldneytiskostnaðinum niður.

Poweraid er æði.

2009-03-12T23:31:00.003Z

Í kvöld var síðastapoweraidið í þessari Vetrar-hlaupa-séríu. Fjöldi Laugaskokkara var á staðnum. Ég veit ekki um gengi allra en gaman væri ef þeir segðu það í nokkrum orðum í athugasemdum. Ég veit að ég hljóp á 51 eitthvað, hélt 2. sætinu í aldurflokknum, bara verð að fara partíið annað kvöld að taka á móti verðlaununum;) Það eru margir aðrir í sömu stöðu: Þórólfur, Eva, Trausti, Gunnar Geirs, Ingólfur Sveinsson. og örugglega margir fleiri. Endilega setjið það í aths.
Sigurvegararnir voru Göngudeildin, þrír af þeim að bæta sig. um nokkrar mínútur hver, geri aðrir betur. Rögnvaldur var líka mjög ánægður hlóp 2 mínútum hraðar en hann hafði ætlað sér.
Aðstæður voru allar hinar bestu, smá vindur að NA = á móti í byrjun og í lokin. og smá hlákublettir, Allavega 15 sekúdur ;)

Vika 8 – Úrslitastundin

2009-03-04T22:19:00.003Z

Það voru einbeittir keppendur sem mættu snemma á æfingu í dag því nú var að duga eða drepast. Það voru allir inni nema Pétur og Hrafnhildur sem héldu út í frostið til að léttast. Fyrr um daginn höfðu keppendur farið að huga að tæknilegri útfærslu á því að sleppa við vigtun en hönnuður keppninnar var fljótur að senda póst á keppendur og benda á að ekki dygði að nota tölur síðustu viku því nú væri upphafsþyngdin notuð til grundvallar svo það væri affarasælast að mæta í vigtun. Svitinn bogaði af þeim sem voru í salnum og sást til Eggerts og Aðalsteins þar sem þeir læddust í gufu til að reyna að kreista fram síðustu svitadropana á meðan Gunnhildur, Kolla og Stefanía hömuðust á brettunum eins og þær væru göngunum í Kringlunni rétt fyrir útsölulok.

Ólíkt fyrri vikum þá var blásið til verðlaunahátíðar í Laugacafé og var mættur fjöldi Laugaskokkara til að fylgjast með verðlaunaafhendingunni. Spennan lá í loftinu en samt var fljótur að berast orðrómurinn úr kvennaklefanum að Stefanía hefði verið búin að léttast svo mikið að venjulega vigtin hefði ekki dugað heldur hefði þurft að sækja bréfavigt til að geta náð tölu hjá henni. Eggert var sestur með tölvuna og tók við tölum um leið og þær bárust og fyllti út eyðublað fyrir úrslitin. Hann tók reyndar til máls í byrjun og bauð gesti velkomna og sagði keppendur klökka yfir mætingu Laugaskokkara. Það væri gaman að tilheyra svona góðum hóp, en útskýrði jafnframt að Göngudeildin hefði séð það fljótt að ekki dygði að keppa í hlaupum heldur hefði hún mesta möguleika í léttunarkeppni sem þessari. Nú væri komið að lokum og vildu keppendur minnast þess með veglegum hætti með verðlaunaafhendingu og kökum. Ekki nóg með það heldur rifjaði hann upp að meiningin hefði verið að fá forsetann og frú til að afhenda verðlaun og kynnti á sviðið Ólaf og Dorrit okkar Laugaskokkara, nefnilega Ívar og Jóhönnu.

Ívar tilkynnti fyrst um úrslitin í liðakeppninni, en þar sigruðu Bláberjabökurnar með minnsta mun 28,3% gegn 27,75% eða 0,57%. Tæpara gat það varla orðið. Jóhanna afhenti sigurliðinu gullpening og Kirsuberin fengu silfur. Þá var komið að einstaklingskeppninni og var tilkynnt um sætin í öfugri röð, þ.e. byrjað á áttunda sætinu en þar var Pétur með 3.06%, sjö var Kolla með 3.66%, sex var Gunnhildur með 4.39%, fimm var Hrafnhildur með 5.54%, fjögur var Aðalsteinn með 7,82%, þrjú var Eggert með 9.84%, tvö var Bjargey með 9.86%, þannig að sigurvegari Biggest Looser 2009 var Stefanía með 11.87%, sem er hreint ótrúlegur árangur því hún fékk einnig aukaverðlaun fyrir að vinna flestar vikur og hún léttist líka mest eða 9,35kg sem var meira í kg. en hjá þyngri keppanda eins og Eggert sem nartaði í hælana á henni með 9.30 kg svo keppnin var æsispennandi á allan hátt eins og sést á tölunum.

Síðasta tölfræðin vakti nokkra kátinu viðstaddra en það var sú staðreynd að keppendur misstu 45.2 kg. sem telst vera 0,95 þjálfari þegar notaður er Borghildarkvarðinn !!!

Göngudeildin vill nota tækifærið og óska Stefaníu til hamingju með verðskuldaðan sigur og ekki hvað síst þakka öllum sem komu og fögnuðu úrslitunum með okkur í dag. Það er okkur mikils virði að eiga svona góða félaga. Einnig viljum við þakka keppendum fyrir hreint ótrúlega keppnishörku og úthald. Eins og sést á tölunum hafa keppendur heldur betur lagt inn fyrir hlaupin í sumar og verður spennandi að sjá hvort að bilið milli Göngudeildar og annarra Laugaskokkara styttist eitthvað :-)

Vika 7 – Endaspretturinn hafinn !!!!

2009-02-25T22:41:00.002Z

Það var ekki sönglað Saltkjöt og baunir - Túkall, heldur Túkíló þegar keppendur mættu á æfingu í dag til vigtunar. Merkisdagar eins og Bolludagur og Sprengidagur hafa greinilega náð að heilla því tölurnar báru þess greinilega merki auk þess sem það er greinileg þreyta farin að gera vart við sig hjá sumum keppendum. Það þýðir auðvitað bara tækifæri fyrir þá sem hafa ekki hafa náð að sýna sitt besta fram að þessu. Bæði Eggert og Pétur voru erlendis í síðustu viku og reyndu erlendar megrunaraðferðir með hæpnum árangri eins og sást á tölunum þeirra. Pétur prófaði agúrkukúrinn sem er að skera agúrku í bita og setja í fullt vodkaglas. Pétur sleppti reyndar gúrkunni en kvartaði ekki undan áhrifunum. Eggert nærðist á Haggish, viskýi, kartöflumús og rófustöppu og því fór sem fór. Annars voru úrslitin þessi.

Hrafnhildur 2,16%
Kolla 1,20%
Gunnhildur 0,12%
Bjargey 0,00%
Pétur 0,00%
Eggert -0,29%
Aðalsteinn -0,89%
Stefanía -1,12%

Óvæntur sigurvegari vikunnar er Hrafnhildur og óskum við henni hjartanlega til hamingju. Hennar tími er greinilega kominn og fróðlegt að fylgjast með endasprettinum hjá henni. Annars má að mörgu leyti líta svo á að höfð hafi verið endaskipti á listanum því þau heiðurshjón og hörku keppnisfólk, Stefanía og Aðalsteinn, stungu sér á bólakaf, en illa þenkjandi keppinautar þeirra velta nú fyrir sér hvort þetta sé eitthvert megaplott af þeirra hálfu.

Í heildarkeppninni var Stefaníu loksins velt af stalli og staðan þessi: Bjargey 8,47%, Stefanía 8,32%, Eggert 7,20%, Aðalsteinn 5,81%, Hrafnhildur 4,76%, Kolla 3,66%, Gunnhildur 3,55%, Pétur 2,47%.. Það má greina þarna tvo hópa en munurinn ekki meiri en svo að vikusvelti getur ýmsu breytt.

Í liðakeppninni höfðu Bláberin betur þessa vikuna eða 1,88% gegn -,69% og Bláberin leiða líka heildarkeppnina gegn Kirsuberjunum með 22,90% gegn 21,33% svo minna getur það varla verið.

Spennan er orðin gríðarleg. Eins og sést á tölunum getur allt gerst og ekki spillir að búið er að skipuleggja verðlaunahátíð á síðasta vigtunardeginum á miðvikudag í næstu viku. Áætlað er að gleðin hefjist 19:10 í LaugaCafé og verður þessi fína marengskaka í boði fyrir gesti auk þess sem glæsileg verðlaun verða veitt keppendum og skálað í eðalveigum. Keppendur skora hér með á Laugaskokkara að fjölmenna og fagna með þeim úrslitum í þessari ótrúlega erfiðu en spennandi keppni. Sjáumst !!!!!

Vika sex, og ekkert kex!

2009-02-18T22:26:00.002Z

Það er ekki laust við að keppendurnir í Biggest Looser séu orðnir þreyttir á aðhaldinu enda allt fólk sem kann vel að meta góðan mat og mikið af honum. Þess vegna er það oft sem dagsetningin 4. Mars heyrist í samræðum hjá göngudeildinni en það er dagurinn sem síðasta vigtunin fer fram og keppnin endar. Til þess að halda uppá það munum við í göngudeildinni hafa smá verðlauna afhendingu á eftir æfingu miðvikudaginn 4. Mars í Laugum og vonum við að sem flestir Laugaskokkarar mæti. Forseti Íslands Ólafur Ragnar Grímsson mun að öllum líkindum afhenda verðlaunin það er að segja ef hann verður á landinu. Ef hann hefur ekki tök á að mæta munum við fá einhvern í hans stað.

Eins og sagt hefur verið frá áður þá er eina reglan í þessari keppni sú að það eru engar reglur, allt er leyfilegt til þess að vera léttur á vigtinni á miðvikudögum. En þegar keppendur hafa ekki getað mætt á vigtina vegna veikinda eða vegna fjarveru erlendis, hefur tala síðustu viku verið látin standa. Þessa vikuna eru Eggert og Pétur báðir staddir erlendis (?) og voru því tölurnar þeirra þær sömu og í síðustu viku. Keppnin hefur verið mjög hörð hingað til en nú þegar endalokin eru í sjónmáli hefur enn aukið á keppnishörkuna. Örþrifaráð eins og detox í útlöndum eru orðin vikulegur þáttur hjá mörgum og heyrst hefur að Sif Arnars hafi fengið nokkrar beiðnir um aðstoð við aflimun enda er hún starfsmaður hjá stoðtækjaframleiðndanum Össuri. Göngudeildin er að skoða gagnkvæmt samstarf við fyrirtækið og hafa nokkrir göngudeildar meðlimir látið sig dreyma um að komast á Ólympíuleikana með aðstoð Össurar.

En þá að úrslitunum þessa vikuna. Aðalsteinn er afgerandi sigurvegari vikunnar með 2,29% og kemur Stefanía kona hans næst með 1,24%. Þau hjónin hafa greinilega stuðning hvort af öðru þessa vikuna og eru samstíga í sínu hjónabandi. Í þriðja sætinu er Bjargey með 0, 87% og Gunnhildur í því fjórða með 0,12%. Pétur og Eggert eru saman í fimmta og sjötta sæti með 0,0% hvor og lestina reka Hrafnhildur í sjöunda með -0,12% og Kolla í áttunda sæti með –0,48%. Eftir vigtun heyrðist Kolla muldra eitthvað um að hún hefði átt að sleppa kökunum um síðustu helgi, kökukúrinn sem Bláberjabökurnar sendu henni með óskum um gott gengi í keppninni hefur greinilega ekki virkað eins og þau lofuðu.

Þrátt fyrir það eru Kirsuberin sigurlið vikunnar og óskum við þeim til hamingju með frábæran árangur. Í heildarkeppninni hafa Kirsuberin nú skriðið framúr Bláberjabökunum þótt mjótt sé á muninum milli liðanna eða aðeins 0,83% en einstaklings staðan er núna þessi:

Stefanía 9,33%
Bjargey 8,47%
Eggert 7,46%
Aðalsteinn 6,64%
Gunnhildur 3,43%
Hrafnhildur 2,65%
Kolla 2,49%
Pétur 2,47%

Fram að þessu hafa samtals 34,55 kíló horfið af göngudeildinni og enn eru tvær vikur eftir af keppninni. Ná keppendur að losa sig við meira en 40 kíló samtals? Hver verður sigurvegarinn og hvaða lið vinnur? Fylgist með framhaldinu á miðvikudaginn í næstu viku.

Vika Fimm - Simsalabimm

2009-02-11T22:23:00.005Z

Hungrið er farið að sverfa svo að keppendum í biggest looser að titillinn á bloggi vikunnar er hættur að skiljast. Það voru samt einbeittar Bláberjabökur sem mættu í Laugar í dag því niðurstaða síðustu viku sat í þeim. Svo voru líka kát Kirsuber mætt, sem voru enn í sigurvímu. Eftir að hafa lent í bakaríinu í síðustu viku höfðu bökurnar hver um sig ákveðið að svona gengi þetta ekki lengur og höfðu í huga meginreglu keppninnar. „Það eru engar reglur“ um það til hvaða ráða má grípa til að létta sig !!! Bjargey tók nýja trú sem gengur út á að afneita fæðu þegar hún býðst og Eggert tók fyrstu vél til Akureyrar og lét innrita sig á helgardetox námskeið á Mývatni. Pétur og Hrafnhildur fóru hálfa leið, þ.e. Pétur át bara helminginn af namminu í skálinni hjá Lísu og Hrafnhildur borðaði bara hálfa skammta. Kirsuberin þurftu ekki á neinu slíku að halda og héldu uppteknum hætti nema Gunnhildur sem stóð sig svo vel í síðustu viku að hún varð lasin og mætti ekki í dag. Þess vegna þurfti að búa til nýja reglu sem segir að ef keppandi nær ekki mæta í vigtun eða láta vita nýja tölu þá gildir tala síðustu viku. Meira seinna því við skulum snúa okkur að úrslitum vikunnar.

1. Eggert 2,35%, 2. Bjargey 1,94%, 3. Stefanía 1,09%, 4. Kolla 1,03%, 5. Hrafnhildur 0,92%, 6. Pétur 0,36%, 7. Gunnhildur 0,00%, 8. Aðalsteinn -0,19%.

Semsagt, Eggert er sigurvegari vikunnar og óskum við honum til hamingju. Það er rétt að óska honum líka til hamingju með annan titil, sem reyndar var ekki hugsað fyrir í upphafi en Eggert er rétt nefndur Jójó keppninnar því hann sveiflast vikulega úr neðstu sætum keppninnar í það efsta. Greinilegt að líkamsbygging hans er þrepaskipt. Það vekur líka athygli að Bjargey kemur grimm til baka og hafa Laugaskokkarar á orði að hún sé farin að líta út eins og strá, og velta fyrir sér hvar hún ætli að finna eitthvað af kílóum til að missa á næstu vikum. Svo verður að hrósa Stefáníu fyrir hversu jöfn og stöðug hún er í léttuninni en auðvitað vekur athygli að Aðalsteinn hefur eitthvað sloppið að heiman því hann færðist í ranga átt.

Svo hugað sé að liðakeppninni þá náðu Bláberjabökurnar að safna vopnum sínum og sigra Kirsuberin í vikukeppninni með 5.57 gegn 1.94. Í heildarkeppninni er staða efstu þriggja keppenda sú sama, þ.e. Stefanía, Bjargey og Eggert, en Aðalsteinn, Gunnhildur, Kolla, Hrafnhildur og Pétur fylgja í kjölfarið.

Þar sem þetta er fimmta vikan eru keppendur farnir að sjá endamarkið í hillingum. Þess vegna var ákveðið á fundi keppnisstjórnar að eftir síðustu vigtun í viku 8 verða úrslitin tilkynnt samdægurs eftir æfinguna og besta bollan krýnd. Þetta verður ígildi beinnar útsendingar og Laugaskokkarar beðnir að fylgjast með tilkynningum um stað og stund. Það verða örugglega allir Laugaskokkarar, auk keppenda, fegnir að fá þessu oki aflétt og getað byrjað aftur að lesa blogg frá Jóhönnu :-)

Þá er það vika 4

2009-02-04T22:30:00.006Z

Tíminn flýgur. Það lá spenna í loftinu þegar keppendur mættu í Laugar í dag. Frosthörkur neyddu flesta til þess að æfa inni og var hangið í tækjunum og svitnað í þeirri veiku von að tapa einhverjum grömmum fyrir vigtun. Var augljóst á látbragði sumra að umskipti síðustu viku höfðu ekki dugað og fyrirsjáanlegt að breytingar yrðu á ný. Var ekki laust við að örvænting væri farin að grípa suma og þess vegna var svo uppörvandi að heyra söguna hennar Evu okkar í Laugaskokki, en þótt ótrúlegt sé, þá var hún einu sinni með BMI vísitölu sem hefði dugað til þess að opna offitudyrnar. Ótrúlegt, ekki satt? Fyrir þá sem vilja vita meira um þetta er bent á umfjöllun í Fréttablaðinu sem hægt er að skoða með því að fylgja eftirfarandi hlekk http://vefblod.visir.is/index.php?s=2715&p=68349 =2715&p=68349.

Síðan hefur Ívar verið að benda sumum keppendum á svitahlaupaaðferð á bandinu með því að hlaupa brekkuhlaup dauðans. Ein bláberjabakan reyndi þetta en þeyttist af bandinu svo það er ekki alveg ljóst hvort keppendur treysta sér til þess að nýta þetta heillaráð. En til þess að lífga upp á umfjöllun um keppnina er Kolla farin að koma með myndavélina á æfingar og taka myndir að keppendum og birta á fésbókarsíðunni sinni. Þrátt fyrir hungurverkina er ekki annað að sjá en að keppendum takist að töfra fram gleðisvip og bros á myndunum sem segir að félagsskapurinn er frábær. En hér koma úrslitin:

Stefanía 1,22%
Aðalsteinn 1,17%
Gunnhildur 0,80%
Pétur 0,48%
Kolla 0,32%
Bjargey 0,15%
Eggert -0,11%
Hrafnhildur -0,25%

Úrslitin eru að mörgu leyti óvænt. Keppnisharka Stefaníu er aðdáunarverð og Aðalsteinn heldur sig skrefinu fyrir aftan. Til hamingju Stefanía. Fyrir þá keppendur sem vilja skilja leyndarmálið á bak við velgengni þeirra hjóna þá væri athyglisvert að vera fluga á vegg heima hjá þeim. Eggert, sem var stjarna síðustu viku er stjörnuhrap þessarar, en hástökkvaranafnbótin færist til Gunnhildar enda hennar tími kominn. Kirsuberin raða sér samviskusamlega í efstu sætin enda tóku þau Bláberjabökurnar í bakaríið í þetta sinn. Pétur heldur uppi heiðri Bláberjabakanna en þær verða greinilega að herða sig ef þær ætla að eiga roð við Kirsuberjunum. Heildarkeppnin stendur þannig: Stefanía, Bjargey, Eggert, Aðalsteinn, Gunnhildur, Pétur, Kolla, Hrafnhildur.

Nú er keppnin rúmlega hálfnum og ljóst að það eru nokkrir keppendur orðnir nokkrum fimmhundruð krónunum fátækari. En skyldi örvænting grípa um sig á botninum? Hvað taka keppendur til bragðs? Lesendur eru hvattir til þess að líta á bloggið í næstu viku til að sjá hvernig málum vindur fram.

Þríþraut hjá Þrír

2009-02-01T18:54:00.001Z

Inni þríþraut verður haldin á vegum Þrír í Laugum fimmtudaginn 19. febrúar klukkan 20.00. Keppt verður í 400m sundi, 10km hjólreiðum og 2,5km hlaupi. Sundið fer fram í innilauginni í 25m langri laug. Hjólreiðarnar fara fram á efri hæðinni í Laugum á spinning hjólunum og síðan verður hlaupið á brettum á neðri hæðinni. Hægt verður að skrá sig í afgreiðslu Lauga fyrir keppni.Nánari upplýsingar um þrautina verður að finna á vefsíðu Þrír http://www.triceland.net/ þegar nær dregur keppninni.

Heyrst hefur að þónokkrir Laugaskokkarar ætli að taka þátt í þríþrautinni að þessu sinni enda hafa margir verið að æfa sund með Þrír í vetur. Laugaskokkarar hafa átt marga fulltrúa í þessari árlegu keppni og hafa þeir jafnvel komist í verðlaunasæti. Göngudeildin mun eiga þarna nokkra kvenkyns fulltrúa í ár. Þeir hafa reyndar áhyggjur af minnkandi getu til að halda sér á floti í vatni vegna ört lækkandi BMI stuðuls en við vonum samt að þeir hafi gaman af og verði reynslunni ríkari af því að taka þátt í svona keppni.

Vika 3 í Biggest Looser

2009-01-28T23:28:00.005Z

Það er greinilegt að Göngudeildin hefur hertekið bloggið, en það er margir sem bíða spenntir eftir úrslitum vikunnar. Í dag voru það grá og guggin Kirsuber og Bláberjabökur sem mættu í Laugaskokk til að skokka af stað í hríðarmuggunni í þeirri veiku von að tapa síðustu grömmunum fyrir vigtun vikunnar. Nú eru komnar fjórar vikur frá því fyrsta vigtun fór fram og því keppnin hálfnuð. Eins og allir maraþonhlauparar vita, þá segir ekkert að vera komin í hálft, hlaupið hefst ekki fyrir alvöru fyrr en eftir 30K. Þess vegna má segja að margt úr hlaupaherfræðinni eigi við í þessari megrunarkeppni. Það er ekki spretturinn sem gildir, heldur að komast í mark. Þetta verður keppendum hugleikið næstu fjórar vikurnar.

Keppnin hefur greinilega vakið athygli því meðfylgjandi mynd birtist af nokkrum keppendum í Morgunblaðinu síðasta sunnudag. Reyndar voru Hrafnhildur og Kolla ekki ánægðar því þær voru á fljúgandi ferð á undan hinum og fannst að þær hefðu frekar átt heima í myndinni.

En nóg um það. Við skulum huga að úrslitunum.

1. Eggert 3,71%
2. Pétur.. 1,07%
3. Gunnhildur 0,80%
4. Hrafnhildur 0,61%
5. Stefanía ... 0,40%
6. Aðalsteinn 0,37%
7. Bjargey ... 0,15%
8. Kolla ....-0,80%

Úrslit þessarar vikur voru heldur betur óvænt og má með sanni segja að keppendur hafi haft endaskipti á sætum sínum. Afgerandi sigurvegari að þessu sinni er Eggert og óskum við honum til hamingju. Hann var heldur betur hástökkvari vikunnunar þótt þeir sem þekkja hann eigi erfitt með að skilja hvernig sú myndlíking getur passað. En tölurnar tala sínu máli og hafði Eggert á orði að nú hefði honum loksins tekist að losa sig við svínalærið sem hann keypti handa fjölskyldunni í jólamatinn. Þá er árangur Péturs einnig frábær og stekkur hann reyndar upp um fleiri sæti á listanum og hafði að eigin sögn ekki gert annað en að loka konfektkassanum. Hvað aðra keppendur varðar þá er keppnisálagið greinilega farið að segja til sín því Kolla hreyfist í ranga átt en það má búast við slíkum hreyfingum þegar líður keppnina. Í liðakeppninni mössuðu Bláberjabökurnar Kirsuberin með miklum mun eða 5,55 gegn 0,77.

Í heildarkeppninni eru þær stöllur Stefanía og Bjargey með ógnarhald á toppsætunum en Eggert blandar sér óvart í baráttuna með því að ýta Aðalsteini úr þriðja sætinu. Önnur sæti eru á fleygiferð. Aðal tíðindin eru að Bláberjabökurnar eru komnar með forystu í liðakeppninni í fyrsta sinn. Annars er röðin í heildarkeppninni þannig: Stefanía 6,03%, Bjargey 5,70%, Eggert 5,34%, Aðalsteinn 3,50%, Gunnhildur 2,53%, Hrafnhildur 2,11%, Pétur 1,65%, Kolla 1,63%.

Göngudeildin hvetur lesendur til þess að líta aftur á bloggið í næstu viku og sjá hvort nýja staðan heldur og það sem skipir öllu máli: Hverjir verma botnsætin og borga?

Vika 2 í keppni Göngudeildar

2009-01-21T23:03:00.007Z

Það voru trekktar taugar Kirsuberja og Bláberjabakna sem mættu í Laugaskokk í dag til þess að fá fram úrslit í annarri viku „Biggest Looser“ keppni Göngudeildar. Það var reynt að hanga sem lengst á skokkinu í dag til þess að losa sem mest af vatni en allt kom fyrir ekki. Það hafði mikið gengið á í vikunni. Dramatískar lýsingar af heimiliserjum vegna matargerðar og félagslegri einangrun á vinnustöðum voru áberandi og skyggðu á annað sem gekk á í þjóðfélaginu. Hápunkturinn var þó frásögnin af Bláberjabökunni sem grét við eldhúsvaskinn þegar hún hellti niður kókflöskunni og setti restina af jólakonfektinu í ruslafötuna. Jafnvel hinir hörðustu Laugaskokkarar komust við þegar þeir heyrðu af þessu.

Á samráðsfundi Göngudeildar sl. laugardag var ákveðið að refsigjald þeirra sem væru í 5-8 í hverri viku væri ISK 500 sem yrði safnað og ráðstafað í lok keppni til þeirra sem eftir yrðu. Einnig var ákveðið að tapliðið í rauða vs. bláa slagnum myndi kaupa máltíð handa vinningsliðinu. Reyndar urðu nokkrar umræður um hvort þetta væri viðeigandi því þetta samsvaraði því að fagna 8 vikna edrúmennsku með því að detta í það, en niðurstaðan var sú að ef þetta væri hollustumáltíð myndi það sleppa!!!

Glöggir lesendur taka eftir því að nú er Pétur F kominn inn í töflur og útreikninga. Einnig er birt núna staðan í heildarkeppninni því þótt það séu úrslit í hverri viku þá verður bara einn„Biggest Looser“ í restina. Til þess að teygja ekki lopann lengur þá koma hér úrslit annarrar viku.

Úrslit viku 2
1. Bjargey.............. 2,34%
2. Stefanía ............ 1,98%
3. Hrafnhildur ......... 1,03%
4. Aðalsteinn .......... 0,98%
5. Eggert ............... 0,91%
6. Kolla ................. 0,79%
7. Pétur ................ 0,59%
8. Gunnhildur .. ...... 0,49%

Sigurvegari að þessu sinni er Bjargey og óskum við henni til hamingju. Bjargey hefur verið einbeitt og viljaföst og veitir ekki af þar sem hún á við ramman reip að draga því Stefanía lætur ekki deigan síga. Eru þær stöllur í nokkrum sérflokki þessar fyrstu tvær keppnisvikur. Rétt er að vekja líka athygli á hástökkvara vikunnar henni Hrafnhildi sem stekkur úr sjöunda sætinu í það þriðja. Það getur því allt gerst.

Í liðakeppninni urðu straumhvörf þessa vikuna því Bláberjabökurnar sigruðu Kirsuberin, reyndar með minnsta mun, 4.87 gegn 4.24. Engu að síður athyglisvert því Kirsuberin möluðu andstæðinga sína í fyrstu vikunni.

Í heildarkeppninni er staðan þannig: 1, Stefanía-5,65%.., 2. Bjargey-5,55%.., 3. Aðalsteinn-3,14%.., 4. Kolla-2,41%.., 5. Gunnhildur-1,75%.., 6. Eggert-1,69%.., 7. Hrafnhildur-1,51%.., 8. Pétur-0,59%.

Göngudeildin hvetur lesendur til þess að líta á bloggið í næstu viku og sjá hvort Bjargey og Stefanía ná að halda uppteknum hætti. Hverjir verma botnsætin og borga? Spennan er gífurleg!!!

Göngudeildin tapar sér !!!

2009-01-15T20:31:00.006Z

Göngudeildin líkt og aðrir landsmenn telur það sjálfsagðan hlut að setja sér markmið á nýju ári. Það var samt ekki alveg ljóst hvaða sameiginlega markmið það gæti hentð. Eftir miklar vangaveltur varð niðurstaðan sú að grípa til aðhaldssemi svo hægt væri að hemja aðdráttarafl jarðar, en það eru einmitt þeir kraftar sem toga félagsmenn Göngudeildar til sín af þvílíkri hörku, að það hægir verulega á þeim á hlaupum.

Til þess að ná upp spennu var ákveðið að koma þessum markmiðum á keppnisform og skyldi styðjast við „Biggest Looser“ fyrirkomulagið sem allir þekkja frá sívinsælum sjónvarpsþáttum. Þetta var ekki auðvelt því eins og allir vita þá er drjúgur hluti göngudeildar ekki nógu miklar bollur til þess að það skipti ekki máli hvernig þyngdartap er mælt. Engu að síður var ákveðið að fara í liðakeppni auk einstaklingskeppni.

Einstaklingskeppnin
Upphaflega var hugmyndin að hver og einn myndi setja sér markmið og síðan mæld prósentuleg breyting í átt að þessu markmiði. Gallinn við þetta var að það náði ekki að gera keppnina þannig að allir væru að keppa á sama grundvelli. Þess vegna er fylgt erlenda fordæminu og mælt hlutfallslegt þyngdartap, þ.e. hvað ný þyngd er í hlutfalli við síðustu mælingu og svo í síðustu vikunni hvað lokaþyngd er í hlutfalli við upphafsþyngd. Í einstaklingskeppninni er þetta erfitt fyrir þá sem eru nálægt kjörþyngd (sem er ekki allra vandamál). Í hverri viku er einstaklingskeppnin þannig að þrír neðstu (af átta) eru „taparar“ vikunnar og greiða refsigjald. Sigurvegari hverrar viku er auðvitað bara einn og hann fær verðlaun. Svo er auðvitað einn sigurvegari í lokin.

Liðakeppnin
Hér var öllu erfiðara að finna sanngjarna lausn en niðurstaðan var sú að raða meðlimum eftir BMI vísitölu hvers og eins. Síðan voru mynduð tvö lið, rautt og blátt, þar sem númer eitt, fjögur, fimm og sjö eru í „Rauða“ liðinu og númer tvö, þrjú og sex í „Bláa“ liðinu. Númer sjö, sem væri næst kjörþyngd, myndi því ekki telja nema viðkomandi stæði sig betur en einhver liðsfélaga sinna. Þetta er auðvitað óhemju flókið en engu að síður talið sanngjörn lausn.

Liðsmenn Rauða liðsins (Red Cherries - Kirsuberin) eru :
Aðalsteinn, Gunnhildur, Stefanía og Kolla

Liðsmenn Bláa liðsins (Blueberry Pies – Bláberjabökurnar) eru:
Bjargey, Eggert og Hrafnhildur (gæti verið að Pétur gangi í liðið)

Keppnistímabil
Hófst með upphafsmælingu í síðustu viku en fyrsta keppnismæling var í gær. Þetta verður 8 vikna leikur þar sem birt verða 7 vikuúrslit og síðan heildarúrslit. Þess vegna hvetjum við Laugaskokkara til þess að fylgjast með í hverri viku þegar úrslitin verða birt.

Úrslit fyrstu keppnisviku
Niðurstaðan í einstaklingskeppninni í viku 1 er sem hér segir:

Í liðakeppninni höfðu Kirsuberin betur svo um munaði eða 7,56% gegn 4,56% svo það munaði þremur prósentum. Það er því "þungt" hljóð í Bláberjabökunum þessa viku.

Í einstaklingskeppninn voru óvænt úrslit og greinilegt að þeir liðsmenn Göngudeildar sem mestan eiga forðann hafa náð að halda fengnum hlut og hafa því ekki áttað sig á því að keppnin snýst um annað. Þess vegna má búast við miklum framförum þegar líður á keppnina. Annars var röð keppenda sem hér segir:

1. Stefanía 3,75%
2. Bjargey 3,29%
3. Aðalsteinn 2,18%
4. Kolla 1,63%
5. Gunnhildur 1,26%
6. Eggert 0,79%
7. Hrafnhildur 0,48%

Til hamingju Stefanía. Þú ert hörku keppniskona.

Pétur náði ekki fyrstu vikunni en vonandi skilar hann sér í töfluna í næstu viku.

Rétt er í lokin að minna á einkunnarorð keppninnar, en þau eru:

„Megi besta bollan sigra“

Góð byrjun hjá Laugaskokki.

2009-01-14T21:08:00.003Z

Jæja það er víst komin tími á að þjálfarinn tjái sig eitthvað hér enda hefur hann verið frekar latur undanfarið við skrif hér.

Nýtt hlaupaár hjá Laugaskokk byrjar vel. Nú þegar eru 4 Laugaskokkar (Ívar, Jóhanna, Siggi og Inga) búnir að hlaupa heilt maraþon á þessu ári og Inga tók það með trompi og bætti sig um hálftíma, til hamingju Inga. Einnig höfum við verið dugleg að fjölmenna í Poweradehlaupið telst mér til að það hafi verið amk 22 Laugaskokkarar í janúarhlaupinu. Á mánudaginn fengum við endurskinns vesti frá VÍS og erum við óskaplega þakklát fyrir þau. Það er ekki leiðinlegt að sjá þennan föngulega hóp og allir í áberandi vestum, fyrir utan það hvað við sýnum gott fordæmi með því að vera vel upplýst.
Það er greinilegt að fólk ætlar sér stóra hluti í hlaupunum í ár því mæting hefur verið með eindæmum góð og fer varla undir 40 manns á æfingum. Einnig er ánægjulegt hversu mikið er af nýjum andlitum á æfingum og við sem erum vanari pössum að sjálfsögðu uppá það að taka vel á móti öllum og peppa þau áfram því öll höfum við einhvern tímann verið byrjendur og vitum hvað hvatning getur verið mikilvæg. En svo vonandi hafa flestir sett sér einhver hlaupamarkmið fyrir árið 2009 hvort sem þau eru í keppni að ná undir xx tíma í ákv veglengd eða bara æfingalega séð því ef að maður hefur að einhverju að stefna er svo mikið auðveldara að halda fókus í æfingum. Mæli með að fólk skrifi niður markmið sín og kíki á þau reglulega til þess að minna sig á.

Annars bíð ég verulega spennt eftir pistlinum frá göngudeildinni því þar er að byrja keppni og veit ég að það verða blátt og rautt lið og Eggert er víst búin að búa til svakalegt exel skjal til þess að halda utanum þessa keppni. Er nú frekar svekkt yfir því að vera ekki gjaldgeng í þessa keppni.

Göngudeildin mætt !!!

2009-01-11T16:20:00.003Z

Um leið og við óskum Disney hlaupurum til hamingju með daginn langar okkur að rifja upp skrifin hennar Jóhönnu hér á blogginu þegar hún skrifaði: "........ það er svo margt að gerast í Laugaskokki sem ég hef ekki hugmynd um. Því þurfa fleiri að blogga. Eins og Garðar sagði svo spekingslega hér um árið, þá setur sá svip á söguna sem ritar hana. Því fleiri sögumenn, því fleiri svipir, því skemmtilegra og gefur betri mynd af því sem laugaskokkarar eru að gera. Við erum svo mörg að gera ýmislegt skemmtilegt, hlaupatengt. Hvernig væri t.d. að einhver frá göngudeildinni myndi blogga annað slagið, því þar er aldeilis verið að gera góða hluti."

Við í Göngudeildinni erum auðvitað upp með okkur með svona meðmæli og skorumst ekki undan. Þess vegna var það niðurstaða kaffispjalls eftir hlaupin í gær að sækja um skrifleyfi á bloggið og var það góðfúslega veitt umsvifalaust. Við vonumst því til þess að geta sagt Laugaskokkurum eitthvað frá því sem gerist aftast í hlaupahópnum og ekki væri verra að þið ykkar sem alltaf eruð á undan séuð jafn dugleg að segja frá svo við séum öll upplýst á skokkinu.

Hlaupakveðja, :-)

Skyrterta

2009-01-09T19:38:00.004Z

Fyrsta uppskrift ársins er skyrterta, fínn desert eftir holla máltíð.

Botn:
LU kanilkex (einn pakki)
Smjör eða smjörva eftir þörfum, ca. 140 g

Myljið kexið í botn á fati, ca. 30 cm í þvermál, og bleytið í með bræddu smjöri/smjörva. Pressið vel.

Fylling:

1 stór dós af KEA skyri, eftir smekk (vanilluskyr passar mjög vel með kanilkexinu)
1 peli (1/4 l) rjómi, þeyttur
1 dós 18% sýrður rjómi

Sýrði rjóminn settur í skál, losað um hann og þeytta rjómanum blandað saman við og að lokum skyrinu. Skyrkreminu dreift yfir kexið. Kælt.

Skyrterta geymist vel í ísskáp í nokkra daga. Gott er að bera hana fram með ferskum ávöxtum, t.d. jarðaberjum, bláberjum og kiwi.

Jólarest

2008-12-29T00:05:00.003Z

Þrír dagar eru eftir af árinu 2008 og hæpið að maður nái einu maraþoni enn. En þið kæru vinir náið að hlaupa Gamlárshlaupið og þar verður sko fylgst vel með ykkur. Þið eruð flest í hörkuformi og bætingarnar munu hrannast upp. Allavega munuð þið skemmta ykkur vel.

Ég er ekki fær um að skrifa annál þó það hefði verið skemmtilegt, það er svo margt að gerast í Laugaskokki sem ég hef ekki hugmynd um. Því þurfa fleiri að blogga. Eins og Garðar sagði svo spekingslega hér um árið, þá setur sá svip á söguna sem ritar hana. Því fleiri sögumenn, því fleiri svipir, því skemmtilegra og gefur betri mynd af því sem laugaskokkarar eru að gera. Við erum svo mörg að gera ýmislegt skemmtilegt, hlaupatengt. Hvernig væri t.d. að einhver frá göngudeildinni myndi blogga annað slagið, því þar er aldeilis verið að gera góða hluti. Myndirnar okkar eru sumpart annáll, þar sem Summi o.fl. duglegir eru á ferð. Það er ómetanlegt.
Kæru félagar ég segi það enn og afur. Það er ekki hægt að vera í betri klúbbi en ég er í. Hlaupin bæta heilsu manns og líðan að öllu leyti. Líkamlega, andlega og félagslega. Klúbbar eins og Lions, Kivanis, Frímúrar, Kvenfélög o.fl. eru góð en geta ekki verið betri en Laugaskokk. Tengslanet allstaðar, í öllum stéttum, karlar, konur og á ýmsum aldri. Aldrei hefur mér verið vísað frá þegar ég hef haft samb. og beðið um stuðning í einhverju. Takk fyrir það og jákvæðina og skemmtilegiheitin alltaf.
Svo auglýsi ég eftir hlaupamarkmiðum ykkar fyrir árið 2009. Sjálf er ég búin að skrá mig í maraþon eftir 2 vikur og 10km. hlaup þann 17. jan. og þá munuð þið aldeilis sjá bætingarnar hrannast upp.

Ég þakka þeim sem hlýddu (og líka þeim sem óhlýðnuðust)
Gleðilega jólarest og farsælt nýtt ár.

Sólstöðuhlaupið: Að hlaupa frá sólarupprás til sólarlags.

2008-12-29T00:01:00.002Z

Sólstöðuhlaupið var fámennt í ár. Kalli (sem reyndi að skapa stemmara fyrir hlaupinu við engar undirtektir laugaskokkara) var mættur ásamt Ágústi Kvaran (sem ég var einmitt að sjá áðan í sjónvarpinu í kvikmyndaleik, sýnir bara hvað hlauparar eru fjölhæfir) og Svani.
Mig hefur langað í þetta hlaup síðan 2002. Þá var það fjölmennt og sýnt frá því í sjónvarpinu. Ég var þá nýuppskorinn brjósklossjúklingur og komst ekki baun.
Sólstöðuhlaupið nú var með svolítið öðrum brag. Þessir 4 voru þó brosandi og jákvæðir. Ágúst með svaka bakpoka að æfa sig fyir eyðimerkur hlaupið í lok mars. Þæfingsfærðin var líka fín æfing fyrir eyðimörkina ætli það sé bara ekki svipað undirlag. Bakpokinn kom okkur til góða í Gravarvogslaug þar sem við voru trakteruð með geli og drykk.
Eftir það slepptum við Kalli, Ágústi og Svani, það var alveg ljóst að þeirra tempó var mun hraðara en mitt. Við Kalli héldum áfram saman og tempóið var orðið ansi hægt þegar ég kvaddi hann við undirgöngin í Elliðarárdal. Heim komst ég með því að labba allar brekkur sem eftir var, en án þess að vera alveg dauð.
Kalli hitti svo hina tvo sólstöðuhlauparana í Vestubæjarlauginni, þá höfðu þeir lengt um nokkra km. og náð að hlaupa 40 km. myrkranna á milli. Þetta er upplagt stemmingshlaup og að sjálfssögðu meira gaman eftir því sem fleiri eru.

Óvitar

2008-12-12T11:21:00.003Z

150 björgunarsveitarmenn voru að störfum í óveðrinu í gær(úr kvöldfréttum RUV)
150 óvitar lögðu af stað í hlaup á sama tíma. Nokkrir reyndurst vera hálfvitar og snéru fljótlega við. Einnig voru nokkrir fávitar, þeir beygðu hjá fylkisbrúnni e. ca 4km. hinir börðust áfram.
Alltaf er gott að hitta Þórð Sigurvins en aldrei eins og í markinu í gærkvödli, hendurnar voru svo dofnar að sénslaust var að taka miðann úr vasanum. Eftir langa heita sturtu. og klæðast hlýum þurrum fötum og keyra í heitum bílnum niðrí bæ titraði röddin ennþá og tennurnar skulfu. Tími hvað mér datt ekki einu sinni í hug að spyrja Þórð um slíkan hégóma. Og enn gæti mér ekki verið meira sama. (ég hafði þó rænu á að pirra mig pínu Þegar Sondy hljóp framúr í rafstövarbrekkunni, Þvílíkur óvitaskapur).

Mílanó-Bætingahlaupið slær í gegn

2008-12-08T23:14:00.006Z

Já ég get notað sömu fyrirsögn nú og þegar ég sagði frá Mílanópælingunum hér fyrst fyrir 15 vikum.
Mílanómaraþon 23. nóvember 2008.
Það var Ískalt að morgni hlaupadags og allar hugsanirnar komu –"hvað er maður að pæla- nenni þessu varla - ekki hægt að klæða sig af viti". Vissi af gamalli reynslu að þetta hlaup yrði hlaupið rétt eins og áætlað var.
Helgi var hughreysting með því að bera alls konar dót, aðalega koníak og hlý föt, Hann stóð sig sérstaklega vel í þessu stuðningshllutverki, Mætti halda að hann hefði farið á stuðningsnámskeið hjá Mundu og Kristínu í París 2004 ;)
Ég sá Mílanóskóla-kjarnan: Elínu, Davíð, Ólöfu og Sævar ásamt Helgu hópast hjá 3:30 hérunum. Summi, Stefán Viðar og Ívar voru framar. Ég fór í hólfið sem mér var ætlað og plantaði mér góðum spöl eftir 3:45 hérunum.
Startið skall á og hrúgan rúllaði. Alltaf fiðringur. Mér fannst liðið í kring um mig vera á nokkuð hröðu tempói miðað við hólf. Þau voru á um 5:15. Þetta var mjög létt, maður færðist framar en þurfti þó ekki að troðast.
Fljótlega byrjuðu áhorfendur að öskra “david david” gamli brandarinn úr Ferrari hlaupinu. allir að kalla á Davíð ;) . En þegar betur var hlustað heyrðist að þetta var Bravi bravi.
Ég smá nálgaðist 3.45 hérana, fór fram úr þeim eftir u.þ.b. 4km. Allt samkvæmt þeirri ofurbjartsýnu áætlun að reyna að ná undir 3.40. hljóp á meðalhraða. 5.14 á klukkustund. Þetta var létt, ég þurfti ekki að bremsa mig af og fannst ég ekki hafa neitt fyrir þessum hraða. Fyrstu 10 km. voru á 5.14 og næsti leggur, að hálfu á 5.09 Þarna var svo gaman. Kílómetrarnir flugu. Upp úr 10km sá ég Ólöfu útundan mér. “Eitthvað hlýtur að hafa komið fyrir hjá henni” ( hélt að hún hefði lagt af stað með Mílanóskóla-kjarnanum) og ég væri að ná henni. Ákvað að láta hana ekki vita af mér. Og eftir smá stund þegar ég fór aftur að líta eftir Ólöfu var hún horfin. “Var ég svona fljót að fara fram úr henni.” Hún hýtur að hafa fengið í magann eða eitthvað.
Eftir hálft- slökknaði á garminum-rafhlöðulaus. Ooh frekar spæld. Nú var bara að halda í þetta lið í kringum mig. Það gekk ágætlega í nokkra kílómetra (var farin að sjá bætingu í anda í markinu og jólakjólinn sem yrði keyptur í tilefni bætingarinnar. Svo bara slaknaði á minni, mjög kunnugleg tilfinning.
Eftir hálft vissi ég ekki hvað tímanum leið nema á km: 30. Þá heyri ég “Áfram Jóhanna” Ég teygði álkuna í allar áttir og sá Helgu Árna uppá kassa að hvetja. Um leið kom ég auga á klukku og þar stóð tveir þrjátiu og eitthvað. “Hugs”: Helga getur ekki verið búin og komin þangað. Hún hefur hætt æi.
Síðan sá ekki íslending fyrr en framan við kastalann eftir hlaup.
Markið var skemmtilega merkt síðustu 300 metrarnir merktir á 25m. fresti. Ég hlakkaði til að koma að merkingunum, það reyndist gaman að hlaupa milli þeirra og mikil hvatning þar. Það var nú bara gaman að sjá 3.49.19 á klukkunni og þá hlyti rétti tíminn að vera 3.48.. Þetta var bara eins og allar hlaupa-reiknis-töflur sem Ívar hefur fundið á veraldarvefnum höfðu spáð fyrir þ.e. frá 3.42 til 3.50 og hans frómu ráðleggingar voru að reyna við 3.45 –hefði sennilega tekist.
Vel var tekið á móti hlaupurum, flott medalía, drykkur og önnur hressing. Ég rölti framhjá brekkunni þar sem við áttum að hittast, Enginn þar. Þetta er í fyrsta sinn sem ég hugsa eiginlega strax eftir maraþon: “Mig langar að hlaupa þessa braut aftur hún var svo þægileg”. Þegar ég kom fram fyrir kalstalann sá ég liðið. Flestir fagnandi voða ánægðir með sitt. En Stefán var ekki kominn, hann kom nokkru síðar með medalíuna um hálsinn og fékk fagn frá okkur fyrir að hafa klárað.
Ýmislegt var þarna að koma í ljós: Menn voru að bæta sig í stórum stíl. Ég spurði strax Elínu hvernig hefði gengið? "Ég bætti mig". Góð því tíminn sem hún átti fyrir var svo góður. Minn hafði verið fyrsti Íslendingurinn eins og svo oft áður. Sævar var ekki mjög leiður að hafa náð Öggutíma og síðar um kvöldið kom í ljós Sólutíma líka. Davíð var sjálfum sér líkur og bætti sig um nokkrar sekúndur. Ólöf hljóp á 3.29- átján mínútum á undan mér. Já takk fyrir!! Það hafði að sjálfsögðu verið hún sem var að fara fram úr mér þarna um 10k. en ekki öfugt. Þvílíkt glæsilegur tími í sínu fyrsta maraþoni.
Helga lærði sína lexiu- að þurfa að hlusta á hlaupatuðið í okkur það sem eftir var dags og kvölds. Hún fékk góðan stuðning frá sínum, sem m.a sagði að þetta væri nú ekki neitt miðað við að hann hefði þurft að hlusta á okkur í heila siglingu eftir Miami í Janúar þegar hann hætti ;)
Mílaóskólinn er mjög skemmtilegur. Skólastjórinn, ásamt sinni,stóð í gegn um þetta eins og klettur. Ég hef aldrei haft eins mikinn prógamsstuðning, Stjóri reiknaði hraða fyrir hvern og einn persónulega og uppfærði reglulega. Mætti á allar æfingar og studdi nemendur. Ég lít á mig sem útskrifaða með 1. einkunn (ég veit að margir fíla sig með ágætiseinkunn) úr þessum fyrsta en ekki síðasta áfanga skólans. Því það besta við þetta er að flestir eru enn í svaka stuði og sannfærðir um að geta gert betur og hafa gaman af. Takk kærlega fyrir mig.

Snjókorn falla....

2008-12-08T20:17:00.002Z

Komið þið sæl

Nokkrir punktar sem gott er að hafa í huga fyrir vikuna.

Miðvikudagur: Fossvogurinn en þeir sem ætla í Poweradehlaupið gefst kostur á því að fara styttra gegn því að taka vel á því í Powerade.
Ef formaðurinn hefur eitthvað útá þetta að setja skulum við útkljá þetta mál í armbeygjukeppni.

Fimmtudagur: Allir í Poweradehlaupið enda skemmtilegasta hlaup vetararins með jólatónlist, smákökum og kertaljósum. Svo má ekki gleyma að sumir gætu fengið óvæntan glaðning í markinu. Fyrir þessa frábæru skemmtun borgar þú aðeins 200 kr auk þess færðu fría sundferð.

Laugardagur: Hlaupum frá World Class í Hafnarfirði (Actavishúsið) ætla að tilnefna Ingólf sem fararstjóra.

Milano 2008

2008-11-27T22:12:00.004Z

Jæja Mílanó maraþon að baki ásamt 7 vikna ferðalagi um Ítalíu og Grikkland(krít). Það reyndist erfiðara en fyrirfram var áætlað að æfa nægilega vel á flakkinu þó svo að tíminn á Krít hafi verið vel nýttur til æfinga. Ég taldi þó að ég ætti fyrir persónulegri bætingu en hægra hnéð var ekki alveg samála mér þegar á hólminn var komið. Hinn liðsmaður Laugaskokks Norðurþings var einnig á þeim buxum að bæta sig en varð að játa sig sigraða við km 30. En félagar okkar úr Mílanó skólanum stóðu sig nú öll sem eitt með mikilli prýði. Ívar sterkur að vanda með sub 3 tíma og Summi skólastjóri að fara í fyrsta sinn undir 3 tímana glæsilegt hjá honum. Flottar bætingar hjá öllum hinum og glæsileg innkoma hjá Ólöf. Helgi var á hliðarlínunni og sló Dómkirkju Mílanbúa við í mikilfengleik og hjálpsemi, flott manneskja þar á ferð.

Þó svo að hnéð bilaði fyrr en ég vænti og bæting úr kortinu þá verð ég að viðurkenna að þetta var með betri maraþonum sem ég hef hlaupið. Hvers vegna, jú vegna þess að ég lagði afar sáttur af stað og var sáttari þegar ég kom í mark. Vegna þess að þó svo að ég náði ekki að standast mínar væntingar þá var bara ekki nokkur séns að það myndi geta haft neikvæð áhrif á innri líðan mína og sátt. Það hreinlega komst aldrei að og það skal ég segja ykkur er mikill sigur fyrir mig. Nú gætu sumir hugsað hmmmm metnaðarleysi og uppgjöf. En ef maður hugsar sem svo að maraþon er eins og lífið þá hlýtur það að vera markmið að vera sáttur í leikslok. Það er sorglega mikið af ósáttu fólki á elliheimilunum spyrjið bara þá sem vinna þar. Þannig að sætta sig við að vera ósáttur við sjálfan sig er frekar merki um metnaðarleysi og uppgjöf. Það er nefnilega svo að væntingar geta oft brugðist, sérstaklega þær sem við leggjum í garð annara en okkar sjálfs.

Ég áhvað að bíða eftir hinum norðurþings laugaskokkaranum við km 41. Sá pacera 3:15, 3:30, 3:45 og loks 4:00 hlaupa fram hjá, sá sem svo að líklega hefði ég misst af henni eða hún hætt þannig að ég áhvað að haltra í mark, afskaplega sáttur :).

Kær kveðja,
Stefán Viðar

Reynsla er eins og afturljós á skipi, þau bregða einungis ljóma yfir farna leið.(stolið úr dagbók)

2008-11-18T21:33:00.004Z

Vegna þess hversu gaman ég hef af poweraidhlaupunum ætla ég að deila með ykkur upplifun minni úr síðasta hlaupi. Ég var eini nemandi Mílanóskólans sem mætti sl. Fimmtudag. Á Stundatöflunni var tempóæfing á hálfmaraþontempói. Ívar hvatti mig til að hlaupa eins hratt og ég gæti, það kæmi ekki niður á Mílanó sjáfum. Ég ákvað að treysta reynsluboltanum og láta vaða. Ég hef hlaupið yfir 30 Poweraidhlaup með mjög mismunandi árangri, minnistæðast var þegar ég var síðust í mark, dauð.
Þarna voru mættir fleiri haluparar en nokkru sinni fyrr. Maðuinn með lúðurinn sagði að yfir 200 hlauparar væru mættir. Kjöraðsæður voru sem þýðir niðamyrkur kalt, ekki hált og logn. Ég var búin að plotta með Fjólu vinkonu, að teika Sondy því hún myndi hlaupa passlega hratt fyrir mig. Hún var búin að gefa upp: undir 49 mín. Ég plantaði mér framalega. Fljótlega komu Sondý og Vöggur, fólkið sem ég ætlaði að hanga í. Ég heyrði Vögg segja: “Nú er bara að hnýta sig í taglið”. Góður frasi sem ég tók til handagagns. Hnýtt í taglið, hnýtt taglið…….. tóktst að hanga í Vöggi upp að Breiðholtsbrekkunni. Þarna hnýtti ég mig svo fasta við Vögg að stúlka sem vildi líka hlaupa þarna var farin að kvarta undan troðslu minni. Í brekkunni hvarf karlinn. Mér fannst eins og Sondy væri rétt fyrir aftan mig og puðaðist áfram og reyndi að hanga í hinum og þessum sem ég þekkti ekki neitt. Það þarf að blasta alla leið frá brekkubrún og niður að hitaveitustokki til að vinna upp tíma sem glatast í brekkunum. Þegar Sprengisandur nálgaðist sá ég Sigrúnu glennu fyrir framan mig. Hún var greinilega að hægja fyrst ég var að ná henni. Nú voru góð ráð dýr. Annað hvort að láta hana ekki verða mín vara og reyna svo að taka hana á endaspretti. (gæti verið á kostnað góðs tíma), eða fara framúr strax, ég vissi að það myndi ýta við Strúnunni, hún gæti spýtt í lófana og unnið mig, svo var möguleiki að ég færi framúr, ynni hana og fengi góðan tíma í þokkabót. Ég valdi að sjálfsögðu að setja metnað í þetta og hljóp framúr, fiffaði röddina:”Sæl vinkona” hm.hm ég var á undan í nokkrar sekúndur, þá kom mín ákveðin og í einu orði sagt hvarf. (Einu sinni lenti ég í sömu stöðu með Evu, náði henni á 8. km. ákvað þá líka að hugsa frekar um tímann en að vinna hana. (myndi reyna að vinna hana í dag ef ég fengi tækifæri)) Ég puðaðist áfram hitaveitustokkinn og reyndi að hafa þann km. ekki alltof hægan. Kláraði með Sondy á hælunum á mínum besta poweraidtíma: 48:36.

Ég var búin að gefa frá mér að slá met í Mílanómaraþoninu, formið hefur hreinlega ekki verið að gefa tilefni til þess. Ívar var búinn að ráðleggja mér að reyna að hlaupa þetta á svona 3.45-3.50 (enn eitt maraþonið á þeim tíma) en þetta Poveraid-kitl framkallaði enn eitt græðgis-flogið. Kannski er séns á bætingu og fara út á 5.12 ef ég held því þá næ ég 3:39:25 Það væri bæting um tæpar tvær mínutur.
Læra af reynslunni hvað.. Segi eins þunn vinkona mín sagði fyrir nokkru “maður lærir aldrei neitt af reynslunni”.
Á laugardaginn hlupu Mílanóar frá gömlu góðu Laugum. Rok og kalt. 20km. framundan og við ákváðum að fara fram og til baka um Fossvoginn í von um að hafa rokið í bakið aðra leiðina. Ég dróst afturúr-hópnum (adrei þessu vant ;) fór þessa 20km. rólega og óþreytt. Sibba bauð uppá drykk og félagsskap, takk fyrir það.
Þá er komið að því að gera upp við sig hvernig á að hlaupa á sunnudaginn. Mér finnst ég hafa verið í þessum sömu sporum u.þ.b. 10 sinnum áður þ.e að langa til að bæta maraþontímann án þess að eiga raunverulega inni fyrir bætingunni, en til hvers að fara enn eitt maraþonið á sama gamla millitímanum.(sem verður örugglega raunin.) Því ekki að gefa bætingunni séns. Það versta sem gæti gerst er að ég dræpist alveg og kæmi á fjórum eitthvað í mark. Só.
Allvavega 4 dagar í Mílanómaraþonið og er eina ferðina enn skal reynt við bætingu. Ég efast ekki augnablik stuðning ykkar.

Solarkvedja sudur ur hofum

2008-11-15T14:50:00.004Z

Thegar haustlitirnir foru ad folna og fjallatindar skreyttust hvitum hettum toku Asverjar fram hjolin sin og hlaupasko og brugdu ser sudur i hof. Ja, nordurthingeyska Laugaskokks utibuid akvad ad fa sma meiri sol fyrir veturinn. Sidan eru lidnar 6 vikur asamt nokkur hundrud hjoludum og hlaupnum kilometrum. Fyrstu 3 vikunum var varid a Italiu thar sem hjolad var um vinekrur Toscana herads, komid vid i holl Napoleons a eyjunni Elbu og ad lokum var brunad nidur stigvelid og endad hja mafiukongunum a Sikiley. Thar var Mt Etna klifin ( a hjoli) og i ordsins fyllstu merkingu hlupum vid i fangid a nokkrum Laugaskokkurum einn sunnudaginn. Thar voru nu fagnadarfundir :) Fra Sikiley la leid Asverja til Grikklands, til eyjunnari sudri, Krit. Thar hofum vid dvalid sidustu 3 vikurnar i stifum aefingum fyrir komandi marathon i Milano. Thess a milli hofum vid farid i letta hjolatura og svamlad i sjonum. Saeldarlif (fyrir utan verdlita islenska kronu,hehe). Vid erum offically tilbuin fyrir marathonid. Ein vika til stefnu og kladi kominn i taernar. Hlokkum til ad hitta felaga Laugaskokkara sem aetla ad takast a vid thonid lika! Og ja, sidan ad hitta alla hina Laugaskokkarana a haustfagnadinum eftir 2 vikur!

Bestu kvedur fra Kalathas, Krit.

Helga og Stefan Vidar

Matera, Italiu.

Mt Etna. Hraun fra 2002. 1800m haed. Fengum ekki leyfi til ad fara ad nuverandi gosi :)

A vellinum goda i Chania, Krit. Tharna foru manudags og fimmtudagsaefingar fram. Komaso!

Laugaskokkarar gera það gott

2008-11-14T14:06:00.002Z

Að vanda fjölmenntu Laugaskokkarar í annað Poweradehlaup vetrarins enda kjöraðstæður. Nánast stilla og nokkrar gráður sem þýddi engin ísing. Margir voru að gera góða hluti og að bæta sig eða við sitt besta. Sjálfur kom þjálfarinn í mark á nánast bætingar tíma, eigum við ekki bara að segja að hann hafi verið að flýta sér í mark til þess að hvetja sína hlaupara.
En þeir sem voru mættir voru: (endilega bætið við nöfnum ef ég gleymi einhverjum og ef ég gleymi að segja frá afrekum viðkomandi)

Bogga
Kristinn
Trausti með bætingu úr síðasta hlaupi.
Guðjón Traustason
Jens sem að var mjög nálægt sínu pb spurning hvar hann sé búin að vera að æfa í laumi?
Kári en hann byrjaði daginn á hálftímanum, sprækur strákur.
Sigrún E var líka við sinn besta tíma
Jóhanna setti nýtt pb brautarmet í Powerade
Sibba var að hlaupa sitt fyrsta 10 km keppnishlaup og stóð sig rosalega vel.
Hrafnhildur í sínu fyrsta Poweradehlaupi og átti hún sko nóg eftir
Gunnar
Rögnvaldur bæting um 4,30 mín frá síðasta hlaupi
Kolla, Stefanía og Bjargey hitti þær ekki í markinu en ég efast ekki um að þær hafi tekið vel á því, allavega voru þær æginlega kátar fyrir hlaup.
Eggert
Frétti einnig af Ingólfi

Semsagt í það minnsta 17 Laugaskokkarar ekki slæmt það. Svona til gamans má geta þess að ég náði einni að draga 9 manns úr björgunarsveitinni í Poweradehlaupið, þannig það var nóg af fólki til þess að hvetja í gærkvöldi.

Pestó paprikubrauð

2008-11-12T22:10:00.003Z

Þessi fína uppskrift er frá Elínu Reed.

5 dl þurrefni (spelt og rúgmjöl)
1 dl graskersfræ og/eða sólblómafræ
1 tsk sjávarsalt
3 tsk vínsteinslyftiduft (eða venjulegt)

1 dl AB mjólk eða soyamjólk
1 dl rautt pestó
1/2 krukka Peperonata frá SACLA

2 dl sjóðandi heitt vatn

Blandið þurrefnunum í skál. Hellið vökvanum og öllu öðru saman við og blandið varlega. Hrærið sem minnst í deiginu, rétt nóg til þess að þurrefnin blandist saman. Bakið við 200°C í 1 klst.

Í staðinn fyrir rautt pestó er gott að nota grænt pestó og ólífur í stað Peperonata.
Eins má nota gulrætur, hvítlauk og kryddjurtir.

Ef þið viljið fá gerbragð þá bætið við 2 tsk af sítrónusafa.

Elín fær amk. 10 * fyrir þessa hollu og góðu uppskrift.

Ekki gleyma að skrá ykkur í haustfagnaðinn í blogginu hér fyrir neðan.

Haustfagnaður/aðventugleði

2008-11-10T21:08:00.002Z

Orðsending frá skemmtilegu nefndinni:
Það þarf að skrá sig á fagnaðinn hér í kommentinu en fagnaðurinn mun verða síðustu helgina í nóvember þegar sprækir Mílanófarar verða komnir heim. Spurning hvort nefndin bjóði ekki líka uppá skráningarblað á miðvikudagsæfingu svona til þess að koma í veg fyrir 70 komment! En mér skylst að nefndinn sætti sig ekki undir 40 manna samkomu.

Á miðvikudaginn er Fossvogurinn. Gott fyrir aðdáðendur hans;)

Fimmtudagur: Poweradehlaupið allir að mæta enda bíður ÍTR í sund á eftir:)

Laugardagur: Hlaupum frá Spönginni kl. 9:30 og fyrir áhugasama þá er kl. 11:30 tími sem heitir Kviður og bak og stendur aðeins yfir í 30 mín. Skora ég á sem flesta að prufa hann.

Orðsendingar frá þjálfara

2008-10-29T20:05:00.002Z

Ætla að byrja að óska Laugaskokkurum til hamingju með frábæran árangur í haustmaraþoninu sl helgi. Margir að bæta sinn persónulega árangur og aðrir að ná sínum besta árangri í mörg ár er því greinilegt að æfingar eru að skila sér.

Laugardagsæfingar
Venjan hefur verið sú breyta tímasetningunni á laugardagsæfingum eftir vetrardaginn fyrsta. Núna verður breyting, æfingar verða áfram kl. 9:30 að undanskyldum des og jan en það verður auglýst nánar.

Skemmtileganefndin
Skemmtilegunefndina í ár skipa:
Eggert Clausen
Pétur Ísleifs
Mundu
Hrafnhildi Tryggva
Bíðum við spennt eftir að heyra frá þeim.

Sjáumst
Núna er þegar farið er að dimma ítreka ég að endurskin er núna eitthvað sem tilheyrir hlaupagallanum. Sýnum gott fordæmi í myrkrinu.

Haustmaraþon Félags maraþonhlaupa. Mjög vel heppnað

2008-10-26T14:48:00.000Z

Góð þátttaka í þessu hlaupi sérstaklega í hálfu. Samtals hlupu 78 manns, 65 í hálfu, þar af um 20 Laugaskokkarar og 13 í heilu þar af voru 4 Laugaskokkarar. Aðstæður reyndust vonum framar. Kuldinn mattaði hákluna og vindurinn var heldur minni heldur en spáð hafði verið eða ca. 3m/sek. Margir bættu sig eða voru við sitt besta.
Eva var fyrsta konan í hálfu og þau Þórólfur fyrst í paraþoni. (fóru hlaðin verðlaunagripum og útdráttarverðlaunum- kom á óvart) Öll þrú fyrstu pörin voru úr úr Laugaskokki. Útdráttarverðlaun voru glæsileg og lá við að allir fengju verðlaun.
Tjaldið verður seint fullþakkað og var mikil stemming þar að loknu hlaupi m.a sungið fyrir Gottskálk sem átti afmæli og hlélt uppá það með maraþoni.
Lilja Þórólfsdóttir stal senunni með bikara forelranna í sitt hvorri hendi og stríðnisblik í svipnum. Vonandi fáum við myndir á síðuna frá Summa ég sá að hann var duglegur að smella af eins og oft.

Mílanóskólinn var mættur stundvíslega (nema Helgi). Elín var búin að vera frá því eldsnemma um morguninn ásamt fleirum stjórnarmönnum Maraþon-félagsins að gera klárt fyrir hlaupið, setja upp Jóa-tjaldið, drykkjarstöðvar og fleira. Hún var frosin og dottin úr öllu hlaupastuði, Rauk samt af stað og hlýtur að hafa dottið í gírinn með það sama, því hún hlóp hratt og endaði á 1.40. Þokkaleg bæting það. Ólöf, bjartasta vonin, bætti sig um ég veit ekki hvað fór á 1.38. Skólasystkin mín voru öll að standa sig þvílíkt vel ég held að allir geti vel við unað, ýmist verið að bæta sig eða hlaupa á vel viðunandi tíma.
Skilaboð til Frikka: tíminn þinn í gær gefur tilefni upp á 3.35 í maraþoni ekki smá bæting og þú sem varst bara að leika þér í gær, hefðir getað farið miklu hraðar ef þú hefðir harkað meira af þér. –

Mig langaði að fara þetta háfa maraþon á innan við 5 mín tempói, mér hefur einu sinni tekist það. Ég vissi að það var bjartsýni og kannski of mikil græðgi en fimmtudagsæfingin var á 12.1 á brettinu í heila 9 km. svo það lofaði góðu.
Kristján skaut úr riflinum og liðið rauk af stað, Mílanóanarnir brunuðu áfram. Ég hljóp með Mundu og Frikka fyrstu km. Í Fossvoginum voru Glennurnar og brustu í söng eins og þeim einum er lagið, Það létti lundina og ég reyndi að hanga í Mundu svolítið lengur fyrir vikið. Þetta gekk ágætlega og margir km. voru innan við 5 fyrri hlutann, Mikið var erfitt að hlaupa slaufuna til baka. Og takk fyrir Munda að vera svona í gulum stakki því þá sá ég þig næstum allan tímann- og hugsaði þarna er Munda – Nú er hún farinn að labbba – en auðvitað var hún ekkert að labba og ég átti aldrei séns að ná henni. OOO næst skal ég ekki láta Mundu rústa mér svona. Þegar tæpir 2km voru eftir kom minn á móti og hjálpaði upp á hraðann í restina, sagði að það væri kona alveg að ná mér, ég hafði ekki hugmynd um hvort hann væri að ljúga svo ég tók út aðeins meira. Alltaf getur maður hlaupið hraðar ef ýtt er svolítið á eftir manni. Ég endaði á tímanum 1.50.32
Ég hef farið eftir stundatöflu Mílanóskólans í haust. Villtusu draumar um að hlaupa maraþon á 5 mínútna tempói eru foknir út í veður og vind og ég er með draumatímann 5.05 kannski hægi ég enn meira eftir umsögn frá skólastjóranum eftir þetta maraþon en meðaltempóið þar var 5.14 . Ef það er sett inn í töflureikni á maraþonguide, gefur það 3.51 eitthvað – glætan það er ekki einu sinni bæting. Ég held að ég hafi verið óraunhæf í markmiðssetninum í haust. Það er ekki líklegt að maður bæti sig svona mikið milli hlaupa, heldur þakka fyrir- ef það heitir bæting.
Takk fyrir Stjórn Maraþonfélagsins og sjálfboðaliðar á drykkjarstöðvum , Bjargey Kolla og fleiri voru alveg frábær, ég man sérstaklega eftir að hafa verið boðið heitt vatn í snúningun ekkert smá flott þjónusta.

Nýustu fréttir af Frankfurtmaraþoni sem er í dag eru að Steinn Jóhannsson fór maraþon á 2.45.27 næstbesti tími ísendings á árinu. Og Jóhann Gylfa fór á :2:52:16

Nýtt hlaup á mánudag

2008-10-24T12:12:00.000Z

Var beðin um að koma þessu á framfæri

Þú getur bjargað mannslífum!

Mánudaginn 27. október verður Malaríuhlaup JCI haldið til styrktar verkefninu Nothing But Nets.

Á 30 sekúndna fresti deyr barn í Afríku af völdum malaríu. Með því að safna fé til kaupa á malaríunetum og senda til Afríku er hægt að bjarga börnum og fjölskyldum þeirra frá vísum dauða.

Hvert net kostar aðeins um 1.000 kr. og dugar fyrir heila fjölskyldu í fjögur ár.

Við hvetjum þig til að mæta hvort heldur er til að ganga, skokka eða hlaupa.

Þátttaka og stuðningur er aðalmálið, með þinni þátttöku getur þú bjargað heilli fjölskyldu!

Boðið er upp á 3 km skemmtiskokk án tímatöku og 5 km hlaup með tímatöku.

Rásmark er við Skautahöllina í Laugardal og verður hlaupið á stígum í Laugardal.

Þátttökugjald er 1.000 kr. fyrir 3 km skemmtiskokk og 1.500 kr. fyrir 5 km hlaup.

Skráning fer fram á www.hlaup.is til kl. 21:00 sunnudaginn 26. október.

Á hlaupadegi verður hægt að skrá sig á staðnum í anddyri Skautahallarinnar í Laugardal þar til 10 mínútum fyrir hlaup.

Athugið að ekki er hægt að greiða með greiðslukorti á staðnum en hægt er að nota greiðslukort í forskráningu á hlaup.is.

Nánari upplýsingar um hlaupið er að finna á www.jciesja.org/nothingbutnets

Nánari upplýsingar um verkefnið Nothing But Nets er að finna á www.nothingbutnets.net og www.jci.cc/nothingbutnets

Við hvetjum þig til að senda póstinn áfram til allra sem þú þekkir – því fleiri sem mæta því fleiri lífum verður bjargað.

Brosum

2008-10-20T22:24:00.003Z

Til hamingju Amsterdamfarar með hlaupið.

Vikan framundan:
Mán: Nokkrir svellkaldir Laugaskokkarar tók spretti í Laugardalnum í dag á meðan Mílanóhópurinn tók hálftímann (held ég). Síðan reyndu ákveðnir menn að hrella þjálfarann með því að segja að Brúarhlaupið hefði verið of stutt. Sumir greinilega eitthvað orðnir hræddir um að ná ekki tíma þjálfarans á laugardaginn.
Mið: Finnum einhverja góða leið :)
Fim: Byrjendur, aðrir sem hlaupa eiga að taka Gott í kroppinn æfingar eftir hlaup
Lau: Hægt og rólega frá Laugum sumir fara í Haustmaraþon - Gangi ykkur vel

Gott í kroppinn
Armbeygjur
Bakæfingar
Kviðæfingar, 3 gerðir fram, vinstri, hægri
Hamstrings
Kálfalyftur, standa t.d. í tröppu

Gera allt saman 20x og fjölga settunum smásaman, þetta er eitthvað sem við þurfum að gera amk 2x í viku.
Að lokum er hér smá spakmæli sem að allir ættu að geta tileinkað sér enda kostar það ekki neitt.

Spakmæli vikunnar:

Ég gerði merkilega uppgötvun í dag. Ég uppgötvaði að bros er jafnsmitandi og flensa.
Það brosti til mín alókunnugur maður og ég brosti á móti og hélt svo bara áfram að brosa.
Ég labbaði fyrir næsta horn þar sem ég mætti öðrum ókunnugum manni.
Þegar hann sá mig brosa, brosti hann á móti og gekk svo brosandi í burtu.

Þá laust niður hjá mér þessari staðreynd, ég hafði smitað hann.
Guð veit hvað hann hitti marga og smitaði þá. Ég fór að hugsa um þetta bros og skildi þá hversu mikils virði það er.
Eitt lítið bros eins og mitt, gæti breiðst út um heimsbyggðina.
Svo ef þú finnur að þú ert að bresta í bros, ekki halda aftur af því.
Komum af stað faraldri sem fyrst, stefnan er að smita allan heiminn.

BROSTU

Vikan

2008-10-14T22:25:00.002Z

Tek undir orð Jóhönnu að það eru mikil gleðitíðindi að Rögnvaldur skuli vera komin með kort í Laugar.
Annars vorum við nokkur að tala um það að það verður gaman að fá Mílanóhópinn og Amsterdamhópinn aftur inní eðlilega æfingarútínu með okkur hinum. En tekið skal fram að það er alltaf ánægjulegt að sjá þegar fólk tekur sig saman og stefnir saman að ákveðnu markmiði eins og við erum að sjá þessa hópa gera. Amsterdam hópurinn er að fara út í lok vikunnar og óskum við þeim góðs gengis. Áfram Ísland eða voru það Færeyjar? Annars er áskorun á Amsterdamhópinn að koma með ferðasögu að loknu hlaupi og að sjálfsögðu viljum við líka myndir með.

Á morgun miðvikudag er það síðan Fossvogurinn
Fimmtudag byrjendur endilega látið það berast
Laugardagur langt og rólegt, spurning um að velja þema í hlaupaleiðinni! Uppástungur skal koma með í kommentakerfið á forsíðu. Gæti verið að hlaupa framhjá sem flestum ríkisbankaútibúum eða fara eins margar götur sem byrja á A.

Stjórn Lauaskokks lætur verkin tala

2008-10-13T22:45:00.003Z

Stjórn laugaskokks er tekin til starfa. Þau hafa fundað og planað hvað allir hinir eiga að gera. Vonandi fáum við að heyra nánar um að. Þau eru búinn að troða okkur í allskonar nefndir, undirrituð var sett í bloggnefnd og er nú að standa sína plikt.
Í dag var gegnið frá því að Rögnvaldur Bergþórsson sem hingað til hefur stundað Laugaskokk í tengslum við sundlaugina, er kominn með frítt árskort í Laugar. Vonandi á þetta eftir að gera Rögnvaldi auðveldara fyrir að stunda sína líkamsrækt. Björn Leifsson á þakkir skilið fyrir að taka svona vel í fyrsta erindi nýju stjórnarinnar.

1. fyrsta Poweradehlaup vetrarins

2008-10-10T10:51:00.002Z

Laugaskokkarar fjölmenntu í Poweradehlaupið þrátt fyrir að Kári (samt ekki okkar Kári) blési hressilega og ágætis úrkomu. Fyrir hlaup var þjálfarinn að alveg að beila á því að fara vegna þreytu (og kannski smá leti) en sér sko sannarlega ekki eftir því að hafa drifið sig. Enda er alltaf gaman að hitta fullt af kátum hlaupurum sem eru samankomnir og allir eiga það sameiginlegt að hafa gaman að því að hlaupa.
Það skemmtilega við Poweradehlaupin er að það er einhvernvegin öðruvísi að hlaupa í því en öðrum keppnishlaupum, að mínu mati er allt svo afslappað í kringum það, kannski myrkrið hafi þessi áhrif. Sumir taka því alvarlega og reyna að bæta sinn besta tíma eða eru í baráttu í við stiginn, svo eru sumir sem hugsa þetta sem góða æfingu og svo eru aðrir sem einfaldlega kom því þeim finnst gaman að taka þátt í almenningshlaupum hitta aðra og styðja í leiðinni almennings hlaup. Sbr Bjargey, Stefanía og Hildur en ég hitti þær skælbrosandi fyrir utan sundlaugina eftir hlaup, tíminn var svosem ekki aðalmálið heldur bara vera með. Gott stelpur.

Þeir sem að mættu í 1. Poweradehlaup vetrarins voru:
Bogga
Sigrún Erlends
Hólmfríður Vala laumu Laugaskokkari
Bjargey
Stefanía
Hildur
Trausti ásamt því að vera tvo syni sína
Eva
Þórólfur
Munda
Tóta
Kári og fjölskylda
Rögnvaldur
Er ekki vissum hvort ég sá Jóhönnu, sá granna konu með bleika húfu við startið sem gæti verið Jóhanna.
Eflaust voru fleiri Laugaskokkarar þarna en ég sá þá bara ekki.

Síðan mæta vonandi sem flestir í Geðhlaupið á laugardaginn.

Góða helgi
Bogga

Greiðum aðgang sjúkrabíla að Laugum

2008-10-07T22:11:00.003Z

Þeir sem leggja bílum meðfram gulri línu fyrir utan Lauga valda því að sjúkrabílar komast ekki að húsinu.
Það er lagt alllstaðar meðfram gulri línu og einnig í stæði sem eru sérmerkt aðkomu sjúkrabíla. Þetta veldur því að Sjúkrabílar komast ekki að húsinu og þeir þurfa að lúsast þrönga stíga milli þessara bíla, ná varla að beyja,- verra að athafna sig f. sjúkraflutningmenn o.f.l. Hver mínúta er dýrmæt ef því er að skipta.
Þetta er okkar öryggismál. Það eru fleiri hundurð ef ekki þúsund manns inni í þessu húsi og það skiptir okkur máli að sjúkrabílar komist greiðlega að og geti athafnað sig.
Það er oft búið að kvarta við Bjössa o.fl og ýmislegt búið að gera tala við þá sem leggja svona o.fl. en ekki gengið að koma bílunum í bílastæði.

Hugmynd 1: Eigum við ekki bara að fara af stað og gera eitthvað í þessu sjálf.
Hvað getum við gert til að hafa áhrif á þetta.

2 Hugmynd: Gera límmiða sem límast fast sem á stendur: ÞETTA ER EKKI BÍLASTÆÐI.

3. Hugmynd: Hafa samb. við lögregluna.

4. Hugmynd: Leggja fram undirskriftalista í Laugum ..þarfnast frekari útfærslu.

Strax er byrjað að framkvæma: Pétur Ísleifs talaði við stelpurnar í afgfreiðslunni í kvöld um þetta mál. Út úr því kom tilkynning yfir salinn stuttu síðar um að bílarnir yrðu dregnir burtu ef þeir yrðu ekki fjarlægðir.

Endilega komið með hugmyndir í herferðina okkar um að koma bilunum frá gulu línunni og í bílastæðin.

Mánudagur

2008-10-06T23:08:00.004Z

En í dag mánudag var vel yfir 20 manns á æfingu þrátt fyrir ekkert spennandi veður. Hlaupnir voru sprettir í Laugardalnum sem var nú bara ágætt enda sennilega skjólsælasti staðurinn í grenndinni við Laugar. Að lokinni æfingu var farið inní Laugar og gerðar æfingar.
Á miðvikudag verður hlaupnar "óhefðbundnar leiðir" í svipaðri vegalengd og Fossvogurinn, sjáum til hvert vindurinn mun leiða okkur. Minni á stjórnarfund hjá nýrri stjórn eftir æfingu.
Fimmtudagur, byrjendur og þeir sem vilja koma sér að stað rólega. Minni á að fyrsta Poweradehlaupið kl. 20 frá Árbæjarlauginni. Tilvalið að nýta sér það sem góða tempó æfingu.

Þar sem það er farið að dimma alltaf fyrr og fyrr vil ég minna fólk á að huga að endurskins vestum og borðum.

Eigum við ekki bara að enda þennan pistil á þessum orðum sem veitir ekki af núna. http://www.youtube.com/watch?v=jHPOzQzk9Qo

Mánudagur til mæðu

2008-09-29T21:08:00.003Z

Fjölmenni var á æfingu í dag að vanda taldi ég amk 38 manns á æfingu. Farin var Brúnavegurinn í dag og var greinilegt að fólk var virkilega að taka að því. Ætla að hrósa sérstaklega nýliðunum í hópnum sem komu og sýndu það þetta eru algjörir jaxlar. Kíktum síðan aðeins í stigann rétthjá Áskirkju (er það ekki rétta nafnið?). Eftir það var haldið aftur niður í Laugardal með smá armbeygju stoppi við þvottarlaugarnar.

Á miðvikudag verður Fossvogurinn eflaust mörgum til mikillar gleði. Síðan skylst mér að Mílanóhópurinn sé að fara rúmlega 6 km rólega og veit ég að það er sjálfsagt mál að fá að fylgja þeim.

Á fimmtudag, nú er það komið á hreint að ég mun verða á fimmtudögum. Í samráði við World Class höfum við ákveðið að tileinka fimmtudögum byrjendum og þeim sem vilja koma sér að stað. Þannig ef þið þekkið einhverja sem hafa áhuga á að koma sér að stað hægt og rólega endilega látið vita af fimmtudögunum. En að sjálfsögðu hvet ég aðra líka til þess að mæta þó svo að það sé ekki fast einsog áður var að fara t.d Elliðárdalinn, en það er alltaf gaman að koma og hitta félagana og gera eitthvað annað eða bara það sem manni langar til (t.d. skoða nýjar leiðir eða prufa hópatíma). Svo er auðvitað alltaf ákveðið aðhald að mæta þegar maður hefur mælt sér mót við einhvern hóp.

Að lokum langar mig að benda á vefslóð um Rathlaup eða orienteering. En það er verið að starta þessu á Íslandi núna. Sjálf hef ég prufað svona ratleikjarhlaup erlendis og mæli ég eindregið með að prufa þetta því þarna reynir bæði á að geta lesið í kort, skynsemi, hlaup o.fl auk þess að það er alltaf gaman að prufa eitthvað nýtt.
http://www.rathlaup.is/

Kveðja
Bogga

Fimmtudagsréttur

2008-09-24T21:10:00.004Z

Á fyrsta aðalfundi Laugaskokks lofaði einhver uppí ermarnar á Gullu og Mundu að þær kæmu fram með meinhollar hlaupauppskriftir á fimmudögum. Nú líður að fimmtudegi svo að hér er fyrsta sending frá þeim.

Þetta er indónesískur lambkjötsréttur. Hann er fyrir 6 og hver skammtur inniheldur 393 hitaeiningar og 14 g af fitu, þar af 9 g ómettaða.


800-1000g beinlaust lambakjöt í bitum
1 laukur, saxaður
1 hvítlauksrif, pressað
matarolía til steikingar
1 dós tómatsósa (tomato sauce, 400g)
1 lítil dós tómatmauk
1,25 l vatn
2 msk púðursykur
2 tsk sterkt karrý
1/2 til 1 tsk salt
1 kjúklingateningur
2 epli, afhýdd og í bitum
1 appelsína, í þunnum sneiðum með berki
1,25 dl rúsínur

1. Hitið olíuna og brúnið kjötið, lauk og hvítlauk í potti

2. Setjið allt sem er í réttinum út í pottinn og sjóðið við vægan hita í um 45 mínútur eða þar til kjötið er soðið og gott bragð komið úr ávöxtunum í sósuna. Hrærið af og til.

3. Kryddið eftir smekk.

Verði ykkur að góðu.

Laugaskokk NÞ

2008-09-22T12:21:00.006Z

Áhvað að setja inn nokkrar línur frá Laugaskokks útibúinu í Norðurþingi. Við sættum okkur við og munum styðja af bestu getu nýja stjórn Laugaskokks. Okkur sveið að vísa aðeins að koma ekki neinum héðan frá að í stjórnina en það gengur bara betur næst. :) Við ráðum okkur að mestu sjálf hérna hvort eð er. Hlaupum allt of langt, allt of mikið, allt of hratt og allt of oft...

Hópurinn með laugina í baksýn

En sem sagt við erum en bara 2 í hópnum hérna, þrátt fyrir glæsilega tilburði og öfundsverðan hlaupastíl niður á þjóðvegi þá hefur ekki en tekist að glebja bændur og búalið í hópinn. En hver veit, hver veit hvað sveitungarnir gera eftir að hlauparaparið flytur lögheimilið í Kelduhverfið og fær póstáritunina "671 Kópasker". Þá er ég viss um að NÞ útibúinu vaxi ásmegin og næsta sumar verði hér (Laugaskokks) hlauparar um alla vegi ;) Annars eru bændur sunnan heiða alltaf velkomnir í heimsókn hingað norður eftir. Hér liggja hlaupaleiðir til allra átta og utanvegabrautirnar sérstaklega heillandi!

Látum fylgja með nokkrar myndir frá æfingum haustsins......

úr vesturdal og típísk laugaskokks teygja :)

Mosóæfing og hádegissamsæti.

2008-09-21T15:26:00.005Z

Mættum í WC í Mosó í gærmorgunn. Lögðum öll saman af stað og e. nokkra km. skildu leiðir, Mílanóar+Kalli fórum upp í Molfellsdal (veit ekki hvað hin gerðu, t.d. þess vegan þarf fleiri penna á síðuna) vel uppfyrir Gljúfrastein snnérum þar við á 12km. Og nú átti að bæta í og hlaupa seinni helminginn hraðar og enda á hálfmarþontempói. Byrjaði voða vel niður brekku og tókst í 2-3km. svo búið spil og ekki var farið hraðar seinni helming. Heldur streðað móti roki og stundum rigninu. M-liðið var á undan mér en ég hef grun um að þau hafi ekki heldur haldði sjó.
Eftir pott bauð þjálfarinn okkur í Katlagil í Mosfellsdal. Það er yndisleg sveit og kósí gamalt hús. Bogga er búin að hafa í huga lengi að kjósa stjórn Laugaskokks. Þarna tókst það og ef ég tók rétt eftri þá eru stjórnarmenn: Sigrún, Sævar, Bjargey ritari, Davíð gjaldkeri og Ívar formaður. Það er ekki vafi að stjórnin mun standa sig. Ef ekki gengur að tjónka við formannin þá þekkiði vana mannekju sem þið megið leita til.
Annað mál á dagskrá var heimasíðan okkar. Það væri synd að segja að við værum dugleg að skrifa á hana. Fólk vill gjarnan hafa síðuna lifandi, helst einver skrif á hverjum degi. Bogga ætlar að endurnýja sinn lykil svo kannski eigum við von á línum frá þjálfaranum okkar á næstunni. Einnig kom frábær hugmynd um að Munda kæmi með fimmtudagsfréttir. Ég held að þær stöllur Gulla og Munda hafi ákveðið að verða við þessari uppástungu gjaldkerans, ekki verra að hafa gjaldkeran góðan. Þá er bara að hlakka til fimmtudagsins. Það er mikilvægt að á síðunni okkar sé jákvæður tónn og alveg er bannað að skrifa nafnlausar spælingar.
Meistaramót Ármanns sem var frestað til mánudags verður á morgunn 5000m. kv. Og 10.000kk. á Laugardalsvellinum kl 18.30kv. og 19.00kk. upplagt tækifæri til að taka stöðuna á sér og taka almennilega á.
Takk kærlega fyrir gærdaginn.
ps. Var loksins að tengjast netinu og sjá það er komin tjáning frá þjálfaranum.

Hlaupið frá Mosó og Brunch

2008-09-21T13:17:00.004Z

Jæja þá er komin loksins tími á að þjálfarinn tjái sig hérna aðeins.
En fyrir þá sem ekki komu á laugardagsæfingu þá var hlaupið frá Mosó. En góð mæting var og var í upphafi hlaups ákveðið að fara sama hring og í sumar sem að er um 13.5 km þar sem við hlupum í kringum Helgafell, framhjá kartöflugörðunum, fengum m.a. að stökkva yfir lækjarsprænu á leiðinni og bleyta skóna örlítið á leiðinni en það er bara gaman.
Eftir sturtu eða pottaferð var haldið í Katlagil þar sem hver lagði eitthvað til í sameiginlegt brunch. Eftir að hafa raðað ofaní sig allkyns kræsingum var ákveðið að negla það niður að búa til stjórn Laugaskokks. En í stjórn Laugaskokks eru:
Formaður: Ívar
Gjaldkeri: Davíð
Ritari: Bjargey
Meðstjórnendur: Sigrún Erlends og Sævar

Flottur hópur að leggja í hann á laugardagsmorgni í ágúst.

Hugleiðingar eftir laugardaginn 13. September.

2008-09-14T21:30:00.004Z

Fjölmenn Laugaskokksæfing.
Ég taldi ca 50 manns. Því fleiri því meiri fjölbreytni og meiri möguleiki að finna hlaupafélaga við hæfi. Við lögðum af stað öll saman (held ég ) og stefndum á Rokkí. Síðan skiptist hópurinn eftir hraða og vegalengd sem fólk ætlaði að fara.

Mílanóskólinn.
Á Stundaskránni var 26km. úthaldsæfing. Elín stakk uppá að fara Rokkí og kíkja svo á 6tíma hlauparana í Elliðarárhólmanum. Ég fann strax á Skólavörðustígnum að þessi æfing mundi ekki verða hrist fram úr erminni. Eftir að hafa blásið hjá Leifi Eiríks. virtist þetta léttara og ég hélt í liðið í 1-2km. Þá sigu þau fram úr(ef það erþá hægt að tala um að síga framúr) Sævar, Elín, Davíð, Ólöf og Helgi (Summi var þá þegar horfinn enda hann mun hraðari) þegar við vorum komin í Fossvoginn var ákv. að fara hring í Kópavogi og svo í Jónshlaupið. Fljótlega missti ég sjónar af liðinu og á einum göngustígsgatanamótum ákvað ég að fara styðstu leið í hólmann svo ég næði allavega einum hring með okkar fólki. Þarna var ég orðin þreytt og komin á það stig að það væri bara mjög gott hjá mér að labba allar brekkur.

Jónshlaupið.
Í hómanum var hörkustemming, þótt hefði verið meira gaman að fleiri hefðu tekið þátt í hlaupinu. Hitti Gunnlaug og flélaga við tjaldið, Hann sagði að Ívar væri sprækur. Ég lagði af stað öfugan hring og fljótlega hitti ég minn mann sem var búinn að hlaupa í tvo tíma og átti eftir fjóra. Ekki var nú sérstaklega sprækt í honum hljóðið. Trausti búinn að stinga hann af og Ingólfur líka á undan. Agga var þarna og bar af, virkaði sterk og létt. Eftir að hafa hlaupið með einn og hálfan hring var minni æfingu lokið. Fékk skutl heim í Laugar hjá Berki. Hann var í voða flottu rauðu vesti sem þeir Ásgeir fengu fyrir að hafa lokið Mont Blanc hlaupinu (getum kallað það Montvesti) Gaman að hitta hann og fá smá viðbót við ferðasöguna þeirra.
Mætti svo aftur rúmum klukkutíma fyrir lok Jónshlaupsins. Staðan var svipuð nema Trausti hafði hætt eftir eitt maraþon. Seigur strákurinn svona viku eftir Járnkarlinn.
Ívar var orðinn fyrstur í 6 tímunum og Agga enn sterkleg. Þau Ívar með rúml.67km. og Agga með rúml.58km. stóðu uppi sem sigurvegarar í Jónshlaupinu (6 tímunum) í ár. Ég var mjög stolt af okkar fólki þarna. Auk sigurvegarana og Trausta (6t) fóru Ingóllfur (sem hafði vit á því að fara langa æfingu í hlaupinu)tæpl.36km. og Gunni Geirs fór rúml. 30.5km. Flottir karlar. Sjá nánnar í skilaboðaskjóðunni hans Gunnlaugs: http://www.gajul.blogspot.com/ þar eru líka flottar myndir af þátttakendum og ýmsar tölulegar upplýsingar um hvað við eigum góða hlaupara. (Sigurvegararnir bera af voða krúttleg með verðlaunagripina sína).

Tökum þátt í hlaupaviðburðum.
Við áttum því láni að Fagna að hafa Pétur Franzson hlaupaleiðtoga í mörg ár, Að öðrum ólöstuðum var hann yfirsnillingur í að drífa fólk með í ýmsa hlaupaviðburði. Nú þegar hann er öðrum hnöppum að hneppa verðum við að vera dugleg að halda stemmingunni og drífa okkur með, halda áfram að gera ýmsar skemmtilegar hlaupagloríur.
Ég dauðsá eftir að hafa ekki skráð mig í hlaupið 3-tímana og notað þessa flottu þjónustu sem var samkvæmisttjaldið hans Jóa var og trakteringar til hægri og vinstri. Þá hefði ég bæði styrkt hlaupið með minni táttöku og fengið stuðning á erfiðri æfingu. En það er gott að vera vitur eftirá.
Þetta er orðið þannig að við erum farin að hafa áhrif með því að taka ekki þátt. Það getur verið spurning um að viðkomandi atburður falli niður vegna þess að ekki fæst næg þátttaka. Tökum þátt í því sem er í boði bæði til stuðnings okkur sjálfum og Hlaupunum.
Haustlita hlaupið í Reykhóasveitinni og Jónshlaupið voru bæði mjög skemmtilegir hlaupaviðburðir með allt of fáa þátttakendur. En það er of seint að iðrast eftir dauðann, og við sem höfðum ekki vit á að notfæra okkur 3 tíma hlaupið og fyrir ykkur sem mistuð af Reykhólasveitnni, Flókalundur-Bjarkalundur! Nú er tækifæri til að bæta um betur. Það er:
Meistaramót Íslands í boði frjálsíþróttadeildar Ármanns. Miðvikudaginn n.k. þ. 17. sept. 5000m. kv.kl 18.30 og 10000m. kk kl 19. Ekki spurning um að nýta sér þetta, keppa og ná sínu besta fyrir þá sem eru í því stuði, eða sem bestu tempoæfingu sem hægt er að fá. Eva vakti athygli mína á þessu í gær og eftir að hafa nagað mig í handbökin yfir því að hafa ekki farið í 3-tíma hlaupið ákvað ég að láta þetta ekki fram hjá mér fara og vera með. Ég þarf aðeins að mixa í Mílanóprógramminu en vona að ég fái leyfi hjá yfirkennaranum til þess.
Í fyrra var Eva ein á brautinni í þessu móti og aðeins fimm karlar í 10k. þetta nær náttúrulega engri átt. Í þessari uppsveiflu sem er í hlaupunum. “Kæru systur, kæru skystur” mæturm allar á á meistaramótið. Verum nú í fyrsta skipti fleiri en strákarnir. Linkurinn á mótið er: http://fri.is/pages/articles6/motaskra/
Kær kveðja. Jóhanna Eiríksd. Íslandmeistari kv. í aldurfl. 40-49 ára árið 2006

Stórir miðvikudagar.

2008-09-10T21:55:00.002Z

Alltaf vel mætt á miðvikudögum. Í dag taldi ég 40 manns. Í boði var Fossvogur og 6 rólegir m. Mílanóum. Elín stjórnaði og tókst það svo vel að það var bara eins og maður hefði skroppið fyrir horn þegar æfingin var búin. Ekki spilltu fyrir pilsklæddu skotarnir og fótboltaáhorfendur í feikna stuði. Maggi Sig, Árni og Þórir hlupu með okkur og nú bíðum við bara eftir að þeir skrái sig í M-maraþonið. Það eru 74 dagar til stefnu svo tími er ekki vandamálið. Helgi kom í leitirnar og að sjálfsögðu búinn að standa sig og hlaupa gærdags-sprettina, þóttist hafa getað alla á tilsettum hraða. Davíð þorði ekki annað en að mæta í dag því í gær missti hann af hópnum og ekki nóg með að hann þyrfti að taka refsispretti á bretti heldur fékk hann refsiþjálfara í þokkabót. En allir sprækir á endurnæringaræfingu í dag og fínar styrktaræfingar uppi á eftir.
Gott að heyra frá landvörðunum (um að gera Helga að nýta sér hlaupasnillinga eins og þinn mann til að læra eitthvað af) fyrir þau og aðra sem vilja taka á því á morgunn þá er 7km á 10km-keppnishraða, ca 2,5 upphitun+niðurskokk.
Sjáumst á morgunn